بسم الله الرحمن الرحيم
أنا هذا أول موضوع أكتبه بالشبكه الوطنيه ولي الشرف إني أكون مع الاحرار بلدي
وأنا متابع يومي للشبكه وغيري كذلك يتابع من غير مايعلق وهذا تقصير منا
أنا رسالتي لكم يا أخواني أنتبوا من الطابور الخامس الي بالشبكه تلقاهم يسمون انفسهم بأسماء ليست حقيقيه ويحاولون يزرعون أفكار خبيثه علشان أحد يرد عليهم وتكبر المشاكل
وهذا الي قاعد يصير اليوم عن ندوه نواف ساري
الي مالها شغل بندوات ((إلا الدستور)) وهي مخصصه لعبيد الوسمي
في ناس تبي تربط بين ندوه ساري ويا ندورات إلا الدستور واهم مالهم شغل بعض ويربطهم فقط شيئ واحد أهو حب الكويت والدفاع عن الاحرار
يعني محاوله فاشله لخلط الامور
وهذا الي قاعد يقول سالفه ان تأثرون على الاستجواب
شكو شنو هل القص واللزق الي قاعد تسونه علشان تشويه الاستجواب
الاستجواب ماله شغل بالندوه الندوه عن الدكتور الوسمي
ويحاولون يربطون الموضوع إن الاستجواب للقبيله المحترمه مطير لاااا الاستجواب استجواب الكويت كلهاااا جميعا
أنا أقول كل واحد لا يقعد ينظر لي حجي مايدخل العقل ومجرد بث أفكار هدامه
ديروا بالك يا أعضاء الشبكه من هل الناس ولا تسمحون لهم إن يبثون أفكارهم وكونوا لهم بالمرصاد
وفعلا كذا عضو أنا شايفه متكي لهم ومو مخليهم يتنفسون وهذا العشم فيكم
____________________
وبالنسبه لبيت الشعر الي قاله المتواجدين شبت النار
الي قالوه مو بس مطير
بما إني متواجد قاله الحضري وقاله الشيعي وقاله الرشيدي وقاله العجمي
وهؤلاء أنا أعرفهم وقالوه ورددوه مع مطير
فلا تحاولون أنكم تحصرون اسم مطير بالعنصريه بالعكس قبيله لنا الفخر فيها والعزه ونعم فيهم ولا يهونون أهل الكويت
وكل الكويت قالت شبت النار مو بس مطير
وتنويه بسيط
الندوه كانت حضاريه بكل المقاييس والناس لمن خلصت كل واحد راح لسيارته
ولكن الي صار إن القوات حاولت انها تسوي شويه اكشنات واهو الي خلا الناس تتجمع مره ثانيه
وخطب فيهم مسلم البراك
ووقفوا بوجه القوات الخاصه وخلوهم يرجعون لمكانهم
وهذا الي إستفز الموجودين ورددوا بيت الشعر هذا
وشاكر لكم
رجا طابور خامس ما أبي أشوف أحد منكم يعلق على موضوعي
لان أي واحد راح يحاول إن يشتت المواضيع
راح يكون تعليقي عليه
أنت طابور خامس
التعديل الأخير بواسطة المشرف: