``
ذبحتونا ...الديره رايحه فيها...حكومه تقدم
رشاوى....و نواب بالمجلس لكن صفتهم الاصليه(
النيابه عن الحكومه)...
البراك ما قال شي
غلط...ليش مايستقيل ناصر
المحمد؟ يجب على رئيس الحكومه ان يعني اننا لانعيش في
سنة 1970 وانما 2010...يعني مافي شي اسمه اسكت الشعب..لا الشعب له
عيون تراقب...
البراك طلب الاستقاله شرطيه...
شفيكم معصبين؟
ماتبون تنميه؟ الشيخ ناصر المحمد الصباح لا نتكلم عن شخص الكريم
وانما صفتك ....صفتك كرئيس
حكومه....والله لو تحطون خطه زمنيه تمشون عليها والله والله
والله الوضع بيصير اكثر من مناسب..
اما فلوسنا تتوزع يمين وشمال على العالم وحنا ما عندنا الا
بنية تحتيه قديمه ومنشآت اكل عليها الدهر وشرب.. وصندوق التنمية اللي
صدمني بالفلوس اللي موزعها؟! مادري بديت اشك انهم هبات مو قروض...
الدول قاعد تعيش على
أفاااا الكويت...لا وياليت عندنا اللي عندهم؟!
يبنون بفلوسنا محطات
كهربا اخر طراز حتى لو وصلت درجة الحراره 100 ما تخرب ومحطاتنا من توصل الحراره فوق ال50 ابتلشنا...
يبنون بفلوسنا شوراع يديده واحنا شوارعنا كلها حفر
وقديمه ومكسره....
يبنون مدارس
يديده واحنا اذا كلش كلش
كانت المدرسة يديده ماترقى للمستوى المطلوب...مدرسه ام طقه... وين مدارس السبعينات؟ اللي الحين مكانها كلية الاداب وكلية
البنات...؟
ليش قاعد
يصير بالكويت جذي..؟!
نروح
المكسيك وامريكا الجنوبيه
ونحذف الفلوس يمين وشمال وندور استثمارات ومحد داري عنا..مايبون الا فلوسنا...
هذا واحنا عندنا فلوس...ويكرهونا..! لا وفي بعض الغرب اللي ساكنين عندنا يكرهونا واهما بديرتنا....
شبيصير لو خلص النفط ولا
راحت الفلوس؟! ........
شنو هذا؟! وين الهيبه؟! قسما بالله احتر على ديرتي.. ولا اخفيكم سرا اني مرات احس ان الكويت خلاص حدها
ان شدقت بمعجزه 40 سنه جدام فقط لا غير...
وين التنمية؟! وين رخاء الستينات والسبعينات!؟ ليش التجنيس عشوائي؟ ليش محد يفكر الا بنفسة؟! ليش الكل يحسد الثاني؟!
ليش مجلس الامه كل من دشه يصير مليونير؟ هل مجلس الامه مجلس الشعب او مجلس شلون تصير غني على أفا الشعب؟! ليش يصير بالكويت جذي؟!
سفاراتنا حدث ولا حرج الا من رحم ربي...ليش مرات السفاره الكويتية بالخارج ما تساعدك؟! شهالمصخره؟ جم عددنا احنا؟
مليون... والكويتيين اقل طبعا..
شنو المشاكل او المساعدات اللي يبيها الكويتي من سفارته؟! يعني خل نتخيل سفاره الكويت باسبانيا بالصيف جم كويتي بيصيرلهم مشاكل هناك؟! 100
او 200 خلال 3 شهور الصيف؟ هل هالعدد وايد؟!
زين لو الكويت كبر امريكا ومواطنينها محذفين بكل مكان بالعالم...شلون راح تمارس حمايتها؟!
ليش الكويت صارت سلطه؟!
طوفه هبيطه...؟! ليش الوافد ما يحترمنا وهو بيننا بديرتنا! ليش؟!
ليش بعض الوافدين
عينهم قويه؟! يطوف الاشاره
الحمرا..ويسب
الكويتي...و متمادين مع
الشرطه...
ليش؟!
يبقى السؤال...الكويت متى راح تنتهي؟
الجواب: اللي قاعد يصير فيها الحين ما هو الا بداية النهايه!!
عنك وعنكم وعن الكويت كلها