البابطين ..يرفض تسليم علي العنزي سيارات المسابقة

[kwt.store]

نمى إلى علمي من مصادر مقربه من المبدع : أ على العنزي
الذي حصل على سيارة البابطين امس في مسابقة قناة الوطن (قرارك ) مع بركات الوقيان​

واليوم راح يفوز بسيارة ثانية ​

لكن المفاجأة أن شركة البابطين رفضت تسليمه السيارتين​

بحجة اتهام بركات الوقيان بالتواطء معه






​

لأنهم كلهم من منطقة وحده !!!!!
​

صراحة فشولنا تجارنا ..خلوهم يشوفون mbcكل يوم سيارة وبالحظ ...​

​

 

[جنجان]

البابطين من اطيب التجار ولا اعتقد انه يرفض تسليم السيارات هكذا بدون سبب

 

[حشد2]

فعلا البابطين من اشرف تجار الكويت

 

[kwt.store]

يا خبر بفلوس بكره ببلاش

 

[BMW]

صراحة اجاباته تدعو للشك بس يمكن هو مطلع وثقافته عالية

 

[Anu]

ماعتقد الخبر هذا صحيح وكلام فاضي
لنه السيارات مو تبرع من البابطين السيارات هذي عليها مقابل
والمقابل اعلانات في جريدة و قناة الوطن بقيمة السيارات
على سبيل المثال اذا فاز المتسابقيين في 7 سيارات طول البرنامج وقيمة كل سيارة 10 الاف
تعلن جريدة و قناة الوطن اعلانات للبابطين بقيمة 70 الف

هذا بزنز

 

[وطني الكويت لاعدمناك]

البابطين يمكن ماتابعوا حتى البرنامج هذا اغلب ظني ؟؟؟ سوالف بس حجي حجي

 

[وقت مستقطع]

الظاهر السالفة صج الحين رصيدة الاعلي 5500 دولار @@
مشالله عليه وبالتوفيق يا ولد العنزي

 

[السلطاني]

هذا الذايدي الجميل .. .. خبير معلومات عامة .. ..

يستاهل كل خير .. ..

لا أتصور أن البابطين سيمتنع عن تسليمه الجائزة .. .. فهناك وزارة تجارة ورقابة وحقوق واضحة .. ..


علي الذايدي .. .. لا تنسى تعزمنا على العشا بسليّل الجهراء .. .. وبالمطعم اللبناني مخصوص .. ..:وردة:

 

[وقت مستقطع]

متابع للبرنامج

فاز بالسيارة الثانية الاستاذ علي العنزي والله ويستاهل وزنه ذهب

بس اتمني ان ما يكون صحيح رفض البابطين تسليمة السيارات

 

[q8]

مبروك للزميل النائب العام ..
والله يحميك من العين

 

[مانع المانع]

لى الحين مابين شئ ياناس

ومايندرى والله هل السالفه صج ولا كذب

بس تبون الصج الجوائز صارت مزوره والتجنيس صار مزور والالقاب صارت مزوره ومو بعيده هاهاها

 

[خليل]

العنزي صراحه لديه المام بالمعلومات العامة

مع ذلك البابطين اكبر من الشئ هذا

 

[رقم 1]

مو هذا البابطين

اللي يوزع فلوس علي بعض المرشحين اللى اصبحوا انبطاحيين في المجلس

بعد وصولهم ويمشون مصالحه



​

 

[بدوي بنكهة رمث]

ماشاء الله عليه والله يستر عليه من عيون المقرد

واليوم وبالحديث مع احد الاصدقاء قالي ان الحلقات تسجيل وحلقة امس اخذ سياره واليوم اخذ سياره

وباجر يوصل لاسئلة السياره و يغلط نفسه ولما اسئلوه قال ليش قال خايف من العين

الله يستر عليك ​

 

[كويتي81]

كاتب الموضوع يبي يوضح بأن هناك عنصرية على أي شخص قبلي بالكويت من قبل التجار والحضر

من غير أي دليل ومن غير اي مستند ومن غير اي خبر رسمي

وحتى لو صج اكيد في سبب لعدم التسليم مو عشان شخص قبلي مثل ما يبي يوحي كاتب الموضوع للناس

اتمنى عدم تفسير اي سالفة على هواء البعض

 

[Q 8]

ولله ماشاء الله تبارك الرحمن العنزي معلوماته ممتازه


واليوم على طاريه أحد أقاربه أكد لما قلته بأن الاستاد علي بصدد رفع قضيه.


​

 

[ماذا قدمنا ، للكويت ؟]

لاحول ولاقوة الا بالله ..

عين ماصلت على النبي .

ياجماعه لاتحرقون البرنامج خلونا نشوفه باجر

انا بتابع باجر عشان بشوف ياخذ سياره .!
والاخوان احرقو الحلقه يقولون يغلط نفسه .!
.

 

[خـالد]

مااستبعد هالشيء صراحه ، لانه كان فيه معد برامج ببرنامجه اللي فات (المزاد) وكان يعطي الاسئله لوحده والسالفه وصلت للمخافر ووقفوا المعد هذا.

بالاضافه ، أتمنى تكون برامج المسابقات تكون مباشره ـ أفضل من انها تكون تسجيل للمصداقيه.

 

[ولد اليرموك]

يــرفع قــضــيه . . . ويريح باله . . .