سؤال وجواب السلام عليكم

[الكرملين]

بغيت اسأل منو احسن دكتور يعرف للديسك ويعالجه


انا شاكه ان فيني ديسك بس مادري وين اروح

راجعت الهادي ودكتور روماتيزم قالوا سليمه مافيج شي


وانا شاكه بالديسك عوار دايم بظهري ورجولي

 

[keek]

يمكن داخلج برد

افضل طريقه حاول تنامين من غير مكيف هاليومين بس

وماتشوفين شر

 

[ارحل ياجاسم]

مستشفى الرازي

عبدالرزاق العبيد

عبدالعزيز المطير

افضل الدكاتره ومستواهم عالمي بارك الله فيهم

والله يشافيج

 

[ARMOUR ON]

مو شرط ديسك ممكن هشاشة عظام او او او الاسباب وايد
دكتور عظام شاطر + شوية تحاليل ويصيد السبب الرئيسي وتعالجين
غزال والشر زال ان شاء اللة

 

[مقروده]

اختي قالولها فيها ديسك ومره عرق النسا ما عرفنالهم بس راحت الهادي مو شي تشخيصهم بس ارتاحت على جلسات العلاج الطبيعي عندهم

بس انصحج بالدكتور طارق سنان و التنيب بدار الشفا اذا ماني غلطانه بالاسم وهم الدكتور ارناؤوط المصري بدار الشفا

كنت ادور عن دكتور لاختي وكانوا هذيلا احسن شي بس اهي كسلانه ومهمله بصحتها وخف العوار عقب جلسات العلاج الطبيعي و ما راحت بس سوت اشعه رنين مغناطيسي هذي مهمه لازم تسوينها

 

[الكرملين]

رحت الياكو مال العدان اليوم عشان اخذ موعد رنين مغناطيسي للرقبه والعمود الفقري


عطوني موعد اخر عشره انقهرت قلت بسوي على حسابي اخذوا مني 180 دينار والموعد الاسبوع الجاي

 

[بومحمد33]

السلام عليكم

اول شي ماتشوفين شر وانشالله مافيج الا العافيه

بالنسبه للدسك ، لازم اشعة رنين عشان تبين

ثاني شي ، اكثر علاجات الديسك اهو علاج طبيعي وشوية ادوية مخففة للالم

ثالث شي، لاتروحين خاص ، الخاص بلاع البيزه عالخرطي.

عموما عشان تعرفين اذا فيج دسك ولا لا في شغلات تحسينها مثل:

- تنميل بالأرجل او الايدي
- فقدان الاحساس بالاطراف
- فقدان القوه بالاطراف

اذا ماكو شي من هذوله ، يعني انتي بخير انشالله

والسلام

 

[فراشة كويتية]

الديسك وما ادراك ما الديسك
ما يبين عدل الا بالرنين المغناطيسي ترتاحين عالعلاج الطبيعي بس اي مجهود او زعل بيرجع عليج العوار

معاناة من 2001 هئ هئ

 

[الكرملين]

مشكورين عالاضافات المثمرة

 

[عالمي وحدي]

اختي عنود الحل عندي

خففي رقص بالعروس او خلج عالسامري لا ترقصين طمبوره او نقازي

وسلامات .