أفا ياشعب وقيادة قطر ترضون تسبون أهلكم الكويتيين

[DK-21]

من طق الباب سمع الجواااب

شفيييكم زعلانين تبوون تغلطون على الناس وتسكت لكم ؟؟

اذا استانستو على جويييهل ومحد ماااسكه عند حدددده لا قطر عندها اعللااام ويكفي الجزيره لو تشتغل ساعه علينا الله يعلم شبيصيير

محشوومين يا اهل قطر اعلامنا الفاسد هو الي بدى ​

 

[يوزر انتحاري]

ليش ماتصيرون حقانيين شوي ؟!
الوطن بحلقة قطر شنو قالت ؟! الوطن ماتعرضت لشعب قطر بس قالت بما معناه انه لحد ينتقد الشيخ حمد لانه ماله شغلة الا يرفع القضايا على كل من ينتقده ....... شنو الاهانة الي فيها بعرف ؟! شنو الاهانة الي فيها والي تخليهم يغلطون على الشعب الكويتي بأكمله ؟! لا والقطريين يبون برلمان بعد ! اذا انتقاد بسيط لوزير خارجيتهم موقادرين يتقبلونه ولا يتحملونه شلون بالله بيتحملون البرلمان والرأي الآخر والمعارضة ! هذول مو مهيأين للديمقراطية ولا الحرية أبدا !! خلهم على ماهم عليهم ويخب عليهم بعد ! يبيلهم مشوار طويل وتأهيل ليتقبلو الراي الآخر ! ......

نكره الوطن ونعترف بتماديها ولكن أتمنى يجاوبني كل من شاف الحلقة المعنية هل ماورد في الحلقة يستحق رد الفعل هذه من القطريين ؟! هل ماحصل في الحلقة يستحق شتم الشعب الكويتي بهلطريقة والطعن فيهم جذي ؟ هذا اذا ماتغاضينا عن كون الوطن قناة خاصة لاتمثل رأي الشعب الكويتي نقول هل ماورد في الحلقة يستحق الطعن بالشعب الكويتي بهلطريقة وهل يستحق ماذكر في الحلقة رد الفعل هذه من الشعب القطري ؟؟؟ أبدا والله !!! الجزيرة شغالة ضد الكويت والسعودية من بداية تأسيسها بطرق أنجس منها ماكو هل شفتوا الشعب الكويتي يسب الشعب القطري ويمسخر فيهم ويطعن فيهم وبشرفهم بنفس الطريقة الي قاعدين يسوونها الآن بسبب انتقاد الوطن لحمد بن جاسم ؟! الي سووه الكويتيين رغم حجم الغلط الي راكب حكومة قطر بتسليطها قناة الخنزيرة على الكويت والسعودية رغم كل هذا الي سووه الكويتيين ماكان سب الشعب القطري والطعن فيهم أبدا ! ولا حاشتهم اللوثة الي حاشت القطريين الآن كل الي سووه انهم شاركوا بأقلامهم وشاركوا ببرامج الجزيرة الحوارية لتفنيد ادعاءاتهم والرد على افتراءاتهم وهذا دليل "رقينا" ولله الحمد ! لا والمشكلة بو عرّاب يبون برلمان بعد !!! والله الدول العربية مشكلة وطامة ! والمشكلة انهم مايستقوون الا على ربعهم ! والا الأجانب يشرشحون فيهم تشرشح ماتشوف فيهم نفس رد الفعل ضدهم والي يحل لهم يحرم على غيرهم !! سبحان الله !! اليوم شفت بحلقة خواطر للشقيري شلون بشارع واحد في دولة أجنبية كان متواجد المؤيد لإسرائيل والمناهض لها وكانوا يتحاورون بالشارع ولا بينهم سور ولا شيء وقاعدين يتناقشون ولا حدث عنف ولا اعتدى احد منهم على الثاني وهذا برأيي دليل رقي وتقدم !! لو هلكلام يصير عندنا يعني فرقتين مختلفتين وكل واحد يناقش الثاني وكل واحد معارض للآخر أتوقع الدم لي الركب ! احنا بالكويت ماوصلنا لهدرجة تونا ونتمنى نوصل لهدرحة من الرقي وتقبل النقد وتقبل الرأي الآخر والرأي المخالف لنا .. لكن ولله الحمد الحقيقة اننا سبقنا الدول العربية والخليجية بمراحل صدورنا أوسع وسبقنا الدول العربية أجمع ! أقرب مالنا اللبنانيين فقط ! اما الباجين فمليون سنة ضوئية ورانا ! لذلك أتمنى من القنوات الخاصة الكويتية أن تقدر ثقافة الشعوب الي حولنا وتعاملهم بمستوى ثقافتهم وأن تهتم بشؤونها الخاصة ولاتتعرض للدول العربية ولا الخليجيية أبدا بأي انتقاد حتى لو كان بسيط حتى لو كان دفاع عن الكويت عشان لايتشنجون علينا شعوب هلدول ،، تونا بعد ماوصلنا لهمرحلة وتوها شعوب المنطقة ماوصلت لهدرجة من الرقي وتقبل الانتقاد وتقبل الرأي الآخر ! مشكلة القنوات الخاصة الكويتية قاعدة تعامل هلدول مثل ماتعامل الكويتيين احنا عندنا ديمقراطية وحرية رأي مجعمينا فيها ومضطرين بحسبها أن نتحمل ... لكن هلدول وينهم ووين هلسوالف !! خلوا عنكم الدول العربية والخليجية وخلكم في شؤون الكويت بلشتونا مع هلأوادم ! ...

