روائع الامير سعود بن بندر

[حديث الصمت]

دنياك حلوه لا تهمك ظنونك
.........لاخير فيها كان خان القدر فيك

وش نفعها ياقبلة الخلق دونك
.................لعلها (..........) دنيا تبكّيك

حرام أشوف الدمع يملي عيونك
................ياماليٍ قلبي من الحب وشفيك

تقول حظك ياحياتي يخونك
................وش قولتي في حظي اللي غدر فيك

ترى شجوني زودتها شجونك
.....................خذ قلبي إلعب به لعله يسلّيك

 

[حديث الصمت]

حبيت قربك ولا ادري ليش
........ترتاح لمشاهدك عيني

دخلت في مهجتي بشويش
..........وحبيتك بكل مافيني

جنبك بديت استلذ العيش
............واندم على ماضي سنيني

قبلك حياتي مضت في طيش
...........ياليت عارفك من حيني

ذي قصتي وانت رايك ايش
..............آمين لك رغبةٍ فيني

وعلى حرير ومخدة ريش
...........سلّمتك القلب بـ يديني

 

[حديث الصمت]

حاول وحاول ...يصير فراقنا هادي
..........الله عطانا العقل حتى يعنّينا

خل المقادير تمشي مشيها العادي
............في عمرنا يفعل الله مانوى فينا

مافادتك دمعتك .. ماينفع عنادي
..........لاصار ربي حرمنا .. من بيعطينا

فراق وصارت ولاتحزن على ابعادي
...........وأنا بحاول على نسيان ماضينا

ونبدأ حياةٍ جديدة كل واحد بوادي
.........ياحسرتي في غرامٍ عشته سنينا

ياوحشه الليل .. في بعدك بلا رقادي
................ويا طوله اليوم ماشفتك ولو حينا

 

[حديث الصمت]

يامن خلق ربي احساسي على شانه
.............لي في تجاهلك قدام الملا معنى

خوفٍ على حبنا قررت كتمانه
........... لين الله يسيّر الايـــام تجمعنا

غواص بحر الهوى لى حصل الدانه
............. يبلع صدفها عن اهل الغوص لو يعنا

وأنا لقيتك روحي فيك ولهانه
............وشلون ابيّنك للعاذل ويخدعنا

والورد يجنا إلى مالت به اغصانه
................واصبر ولابد ماتزهر مرابعنا

دام الامل حي والاشواق عطشانه
.............لابد من ليلةٍ تضحك مدامعنا

مافيه داعي نشوف فلان وفلانه
......... برهان حبٍ برغم الناس مقنعنا

ودام الوفا طبعنا والنفس ولهانه
..........ما أظن حيٍ عن الجمعا بيمنعنا

 

[حديث الصمت]

مايختلف في حلاك اثنين
...........ياكامل الوصف في عيني

زينك يميّـز عن أهل الزين
...........بالطبع والمنطق الزيني

يفرق جمالك عن الثانين
..........فرق السما عن ثرى الطيني

من شوفتي لك والى هالحين
..........والشوق لك فاتكٍ فيني

عندي تمر الليال سنين
.............وانا أنتظر وعدك اتجيني

لا تلعب بقلبي المسكين
............يكفيه ماصابه سنيني

قلبي شغف بك عن الباقين
............لاتخذله ثم يشقيني

إن ماحصل شوفتك بالعين
.............على الأقل إتصل فيني​

 

[حديث الصمت]

انتي الفرج دايم الى صابني ضيـق
..........وانتي السند لا كشّرت سود الايـام

وانتي ملاذي بين كـل المخاليـق
..............ان كان لي حـظٍ فعمـرك لنـا دام

أجيك وهمومي كبر هضبة طويـق
..............واروح منك وكـل الآمـال قـدام

مشيت في درب العمر دون توفيق
............لامال ..لاراحه .. ولا ارضيت الانام

عمري ثلاثينٍ مضت كلهـا ضيـق
.............وماعمري استرّيت فيهـا ولاعـام

عانيت تكذيبٍ وعايشـت تصديـق
............ورضيت تشكيك وسامحت مـن لام

هذا ولا نـي دون كـل المطاليـق
.............ايضا ولا مني حصل قطع الارحـام

ولا هيب غاياتـي خـداعٍ وتلفيـق
...........ولا هوب حبٍ للمكاسب والارقـام

ايضا ولاني من عـداد المغاليـق
...........العابدين نفوسهـم مثـل الاصنـام

 

[حديث الصمت]

