اخوي سلطان هذا مبرركم تحاولون تبينون انه التحكيم ظلم الهلال
حتى تغطون على الماضي والانتصارات اللي حاز عليها الهلال بسبب التحيكم
اذا على مقطع يوتيوب اكتب باليوتيوب التحكيم ووقوفه مع الهلال وترى العديد من المقاطع
لم احب ادراجها بهذا الموضوع ولكن يمكنك رايتها
بالنسبه للاعلام اخوي والله لو سالت اي خليجي مو سعودي
لقال الاعلام السعودي كله مع الهلال وهذا شي معروف
كل الجرائد السعوديه تتكلم عن الهلال نجد موضوع
عن الهلال صفحه كامله ومواضيع الفرق الاخرى مساحه 3 سم في خمسه سم
وتابع برنامج المجلس سبق ناقشو هذا الامر
اذا سلمنا الأمر بأن الهلال له اعلام
نعرف ان الجرائد الهلاليه هي الجزيرة والرياض والشرق الاوسط واليوم
هذي الصحف تعتبر المدافع الاول عن الهلال
لكن من باب الأنصاف ياخوي
ايضا هناك صحف تخدم النصر مثل الرياضي النصراتحاديه وعكاظ والمدينه
وايضا من باب الانصاف ياخوي
النصر مسيطر على الاعلام الفضائي
يكفيك ان برنامج خط السته على قناة ابوظبي معده نصراوي والمقدم له موقف ضد الهلال بسبب مقاطعة ادارة الهلال للبرنامج وصار البرنامج يخدم النصر بشكل كبير حتى والله ياوهم لو تشوفالبرنامج تضحك كأنهم يلقنون الكلام عشان يهاجمون الهلال المشكلة انهم يختلفون في كل شئ لكن في المواضيع اللي تتحدث عن الهلال كلهم نفس الرأي
شوف باليوتيوب اول حلقه لبرنامج خط السته السنه هذي والله ان تضحك هجوم كاسح ارض جو من المذيع وضيوفه الاربعه على الهلال مع اننا تونا في بداية الموسم
يكفيك ان البرنامج مستضيف اكثر الكتاب النصراويين المتعصبين محمد الدويش
واحمد الشمراني رأس التعصب الاهلاوي
وعدنان جستينيه رأس التعصب الاتحادي والأن عاصم عصام الدين الكاتب في جريدة التعصب الاتحادي الرياضي
مقابلهم واحد كان يلعب كورة طائرة او يد في نادي الهلال اللي هو صالح الطريقي ودائما ارائه محايده ولا يعتبر هلالي ,, ويوم طالبهم الامير عبدالرحمن بن مساعد انهم يجيبون واحد يمثل الهلال من نوعية محمد الدويش المتعصب ,, اعتقد ان طلبه مشروع ,, لو يجيبون الروقي او الرشيد او الجاسر يكون فيه عدل مو تجمع لي عتاولة التعصب النصراوي والاهلاوي والاتحادي مقابل ضيف هلالي لايهش ولاينش ومو محسوب على الهلال
هناك روتانا اللي راح تطلق قنواتها الرياضيه قريبا ويتوقع انها تاخذ الدوري السعودي وراح يكون المشرف عليها النصراوي تركي العجبه اللي يقدم الان برنامج كوره في روتانا خليجيه
شوف هالبرنامج واضح وضوح الشمس ان العجبه يقوم بخدمة نادي المفضل بأكمل وجه وشوف كيف اذا اتصل صحفي هلالي يقعد يقاطعه ويمكن يقطع الخط في وجهه وسواها مع صحفي هلالي اعتقد اسمه الهدلق
عدنان جستينيه بنفسه قال ان الاعلام النصراوي من اقوى اعلام الاندية وان خط السته موجه ضد الهلال وشهد شاهد من اهلها
وشاهد برنامج ارسال على القناة الرياضيه برنامج يخدم النصر بكل تفاني
واذا تبغانا نتكلم عن اعضاء الشرف فالنصر يملك اعضاء شرف اقوى نفوذ من اعضاء شرف الهلال يكفي ان ابناء الملك سعود هم من اقرب الامراء للنادي ولكن مشكلتهم مو على قلب واحد مثل اعضاء شرف الهلال
ويكفيك ان نائب الاتحاد السعودي نواف بن فيصل نصراوي ونتذكر بعام 2006م يوم الهلال مشارك في ابطال اسيا واخذوا لاعبينه الدوليين العشره عشان معسكر المنتخب ! وماننسى طرد المدرب كوزمين بتحريض من فيصل بن تركي
فيصل بن فهد الله يرحمه نصراوي ولكن كان له خلاف مع رمز النصر عبدالرحمن بن سعود
النصر له نفوذ وله اعلام ولكن تعود التباكي والعزف على وتر النفوذ الهلالي والاعلام الهلالي واللوبي الهلالي وهذا سبب تدهور مستوى النصر يراقب الهلال في كل شارده ووارده ويترك نفسه
عزيزي وهم والله ان الهلال ورئيسه ونائبه اخلاق وتواضع ورقي في الكلام
شوف في حادثة زعيبيل اتصل عبدالرحمن بن مساعد واعلن وقوفه مع النصر وان ادارة الهلال بكل امكانياتها تقف مع النصر وماصدر رئيس الهلال واعضاء شرف الهلال اي تصريح يستفز النصراويين بالعكس وقفوا معهم
لكن شوف العكس
يوم طلع الهلال من ابطال اسيا بدأت افراح واتراح النصراويين والمشكله ان ادارتهم من ضمنهم
فيصل بن تركي يخرج ويقول بنحتفل بالعالمية ؟!.. صحيح قلة ذوق ليته يتعلم شوي من ذوق وادب عبدالرحمن بن مساعد
ويخرج فيصل بن تركي ويقول الحمدلله الفريق الايراني لعب زين ؟!
الوليد بن بدر يتداخل في القناة الرياضيه ويقول المفروض ماتتأجل مباراة الهلال والاتحاد ؟!!؟!!!
طيب وش دخلك انت عضو شرف نصراوي والنصر ماله ناقه ولا جمل في الموضوع
هذا اللي دمر النصر
عرفت الحين اخوي وهم وش الفرق بين من يسير الهلال ويسير النصر !
وبقول لك شئ طالما النصر بقى على هالتباكي والله العظيم مايرجع نصر زمان
بس لو يترك النصر الهلال ويترك حركات الاحتفال بخروج الهلال من البطولات وكأنها انجازات للنصر ويوفر هالجهد والمتابعه لناديهم كان طلع من زمان ونافس على البطولات
انت اوزنها بنفسك وشوف وناظر بعين المحايد
وبتلقى كلامي صح
