غنيم الزعبي
عضو بلاتيني
تسميه شاطئ
قوول بر بعدين ماي بواليع تكرم
موقعه حلو في وسط الجون تقريبا
لكن يعاني من الاهمال
فعلا منظره موحش وقبيح..مع ان موقعه رائع
تسميه شاطئ
قوول بر بعدين ماي بواليع تكرم
موقعه حلو في وسط الجون تقريبا
لكن يعاني من الاهمال
يا جماعة الخويسات وبس
لكويت من لبلاجات لشويخ مو عاجبكم !!
و إذا فيه مطاعم يعني مانعينك من تسبح فيه ؟!
عندكم شاطئ المارينا كريسينت حلو و مرتب ..
أما الشاليهات أصحابها يدفعون بيزات للدولة مو إبلاش !!
تحياتي .. :وردة:
اخي الكريم هذي ارزاق الله مقسمها بين الناس الله يهنيهم فيها..بعدين شدعوه اللي عنده شاليه مطيح فيه 24 ساعة اغلبهم مهجورين ..وانت الصاج يدفعون الالف الدنانير للحكومة الله يعينهم
لا يوجد في الكويت شاطئ نظيف ريح نفسك .
الزملاء يخالفونك الرأي..يمدحون شاطئ الزور والمارينا والخويسات...هل ذهبت لأي من هذه الشواطئ؟
يعطيك العافية زميلي الكريم..انا اعمل بالمواصلات ..والموضوع صار فيه ( خربطة ) فالمقاول اخذ فلوسه بالكامل علي الرغم من انه لم ينجز شيئا...واعرف ان فيه قضيه حاليا ( وراح فيها ) كم مسئول كبير بالوزارة..بس التفاصيل صراحة غريبة..وتضيق الخلق..شلون مشروع بسيط وسهل يتحول الي كارثة بيئية ومالية..؟؟؟؟؟؟؟؟؟؟؟؟؟يا استاذ غنيم الزعبي الشاطئ اللي يقولون انهم يريدون تاهيله هو بالعكس لقد قاموا باكبر عملية تخريب للشاطئ لانهم بدال ما يعيدون المجرى القديم للممر المائي قامو باغلاقه .. على فكرة سبب تجمع الاوساخ والريحة في شاطئ الجامعة هو انهم عندما ارادوا اقامة ميناء الشويخ على جزيرة عكاز قامو بسد الممر المائي للجزيرة بايصال الجزيرة للبر عن طريق الشارع الحالي فقامت تتكدس الاوساخ والطين بدال ما ترجع الى البحر عن طريق الدوران في الجون واللي يبي اجابة شافية اكثر يروح يسئل مدير مركز الاحياء المائية والمركز العلمي الاستاذ مجبل المطوع
وانت الصاج يدفعون الالف الدنانير للحكومة الله يعينهم
لا والله ماني حاسدهم ولكن القصد هو التطنز علي الحكومة من الوضع اشلون ارض علي البحر برخص التراب وهي املاك دوله ثم بيعها باسعار اضعاف مع العلم انك غير الملك الفعلي الاراضإي والله الله يعينهم و الرسوم حسب المتر يعني يختلف من شالية للثاني ..
و بعدين بسك حسد يعني تبي لكل كويتي شالية مثلاً ؟!
و على فكرة البحر النظيف موجود ..
لكن العين الضيجه ما تشوف إلا البحر إللي صوب الشاليهات ..
و أما إللي يقول محد من أهل الشاليهات يرضى أحد يسبح جدام شاليه أقوله هذا موجود بكل مكان حتى لو تروح بحر المارينا و تسبح جدام عائلة قاعدة جدام اليال تلاقي أبو العائلة يتنرفز إنك تسبح جدام أهله ..
على فكرة الشاليهات أمرها هين عيل لو تشوف بيوت بو حليفة و المسيلة إللي يملكون حتى داخل البحر بعقود قديمة قبل ما يطلعون قانون منع إستملاك البحر شتقول ؟!
شفت الأرض إللي لازقة بالمسيلة المائية مثلاً ؟
هذي كانت ملك للمضف و العذبي باعوها للمشروعات السياحية و تتميز إن الأرض مو تطل على البحر بس لا حتى داخل البحر ..
هذا غير بيوت الفهد بالبدع إللي يملكون مو بس الأرض المقابلة للبحر "اليال" لأ حتى داخل البحر حدود العقار و علشان جذي محد يقدر يبني شارع مثل شارع الخليج إللي إنبنى جدام لبيوت إللي كانت مقابلة للبحر لكنها ما تملك جزء من البحر مثل بيوت الرومي و غيرهم بالدعية إللي كانت مجابل البحر لكنهم يملكون الأرض بدون ما يملكون جزء من البحر ..
أذكر بعد التحرير كان عندنا شاليه في ميناء عبدالله و أذكر كان كل يوم ثلاثاء تصير ريولنا حمرة جنك محنيها بسبب الزيت من الميناء !
هذا غير بوقتها طلعت إشاعة قوية إنهم بياخذون الشاليهات لأنها قريبة من الميناء و قد يشكل وجودها خطر لكن بعنا الشاليه و لا حسدنا العالم بعد ما طلع الخبر كلام في كلام ..
تحياتي .. :وردة:
مايصير يبيعوون كل البحر المفروض يحطون اماكن عامه ويشجرونها
ويحطون مظلات.والقليل القليل من البحر يستثمرونه
اغلب الدول تفعل هكذا. ليش بس عندنا هالسوالف
والي يقول الزور هذاك اول وتحول..الان لازم تكون متخفي وتطمر اسوار عشان تستمتع
ديرت سور مافيها بركه