أنـت عنـصري 100%

[Ben RasheD]

السلام عليكم ورحمة الله وبركاته


مساكم وصبحكم الله بالخير جميعا


يا أخوان صراحة اللي نشوفه هاليومين من عنصرية وطبقية وطائفية يحز بالخاااطر


وما فيه كويتي شريف ما يتألم من تفرقة أبناء شعبه


كلنا على بعضنا ما نوصل مليون نسمة ونشوف القلوب متفرقة ؟؟؟


انا احاجيك انت ... إي إي إنت ياللي قاعد تقرأ

فيك عنصرية ؟؟ تشوف الناس الثانية بنظرة دونية ؟؟؟




اي نعم فيك

واقولها وجني اشوفها بعيني ، انت اساسا أكثر واحد عنصري بيننا


والحين أبيك تدخل وتسولف لنا عن هالعنصرية وأسبابها
وأبيك تكون صريح من دون تجريح



عشان تسمع وجهات النظر الثانية

وتبدون تتباحثون بهالامور وتصفي القلوب شوي



وأنا متأكد إننا كلنا رح نوصل إلى نقطة نتفق عليها ألا وهي


كلنا لنا ولاء مطلق لهذا البلد ( الكويت ) ولكن تختلف وجهات نظرنا وأراءنا



اتمنى المشاركة من حضراتكم


تحياتي

كويتـي أولا وأخيرا
​

 

[canavaro_wbs]

الحمد الله انا ما فيني عنصريه واحب كل ابناء وطني

نحن ابناء القبائل اعز من ان نلتفت لمثل الجاهل ومن خلفه

روسنا دايم مرفوعه ولكن الملاحظه الموجوده هي شفيهم عايشين الدور

والله ماحد شقا فيهم وانا اقصد اهل العنصريه اللي ما قامو ولا قعدو تجنسنا بالستينات ولا قبل الميلاد

هذي ديارنا ونرحب بكل من حل ضيف فيها سواء بالتجنيس ولا بالاقامه

بالعكس نتمني تكون الافضليه والتقديم لمن سعي بان يكون الافضل واجتهد

مو من قال كان ابي

ونتمني يكون لسان الحال

بنفسي شرفت لا باهلي
وباهلي كل الشرف

:وردة:

​

 

[Ben RasheD]

الحمد الله انا ما فيني عنصريه واحب كل ابناء وطني

نحن ابناء القبائل اعز من ان نلتفت لمثل الجاهل ومن خلفه

روسنا دايم مرفوعه ولكن الملاحظه الموجوده هي شفيهم عايشين الدور

والله ماحد شقا فيهم وانا اقصد اهل العنصريه اللي ما قامو ولا قعدو تجنسنا بالستينات ولا قبل الميلاد

هذي ديارنا ونرحب بكل من حل ضيف فيها سواء بالتجنيس ولا بالاقامه

بالعكس نتمني تكون الافضليه والتقديم لمن سعي بان يكون الافضل واجتهد

مو من قال كان ابي

ونتمني يكون لسان الحال

بنفسي شرفت لا باهلي
وباهلي كل الشرف

:وردة:

​

حياك الله اخوي

ودي أجاملك وأقول إن فعلا ما فيك عنصرية


لكن بينت عنصريتك من قلت (( فيهم ))


وهم فئة بالمجتمع وأنت تعنصرت عليهم من حيث لا تشعر


والعنصرية تراهي أشكال والألوان


العنصرية موجودة لا نضحك على بعض


بس ودنا إن نصارح بعض ، لأن الصراحة راحة


وأنا اقولكم كويتي بالتأسيس ولا بالتجنيس يوصل الى نتيجة واحدة وهي كويتي
​

 

[canavaro_wbs]

انا اقصد من جعلك تكتب هالسطور من اثارو الفتن

 

[faress]

لهذا السبب أنا عنصري

نعم أنا عنصري

 

[كـويتي]

مشابه لنكي يالعنصري

 

[ولد أبوحليفة]

لا أقول الا كما قال الله عز وجل ان اكرمكم عند الله اتقاكم ...

 

[CBA]

ماني عنصري اكبر دليل اصدقائي الي اعزهم واعتبرهم اخواني
من كل اطياف المجتمع