ما كلّف الله نفـس مـا لا تطيقـه
..........البعد والحرمان مـا عـاد ينطـاق

ما كنت أفكـر فـي فراقـك دقيقـه
..........لولا ان عقلي من سبات الهوى فاق

وشفت ان جمع الشمل ما له طريقه
...........ولا صار لي قدرة على قهر الأشواق

تسر الليالي السود مثـل الحريقـه
............تحرق من أيام العمر خضر الأوراق

ونور الأمل في الوصل يفقد بريقـه
.............ودايم وحنا بالاسـم بـس عشـاق

أظهر لـي الواقـع ومـر الحقيقـه
...........كلش يقول فـراق وفـراق وفـراق

 

[شين الحلايا]

​

من هو حبيبك غايتي بس أهنيه
على حسن حظه عشانك حبيبه​

أنا أشهد ان الله يحبه ومعطيه
اللي هداك الرب تصبح نصيبه​

ياللي خذيت من الحلا كل ما فيه
ومن الطبع كل الخصال الحبيبة​

تسحر بهمساتك عقل من تحاكيه
مع خف دم وملح ما ينحكى به​

لك حق يوم تموق وتحس بالتيه
الله وهبك أوصاف زين غريبة​

قبلك وأنا بعض الجمال التفت فيه
وعقبك ظهر في كل من شفت عيبة ​

..................​

بارك الله فيك عزيزي حديث الصمت على هذه الاضافات والمعلومات
عن الامير سعود بن بندر
فقد اعتليت يا حديث الصمت الى روح التألق والجمال والاناقه
في متصفحي ..
دمت سيدي بكل ماتحمله من معاني
ودام قلمك يكتب كل ماهو رائع مثلك :وردة:​

 

[حديث الصمت]

العفوووو

 

[لوووح!]

هو الامير الانسان الشاعر سعود بن بندر بن محمد بن سعود الكبير يرحمه الله

ووالدته هي الاميره البندري بنت عبالعزيز

أخي أو إختي حديث الصمت..
أردت تصحيح الإسم فقط بعد إذنك..هو ليس من أبناء سعود الكبير..
هو:سعود بن بندر بن محمد بن عبدالرحمن بن فيصل آل سعود..
وإم سعود كما ذكرت/ي البندري إبنة الملك عبدالعزيز..
وإبنة عم زوجها بندربن محمد بن عبدالحمن..
أي أن جد سعود لأبيه(محمد)هو أخ وشقيق للملك عبدالعزيز طيب الله ثراه..
وأولاد عبدالرحمن الفيصل ثلاثة أشقاء..
هم(عبدالعزبز)(محمد)(عبدالله) طيب الله ثراهم..
وسعود له إخوه متوفين وأخوات هم:
متعب_محمد_فهد_موضي_جهير
والبندري إمه توفيت قبل سنه ونصف تقريباً..رحمهم الله جميعاً..
وسعود له أخ على قيد الحياه وإخت..
هم:تركي_مي
ولاأعلم هل بقي أحد غيرهم أم لا..
ولكن ماذكرت هو حسب معلوماتي السابقه..

أشكر صاحب الموضوع..ومن شارك هنا..ومن سيشارك..
لأن سعود بن بندر..شاعر وشعره سهل ممتنع..وغني عن التعريف..
وقد غنيـــّـت له الكثير من القصائد..
سيضل بالذاكرة دوماً لمتذوقي الشعر..​

 

[حديث الصمت]

أخي الكريم

ألف شكر على التصحيح والتوضيح

وعلى هذه المعلومات القيمة عن شاعرنا الراحل

قبل تحياتي

أختك حديث الصمت​

 

[لوووح!]

أخي الكريم

ألف شكر على التصحيح والتوضيح

وعلى هذه المعلومات القيمة عن شاعرنا الراحل

قبل تحياتي

أختك حديث الصمت​

أولاً لاشكر على واجب..
ثانياً ألف شكر لك و لردك الطيــّـب:وردة:
والله يوفقنا وإياك ياإختي وكل مسلم لما يحبه ويرضاه..​

 

[حديث الصمت]

حِب الثرى لاجيت نجد الحبيبه
........ وصل سلامى يامسافر للاحباب
​

دارٍ حلوم الليل عندى تجيبه
......... من غبت عنها طيفها الحلو ماغاب
​

ودرب الحويّه ضم بطحا شعيبه
.......... لى فيه وقفاتٍ معا تلع الارقاب
​

ويلي من الغربه دموعي سكيبه
.......... لامن ذكرت خفيّف الدم جذاب​

 

[حديث الصمت]

ضاقت الدنيا بعينٍ ما تشوفه
...............دمعها لاشواقها فاض و شهد

ما على جلساتكم عقبه حسوفه
..............و اعذروني بس ما يسواه احد

أحرمتني منه في لحظة ظروفه
............مدري الفرصة متى تسمح بعد ؟

توني حطيت قلبي في كفوفه
...........قبل لدري وش نوى في ...ابتعد

يسهل المدخال و تكود النكوفه
...............في الهوى و يطاول العين السهد

راح عني ماذكر لي كيف أشوفه
...............و المصيبة لا مكان ... و لا وعد

 

