كفوو يا شجاع يا مقنع الناس يا محاور يا فلته
يا محرجهم
هذي اخر تربية الخدم
حبيبي... أول شي ماكو داعي لإسلوب تربية الخدم وما تربية الخدم
ثاني شغلة... إحنا زهقنا... ودي بيوم نطلع عن الأمور الشخصية ونحل المشاكل
إذا قلنا عادي البنات يلعبون رياضة... قالوا ديوث وقلبوا الحوار كله عن تعريف الديوث... ومنو الديوث... و شلون صاير شكله... و وين بيتهم... و لا نوصل لنتيجة
إذا إنفتح حوار عن وبالغلط صار في طاري الشيعة... إنقلب الحوار وصار منو الصح... الشيعة ولا السنة.... وهذا يقول يا رافضي... و هذا يطلع احاديث من سنة الطاعون... والثاني يقول ردوا ديرتكم بلنج
إذا صار الموضوع فيه شخصية سنية... قلبوها... انتوا وهابين... إنتوا مزدوجين... مادري من وين يايين... هناك دايسين على روسكم وهني تتكلمون... والكعادة ننسى الموضوع الرئيسي
وإذا تكلمنا عن الإختلاط و واحد (انا على سبيل المثال) قلت إني مع الإختلاط... قالوا يا علماني... يا ليبرالي... يا مادري وين... شرع الله ولا الدستور... القوانين الإلهية ولا القوانين الوضعية... المشكلة يسألونك أي القوانين تتبع... وإذا قلت القوانين الإلهية واهم ليبراليين.... قالوا متخلف... واذا قلت القوانين الوضعية واهم محافظين... قالوا كافر!
حلو... ديوث و رافضي و وهابي و علماني وكافر الخ من الحجي... خلونا نتجاوز هالمرحلة و نتناقش بالقضية الأساسية...
أكو مثل إنجليزي يقول لك ما معناه... العصي والحجارة قد تكسر عظامي لكن الكلمات لن تؤذيني...
أنا لما قلت (اوكي ديوث وبعدين) مو معناها إني قابل بهالوصف او راضي عنه.... بس خلنا نتعدى هالمرحلة شوي و نناقش القضية من منظور قانوني ودستوري بحت وخلوا كل واحد يعرف شاللي له وشاللي عليه...
أما الأمور الشخصية... مثل الدين... واذا ديوث.... ولا جنس... ولا اللي يكون... شنو فايدتها بالحوار... احنا قاعدين نتناقش بأمور سياسية ولا ناووين نناسب بعض؟