يا شيخ ما حنا بنواب تأزيم
ولا نزلنا الشارع بعنجهية
ولا رفضنا يا امير التعاليم
ولا عصينا شور راعي الرعية
ولا طلعنا بالجزيرة مظاليم
ولا دعينا بعضنا للحمية
إلين ما جتنا اللوق والجراثيم
تسحب مشاهيب الخزى والردية
يسممون الفكر والشعب تسميم
يرعاهم الاعلام وناسن خفيه
صارت قبايلنا عناوين تشتيم
حتى بولانا زجوا السرسرية
الفاظ سوقية وعبارات تقزيم
تبثها الاقمار للعالمية
هانوا كرامتنا بإسم المراسيم
يحكمهم الاعلام والحيدرية
بأصغر خطايانا تداس المرازيم
وغريمنا محشوم ويلقى الحفية
هذي ثلاث سنين وحنا مفاطيم
ياصبرنا للشلة البلطجية
ياشيخ لا تلعب بحلو الترانيم
عرضتنا ياشيخ للمهمية
ماكانت الهقوة تحوس المفاهيم
جرمتنا وخليتنا فوضوية