ريما القمر
عضو مخضرم
مراحب ..
ذاك اليوم تغديت مع أختي وبناتها في ماكي الياباني ..
مع إني مو ذاك الزود مع المطبخ الأسيوي إلاّ إن الياباني وماكي بالذات مقبول عندي ..
الأغلبية يضيعون بالمنيو ..
واختياراتهم يا إما على الصور أو على مدح أحد الأصدقاء ..
وأحب أعتذر لكم عن زوايا التصوير اللي كلش مو مضبوطة لأن بنت أختي اللي كانت تصور ..
من السلطات المشهورة عندهم سلطة " مارينا "
أبرز محتوياتها الجرجير والكافيار ..
والسلطة الثانية كانت " كرسبي سالاد "
حوسة ماتدري شنو تاكل إلا اللهم الخس اللي واضح ..
إما الباجي تشبّه عليه
السلطتين كلش كلش ماعجبوني الله يديم النعمة ..
وهالصورة من هالزاويه الدايخه تجمع بين مارينا وكرسبي ومعاهم طبق ثالث راح أقوله لكم بعد شوي ..
عيسى ماكي وهو من أطباقي المفضلة واللذيذة ..
وفي طبق لذيذ بعد لكن للأسف الصورة مو صالحة للعرض لـ " وزّاني "
حلو واللي يحب عيسى أكيد راح يعجبه وزاني ..
وأخيراً ..
وسامحوني لأنها نست تصور هالطبق قبل ماناكله :باكي:
وهو الـ king
وسبب ترددي على هالمطعم بين فتره وفتره
ربيان تمبور ا كت وذ سبشل صوص ..
احفظوها هيك مثل ما أنا حافظتها ..
أكلهم خفيف بس مو مايحوز على رضى الجميع ..
وسلامتكم ..
.