سؤال وجواب اوقات الدوامات الرسمية الجديدة للمؤسسات والوزارات الحكومية

[شاكر]

ابتداء من مايو ستكون اوقات العمل من الساعة 7.30 الى الساعة 3.30


واللي عنده معلومات خل يفيدنا ​

 

[abo_ahmad_k]

شاكر من صجك انت
ولا اتغشمر الدوام للوحده ونص
مو ملحقين على عيالنا بالمدارس
المره هذي لثلاث ونص مشكله عظمى
ياشباب الي عنده خبر يفيدنا
صراحه اول مره ادري او اسمع بالمعلومه هذي

 

[نصر بن سيار]

ياحلو حكومتنا وهي تنتظر ردود الأفعال منكم "يالدلوعيين" وانا أولكم،

"زيديني عشقاً زيديني" ياحكومة

 

[شاكر]

انا اتذكر بالعام الماضي انه تم طرح هذا الموضوع في نشرة الاخبار وبالتفصيل

وبخصوص المدارس فهم اعتقد ايضا الى الساعه 3.30

حسب ما وردت لي من معلومات ان سيكون شهر مايو تجريبي
على ان يطبق رسميا في شهر سبتمبر ​

 

[عبدالله .]

ليش إن شاء الله ليـ 3.30
من زود الشغل يعني
ولا بنصنع الذرة بدواماتنا
الشغل كله على على بعضه
يخلص بـ ساعة بالكثير والباجي سوالف واكل وجاي وقهوة وفرارة عالاقسام وتفكير بالتزريق
هذا للي يدوام
واللي مايدوام يدق البصمة ويرد بيتهم !
​

 

[عطلبيس]

نتمني تطبيق هذا القرار ... و التشدد في تطبيقه .... و وضع أليات لزيادة كفاءات الموظفين منها الثواب و العقاب و مغريات عملية و خبراتية ...

بسكم دلع ...

 

[قلبي خفق ياكويت]

انتم من صجكم لامستحييل
من كثر الشغل
انا اجي 8 الاربع لي 1
احس روحي بتطلع من الفرااغ
لايوبه ان شالله مااايصير
وين الواحد يرد البيت ويقيل شوي ويطلع العصر ولاالمغرب
قرار فااشل حده
كثروا الشغل
وزيدوا المعاشات
واحنا نقعد ل3 ونص اما جذي بطالين ومعااشات جذي
لاوالله حرام​

 

[احمد بن عباد]

نتمني تطبيق هذا القرار ... و التشدد في تطبيقه .... و وضع أليات لزيادة كفاءات الموظفين منها الثواب و العقاب و مغريات عملية و خبراتية ...

بسكم دلع ...

ديرة الفسق ولا ديرة الحسد اوعوذ بالله من الحاسدين

 

[طموح]

ليش هل قرار المفروض من 6 الصبح الى 6 المغرب

 

[Librax]

اعتقد له علاقة بأقرار الكوادر نهاية هذا الشهر !

 

[شاكر]

اليوم الجرايد تتكلم عن زيادة الرواتب

 

[قلبي خفق ياكويت]

اي صح اليوم انا قاريه
ياليت تعلموني
بصحه الخبر اخواني اوخواتي
يارب يزيدون الرواتب​