مدريدي أصيل
عضو مميز
وطن .. كيف حالك ! عقب ماصار هاللي صار؟
وطن .. كيف تقدر .. وانت عارف عيالك زين؟
وطن كيف تاسرنا و حنا عيال احرار !
اجل ماكفاك اللي حصل في سنة تسعين؟
ترانا كويتيين .. لو دار مهمادار
ولو مانقول .. انت تعرفنا .. كويتيين !
نحبك .. نحبك .. كل ابونا ، صغار / كبار
ونعاتبك .. لا من عود الصف .. الى صفين،
مصيبه ..ليا منا حكينا .. ويا للعار !
ليا طالت يدينه علينا .. قصير يدين
نقدر هل المعروف .. ونحشم ، سابع .. جار
ولا نحشم الهافي .. ليا .. حركه مسكين !
ليا قال روح يسار .. وجّه وراح يسار
ولا قال روح يمين .. وجّه وراح يمين
وطن .. لا يهمك .. شور من ضايع الاشوار
وطن .. لا يهمك ..من يكيّل بمكيالين ،
تراني .. مواطن .. غير صالح للاستعمار
وحيد انتماء .. وبسكنك .. لين يوم الدين
ولا شفت .. لي زلة من صغار !! .. قلت : صغار،
ولا شفت كلمة ضايعه .. مانشدت منين،
ولا شفت .. في وجه الهوا .. وقفةالاشجار
تذكرت من وقفك .. يومك تراب .. وطين ، !
ولا شفت ( رب ارحم شهداؤنا الابرار ) !؟.
وقفت .. ورفعت ايدي لربي .. وقلت امين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
أراها تنطبق على حال د. عبيد الوسمي ، محمد عبد القادر الجاسم ،
كل كويتي شريف وأخصص شرييييييييييف
صدق من قال ( ان من الشعر لحكمه وان من البيان لسحرا ) ،،،،
وللشاعر أقول عبرت عن مافي الصدر