سؤال وجواب يا أهل الجامعة محتاج نصيحتكم ضروري .. !

[الح ـر]

السلام عليكم .. مساكم الله بالخير جميع

أخواني .. أنا طالب بكلية العلوم الإجتماعية و إن شاء الله بتخصص علوم سياسية

بس محتار جداً بين الأستمرار بالكلية و التحويل للشريعة ..

والله أخوان اني ما اقدر أنام من التفكير ..

يا ليت تفيدوني عن مستقبل " العلوم السياسية " ؟

و هل تنصحوني بالتحويل للشريعة ؟ و ماهو أفضل تخصص فيها ؟

(*طبعا الأسئلة عن المستقبل الوظيفي مو الدراسة) ..

تكفون لا تبخلون علينا بالنصايح ..

تحياتي :وردة:​

 

[الح ـر]

للرفع رفع الله قدركم
​

 

[مطمئن]

والله ياخوي علوم سياسيه اذا عندك واسطه قوووووووويه راح تنقبل بالخارجيه
اذا ماعندك الله يعينك راح تتوظف بمكان ماله علاقة بتخصصك ابدا...

انا اقول استخير...صل صلاه استخاره و دش منتدى جامعه الكويت واسأل الطلبه هناك...

والله يوفقك وتطلع من حيرتك

 

[بو عصام]

خلك سنة علوم سياسية وبعدها قرر

 

[xalkuwaitx]

اذا كان ميولك الذهاب لوزارة الخارجية بعد التخرج وعندك الواسطه باذن الله طبعا فتمسك فيها تخصص حلو

بس اذا كنت مو واثق اذا وظفوك بوزارة مافيها كادر ماراح تكون عندك اي بدل مميز

تخصص العلوم السياسيه مافيه كادر خاص فيه ( مثل المحاسبه القانونيين المهندسين الخ )




اما تخصص الشريعه تقدر تتوظف فيه بأي وزارة سواء كان فيه كادر او لم يكن راح يكون عندك ( كادر القانونيين ) بس لازم تتأكد هل جميع تخصصات الفرعيه للشريعه تحتسب بديوان الخدمة قانوني او بعض التخصصات مثل فقه الخ ؟

واتمنى لك كل توفيق

الله يوفقك

 

[عبدالرزّاق السّنْهُوري]

يا عزيزي حول لكلية الشريعة افضل وتخصص فقه واصول علشان تقدر تدخل التحقيقات والشريعة حتى لها كادر القانونيين اما العلوم السياسية فهي فاشلة بكل المقاييس ولا اهمية لدراستها والشريعة تغنيك عنها .​

 

[M!ND]

أخي الفاضل
العلوم السياسية لها مستقبل أفضل ( مجرد رؤيـة مستقبلية أراها )
* شوف ميولك أنت وقرر.
أترك الواسطة , لأن الحكومة تتشدق بالقانون وتطبيقه , واليك هذه المادة ـ أدنـاه ـ تعطيك الحق في حرية الاختيار (حتى لو وصل الأمر للقضاء) ستأخذ حقك


المادة41 من الدستور
لكل كويتي الحق في العمل واختيار نوعــه ........
اتمنى لك التوفيق:وردة:​