[حديث الصمت]

رسالتك لي فجّرت فيني الشوق
............وزاد الحنين لشوفتك ياحياتي

ضمّيت لمساتك عـلى الظرف برفوق
...........ومنها بعثت الروح في ذكرياتي

في رقة أسلوبك تحالالي الذوق
..........وانت الحلا والذوق ياذوق ذاتي

ياليتني مـــن نشوة الحب مافوق
............إلا لملي آمالي الفارغاتي

وانك معي واشرب غرامك على روق
.............وأحيا على نظراتك الساهياتي

متى نحلّق في ليال الهوى فوق
...........ونقول هاتي ياملذات هااااااااااتي

 

[حديث الصمت]

محدٍ خذا غيرك من النـاس عمريـن
..........عمرك وعمر اللي معـك فـات كلـه

وزودٍ عليهـا صـرت مالـك لقلبيـن
.............قلبـك وقلـب فيـك هــام وتتـلـه

حبك نزل في القلـب بيـن البطينيـن
............وفـوق المعاليـق الثـلاثـه محـلـه

يسري غرامك بالدمـا فـي الشراييـن
...............مسرى المرض في جسم من حسن عله

سيرتني برضاي ما قلـت لـك ويـن
.................معك على موج الهـوى قلـت يـا الله

وش غير هذا أعطيك يا كامـل الزيـن
...................روحي فـداك أطلـب وخذهـا تدلـه

مادام شوفـة طلعتـك تكحـل العيـن
................ماهمني غيرك وش اللـي حصلـه

نسيتنـي الماضـي ونـاس كثيـريـن
.................وما كن فـوق الارض غيـر إنـت لله

 

[حديث الصمت]

آه لو تدري عن الحب الكبير
..........لك بقلبي من بعضهم ما تغير

بس ما اقوى العيش فالدنيا وحيد
...............والعمر ياعمري الثاني قصير

ايه اجاملهم ولا عندي خيار
..............عادتي مع كل من جاني عشير

ودي ان الناس حولي يكثرون
..............وكل ما جت سيرتي معهم بخير

وكلهم غيرك يعرفون بوضوح
................انك الاول عليهم ... والاخير

وان وضعك غير وتشوف الدليل
.............اني اخترتك وراضي بك مصير

انك تقارن بهم نفسك ..حرام
..........علهم يفدون... خنصرك الصغير

لا تخلي الشك يحرمنا جميع
...........من غرامٍ ماهقينا انه يصير

دون ذنبٍ تقتل الحب الـــوليد
..........وتو خطواته بمآنينا تسير

ولـــو نسويها ندمنا ما يزول
.............وطول ما نحيا يحاسبنا الضمير

 

[حديث الصمت]

http://www.youtube.com/watch?v=9fXpXB0Yf7w

حبايــبنا وش الدنيا بلاكــم
............ملاه الشوق قلب ما سلاكم

يضيق به الفضا بعض الليالي
...........إلا دوّر نــــديــــم ولا لقـــاكم

حبايبنا ترى الفرقــه صعــيبة
..........على مثلي مــولـع في هواكم

حبايــبــنا إلا يــوم اجتمــعــتوا
..............ومـرت ذكر في سيرة لقــاكم

فلا تــقولــون يمــكنّه نــسانا
...............حرام الظن في اللي ما نساكم

ترى يمكن إني أذكركم وأغــني
...............ملاه الشوق قلـــب ما سلاكـم

 

[حديث الصمت]

تبي تعرف بقلبي وش مكانك
.........تبي تعرف وش اعمل كل ليله

عزيز الدمع ذليته عشانك
..........وعزة نفسي لك صارت ذليله

وقلبي غلطته حبك وصانك
...........مشى في درب مادله دليله

وضاع وتاه في دنيا حنانك
............ومن دنيا عذابك من يشيله

تبي تعرف ولو يسمح زمانك
..........تشوف الهم في نفسي العليله

اجامل ناس اكرههم عشانك
..........وهي غاية وذي احسن وسيله

 

[حديث الصمت]

هذا غيض من فيض من قصائد الامير سعود بن بندر

اعذروني للاطاله

لكن حبي لشعر الامير الراحل جعلني دون مااشعر اكتب كل هذا

واجدني مقصره فيما خطتته

اتمنى ان تعجبكم القصائد

رحلت ياسعود ولكنك تبقى بشعرك في قلوبنا جميعا