شوف كوني مطيري وميموني ومتعصب فأنا مع رجوع ابن شرار , بشرط إن العفاسي كذلك يبقى , فيصير نصيب مطير اثنين في الحكومة , مو المسائل ماشية جذي , ولا تثيثون الثياثة معينة بعلها وكيل بدرجة وزير قبل جم يوم , والرشايدة معينين نواب في البلدي , والعوازم عندهم وزير ومطير وزير , فالتعين إما فكري أو مذهبي أو قبلي أو عائلي وماشية الأمور حلاوة .
يعني تبي تفهمني اللحين يا أبو كرش إنك تحب ابن شرار وتبيه يرجع لعيونه السود وهو اللي استذبح على إدانته المليفي والراشد باستجواب تعجعج فيه رائحة العنصرية ؟ يبه مناداتك لابن شرار لسبب وجيه وواضح , لأنه هو له كرش وأنت لك كرش هذا أولاً , ثانياً لأن مافيه شخص يدافع عن الحكومة وينافح عنها وكفاءة بهالموال مثله , بالضبط مثل اللي قاعد تسويه عندنا بالشبكة , يتراوالي ساعات إنك عضو بالحكومة مو بالشبكة ! تكفى محد قال لك لا تصير حكومي بس عفيه خف علينا شوي , خليتنا نحس بأن حكومتنا تبع المدينة الفاضلة وحنا مجرمين بأي انتقاد لها .