من أجمــل القصــائد التي قرأتهــا..خـلال شهــر أو أكثــر!!!
يطول السهر والعيـن لـو تسستلـذ إنعـاس****يديـن القلـق عـن معْسـل النـوم تمنعـهـا
وأنا كيف أنام ..؟ وبالي مكـدره هوجـاس..****من العصر .. روحي طاري الهـم موجعهـا
عُيون الأمل .. فيها المسا حط أصابـع يـاس****والأوضاع كيف انظر وأركز وأراجعهـا ...؟
لو الفكـر سبحـة ينقطـع حبلهـا الحسـاس****ما بين الطواري ..مـن كثـر مـا تنازعهـا
وأبي قبْل أحس إني يبـاس إستحـق الفـاس****أخّص الحروف المورقه .. وأقطـف أمتعهـا
من الضيق ابا اجني كل ما يطـرب الجـلاس****وانـا .. لا معشـم نفـسـي ولا مطمعـهـا
احط أعمق من البحْر والطف مـن النسنـاس****على باب ... صح لسانك .. الله ما اروعهـا
أعيش القصيد إحساس وأكثر مـن الأحسـاس****محطـه مـا بيـن أوهـام نفسـي وواقعهـا
ومع الضيقه .. ألبكر الجزيله .. قويـة بـاس****مـن عنادهـا مـا كـل شاعـر يطوعهـا..!
لها اجلس على أطراف السهر واقصر الأنفاس****واهوجـس بمضمـون المعانـي ومطلعـهـا
اشيل القلم وارميه .. ما المس بـه الكـراس****وأشيله .. واعبي كـم صفحـه وأقطّعهـا...!
والادراك.. كثر الهـم .. وسواسـه الخنّـاس****من أسبابـه الأبيـات كنـي وانـا أبدعهـا ..
أجيب الشوارد من سماها .. يطيـر الـراس****يجي راسي .. إتطير الشـوارد وأضيّعهـا..!
ضياع .. اوجد الدهشه ولا خالـف المقيـاس****أخـذ خـارج المنطـق مساحـه وولعـهـا
لو أجدد أفكاري .. مـن يجـدد الحـراس..؟****عشـان الرسالـه مــا تــورط موقعـهـا
هي الفضفضه لو أختصرها ما بيـن أقـواس****أقـول إن .. أهـم همومـي اكبـر دوافعهـا
انا اخاف مع طول الزمن واختـلاف النـاس****عـدو الثوابـت .. فـي بــرودة يميعـهـا
أصيـر بمقـام اللـي علـى دكـة الإفـلاس****بسـط بالحلـي وأغلـى الجواهـر يبيّعـهـا
دروب التعب .. ما جاب لي علمها عسّاس ..!****وطاها القدم غصبـن عليـه .. ومشـا معهـا
تحـد الحوايـج نابهـا الموغـل الـدسـاس****وتكبـر بصـدر اللـي تسـوقـه ويدفعـهـا
زمان .. اعتبر بيض النوايـا هـي النبـراس*****أثرها ..هي أسبـاب المشاكـل ومنبعهاـ
أدوّر بميـدان المـكـارم سـبـاق وكـاس*****وكلـن مقيّـد سابقـه فـي مراتعـهـا ...!!
واروح اسأل المضمار عن راعي النوماس ..؟****لكـن الأجابـه .. نظـرت العيـن تقنعـهـا
ولو قلت وين الطيب .. يا طيبين السـاس ..؟****تهب الردود أسـرع مـن الريـح واسمعهـا
تعارض ..تؤيد ..تحتلف .. تتفـق .. تحتـاس*****وكـل الكلام .. شقوقـه ..بمثلـه أرقعهـا
وإذا قيل لي عند البحـر يكـذب الغطـاس..*****أقول ... أقسم إني نبتـة العـز مـا أقلعهـا
,