على قناة الكويت , توضيح ملابسات الجريمة !!

[[ الحجية ]]

كأنهم مسوين مسلسل مدبلج ..

يحطون صورة وحدث ..

يقول : كلمت النائب الطاحوس والبراك ..وحاطين التصوير

يقول : تفاوضا مع الناس .. وحاطين التصوير

يقول : كلمت الحربش .. وحاطين التصوير

يعني ياخذون اللقطات حسب كلامهم فقط ..

بالعربي [ يستغفلونا ]

وأتحداهم يحطون تصوير الصدام

 

[زبوط النقعة]

هذي صور جديده، الله اعلم منو مصدرها.

 

[الخااص]

الشمالي

يتهم الحربش انه هو السبب لانه ما بلغهم انهم ينصرفون من الحديق
وبعد كذا قعدنا نضرب الموجودين علي حساب ان الحربش ما بلغهم
يعني المواطن هو الضحيه والسبب الحربش ههههههه
يعني المواطنين ينضربون ولا يدرون ويش السالفه
هههههههه
؟؟؟؟؟؟؟​

 

[حليب نياق]

ههههههههههههه وين الناطق الرسمى الصبر
​

 

[منشار]

الضفدع جذبته في مخباه
كأنه أبو دستور في جيبه
ملاحظه : وين الصبر ؟ ​

 

[فهد777]

ياجماعه الطاوله ماكفتهم السبتى واقف والنجار قاعد على طرف الطاوله الظاهر مافى ميزانيه بس ياجماعه شارب الرويح شنو كلاسيك

 

[حليب نياق]

اشفيهم مدودهين وكلة بدليات

 

[ضاوي]

اتمنى احد يسجل المقابله عشان تصير حجه عليهم

اللقاء اللي طاف ... كان سبب الاصابات رصيف الحديقه..!!! ههههههه


اليوم راح يطلع الرصيف بريئ وراح يقولون كانت هناك هوشه بين الحضور وحضرنا نفرق بينهم ....

والله مادري شنو يبون يقولون بس المشكله انهم توهقو يوم انتشرت الصور وانتشرت المقاطع اللي فضحة كذبة تدافع الجمهور والرصيف

 

[الخااص]

ههههههههههههه وين الناطق الرسمى الصبر​

شكله مسكوه خفاره

 

[عبدالله الثامن]

ياخوان والله حلتهم بطونهم وقاموا يتخبطون وقاموا يطلعون فى القنواة ليبرروا سوادة وجيههم ولاتستبعدون بكره يطلعون فى قناة سبيس تون او طيور الجنه لمحاولة الكذب على الشعب ​

 

[زبوط النقعة]

المادة 1 ملغيه وهي تعريف الاجتماع العام. اذا محد يعرف شنو المقصود من هالكلمة شلون يطبق هذا القانون.

والباب الثاني الخاص بالتجمعات ملغي لانه اول مادة فيه مبنية على مواد ملغيه!؟

وكل النصوص المتعلقة بالاجتماع العام حسب كلامه ملغية.

ويطلب الاستاذ الرويح من البرلمان التشريع وتصكير الفراغات في القانون!؟ اذا ما القانون الذي كنت تطبقه!؟

 

[منشار]

ياخوان والله حلتهم بطونهم وقاموا يتخبطون وقاموا يطلعون فى القنواة ليبرروا سوادة وجيههم ولاتستبعدون بكره يطلعون فى قناة سبيس تون او طيور الجنه لمحاولة الكذب على الشعب ​

قصدك الكذب على ( الأطفال ) وتشويه الصوره في مخيلة الجيل القادم ​

 

[عبدالله الثامن]

شباب واللى يرحم والديكم اكتبوا كل شى ​

انا برا ولا عندى قناة الكويت​

صدقنى لاتسمع شنو يقولون كلام يفشل محاولات للكذب ومحاولة اقناع الشعب بوجهة نظرهم الداجه ؟​

 

[جراح الكويت]

للأسف بعضكم يناقش القشور مثل الطاولة ما كفت والمذيع ما يبلع ريجه ...إلخ

ومحد فيكم ناقش لب الموضوع !!

مثل لماذا عرضوا مقطع من ضرب الجويهل بديوان السعدون بداية الحلقة وربطوها بأحداث ندوة الصليبخات !! (وكأن الداخلية توجه رسالة إن ماحدث هو رد على ما حدث للجويهل !!)
وليس تنفيذ لأوامر سمو الأمير حفظه الله ورعاه


​

 

[زبوط النقعة]

انصح وزارة الداخليه الغاء البرنامج حالاً، والتعذر بخراب بالستلايت او اجهزة البث، الرويح يكشف عدم قانونية ما حدث، ويصفها تجمعات ومظاهرات بدلاً من اجتماع عام.

 

[عبدالله الثامن]

قصدك الكذب على ( الأطفال ) وتشويه الصوره في مخيلة الجيل القادم ​

الجيل القادم له الله يامابيشوفون عيال هذولا بكره بيصيرون ضباط وبيكذبون على الجيل القادم ؟؟؟​

 

[[ الحجية ]]

يقول العميد أسعد .. احنا نحترم الشعب الكويتي .. ولسنا في ثكنة عسكرية !!!!!!

ردا على المذيع عندما سأله .. من يريد الذهاب إلى أي ندوة وجلس خارج أسوار المنزل .. هل سيحاسب ؟؟؟


أسمع كلامك أصدقك .. وأشوف أمورك أستغرب

 

[حليب نياق]

حتى القانون فية مساس لحريات الناس شنو يعنى مافهمت شنو يقصد الرويح ياجماعة اذا فى خبير عندنا بالمنتدى يمكن يوضحلى قصدة
​

 

[عراب الكويت]

حتى القانون فية مساس لحريات الناس شنو يعنى مافهمت شنو يقصد الرويح ياجماعة اذا فى خبير عندنا بالمنتدى يمكن يوضحلى قصدة​

ربعنا صكوا علي الصحاف صار الكذب والدجل عادي عندهم

 

[جراح الكويت]

على خلفية ما ذكر اللواء الشمالي إن الدكتور جمعان الحربش إمتثل للتعليمات في بداية الأمر وأزال الكراسي والشاشات ومن ثم خالف التعليمات بجلوسه خارج الديوانية مع الجماهير

هذا يجعلنا نطرح سؤال مهم

لماذا ذكر الدكتور عبيد الوسمي إن القرار ولا قيمة له بينما النائب المفترض فيه معرفته للدستور إمتثل في بداية الأمر !!

إما إن الدكتور عبيد الوسمي لا يفقه أو الدكتور جمعان الحربش لا يفقه بدليل إمتثاله لأمر غير دستوري على حد قول الدكتور عبيد الوسمي !!​