 

[صوتك يناديني]

الاعــلام في الكــويت مصيــبه بحق الشعب الكويتي ..

 

[hotblood]

هل اصدرت الحكومة اى اعتذار رسمى بعد الاعتذار للمغرب ؟

 

[abwdy]

المشكله القزام الي تغلط علي الدول وماتحسب احساب الدوله
وهذا اخرتها سب في السب

 

[Falcon]

أفا ياشعب وقيادة قطر ترضون تسبون أهلكم الكويتيين​

من يهن يسهل الهوان عليه .. مالجرح بميت ايلام​

الحين سكوب وقناة اللخمه وجريدة الوثن شغالين على الشعب​

الكويتي سخريه وتقسيم وشتم وطعن وتخوين وتفريق وساكتين كأن الأمر جايز للبعض​

وتستهجن ان يتم الرد عليهم من قطر بعد ان زاد انتشار جراثيم القنوات الصفراء​

وانتقلت الى المحيط الخليجي والعربي بدء من المملكه السعوديه الى مصر​

الى الامارات العربيه المتحده ودولة قطر والمغرب.​

عجبت لكم​

 

[كـويتي غيور]

والله بصراحة انا ما ألوم هذا المواطن ودفاعه عن ديرته كان الاجدر من احترام اهل الخليج لان ماكو اي دولة

بالخليج العربي تدخلت بشؤون الكويت داخليا بس احنا اللي صرنا نحارب ونهاجم وزين يسوون فينا حقهم

الدفاع عن وطنهم ومن يحترم يحترم ومن لا يحترم لا يحترم وانتم يا اهل قطر والبحرين والامارات وكل دول

الخليج العربي اخوانا وما نرضى احد يتعرض لهم ومواقفهم لن تنسى بس مشكلتنا احنا فى مناديب تهران

اقصد طهران اللي يحاولون التفريق مابين الكويت وشقيقاتها دول الخليج العربي ​

 

[Weaam]

اسمحوا لي بعض الكويتيين صايرين مثل الطفل المدلل.. يبي يخوض بمصارين خلق الله، ويزعل إذا احد تعامل معه بالمثل. وبعدين الموضوع كله على بعضة تافه. واضح انه القطري هذا مراهق، واليوم وصلني الرد من مراهقين كويتيين، وأكيد شفتوا الرد.

 

[غــ الدار ــريب]

العيب والله مو فيهم .. العيب فينا الي اعلامنا لا يحترمنا ولا يحترم سياستنا الداخلية والخارجية والكل ساكت ويتحسر .. والاعلام يدمر الكويت داخليا وخارجيا .. الله يعيين تواطئ واضح وسافل مع المجوس لعزل دولتنا الحبيبة ( من دون صهيون بذتنا صهاينا ) ..​

 

[عطارد]

سبحان الله ..

شتمو القبائل وأستهزئو بهـا والصق بهم ما ليس فيهم وأشبعوهم من مصطلحاتهم المستمده من ثقافتهم الرميلاوية وكانو مسرورين على ذالك والبعض ساكت والسكوت علامة الرضى

الآن أنقلب السحر على الساحر .. وهاهم بهذا الشهر الكريم سلط الله عليهم كل شعوب الأرض ضدهم ليذيقو بنفس الكلام الذي تفوه فيه على أبناء القبائل .. واللي جابلهم هـالكلام هي قناة الوطن الداعم الرسمي للجويهل والأئتلاف الرميلي ولكل ناعق وساقط ولاقط ... وقناة سكوب أيصاً


يكرمون أهل قطر من بذائات ابو قتادة ونبيل .. ويكرمون أسرة ال ثاني الكرام على ماقالوه ضدكم بهذا البرنامج السخيف

ويكرمون قبائل قطر أيضاً الأصيلة مكرمين الظيف بأطيب كباشهم .. وليس مثل البعض الذين يكرمون ضيوفهم " بسكانت شاي من قهوه بوناشي " .. لحم التيوس صارت معيبه عند أكالت الزبيدي واللخم

 

[Q8IA]

من زمان يغلطون على الكويت ومن قبل هالسالفه بسبب وبدون سبب مو شي يديد

اذا الاعلام عندنا غلط بحقهم فاعلامهم غلط بحقنا بنشره التعليقات المسيئه بحق الكويت والكويتيين لا تعور راسك بهالمواضيع

​

 

[ناشد الود]

يمنع خروج الردود عن الموضوع المطروح، أو القضية المطروحة للحوار. ويتحمل صاحب الموضوع مسؤولية تبليغ المشرفين وتنبيههم في منتدى الشكاوي بخروج الموضوع عن المسار المخطط له.

تم نقل مشاركات مخالفه