خبر عاجل خمس استجوابات

[السياسي 28]

السلام عليكم
قبل قليل طلع النائب صالح عاشور على الهواء مباشر من مجلس الأمه وقال النواب المعارضين راح يقدمون خمس استجوابات خلال الأيام القليله

 

[كويتي عجمي]

اولها وزير الداخلية .. وراح نشوف اللي يقولون غير دستوري استجواب الريس ..

 

[Optimistic]

صراحه يفشلون ... بعد هالسلسله الفاشله من الاستجوابات بدءا من استجوابين لوزير الداخليه ورئيس الحكومه ووزير الدفاع والبلديه واستجواب اليوم الموجه لسمو الرئيس ..... وجميعهم فشلت فشل ذريع ... صج عيب​

 

[:0: عطر :0:]

طالما في إيطار الدستور .. لاضير في ذلك ,,​

 

[تركش]

واللة عيب بس مشاكل نبي نشوف مصالح الدولة والمواطنين
تعبنا من الشخصانية

 

[هامتي فوق]

مافيها شيء حق دستوري وبعدين مو اهو قال ليه مايستجوبون وزير الداخليه
الحين يبين صوتك ياعاشوراالطائفي

 

[عزوز الاقرع]

صج ما عندهم سالفه

.....

بسكم

 

[انسانه]

بصراحه مو وقته كلش

كل شي يبيله تفكير وتخطيط عشان يكون ناااجح

 

[salman22]

اللى اعرفة واحد

سيقدمة الوعلان على وزير الاشغال واظن مشاركتا مع الاسد محمد هايف

وليش يصرح يكون عارف الحركة ولا دزولة المعلومة جماعات صداقات شيتورى

 

[اللحية المقدسة]

واضح مخططهم لتخريب الديمقراطية والبلد لإغراضهم الشخصية

وخدمة لمعازيبهم الي مشغلينهم حطب دامة لمشاريع خراب البلد

أستحوا شرعوا قوانين تفيد الناس والوطن بدل استهبالكم السياسي

مع شلة الغوغاء المرتزقة الي تلحقكم ......

ولا عزاء للأمعات العميان ....:إستنكار:

 

[الكويت أولا..]

ماينفع المجلس اغلبه انبطاحيين

 

[AL-Shammari]

اللي غاثينا بردودهم الغير وطنيه .. روحوا سجلوا بمنتدي الجاهل وطبلوا علي راحتكم وفكونا من كلامكم !

اسم الشبكه " الوطنيه " وردودكم واجندتكم مالها شغل بالوطنيه !

وصلت للكرامه ولضرب الناس وانتم خالف تعرف

فكونا وروحوا منتدي الجاهل ! لانه نفس توجهكم !

وترا نك ام اوباما وام محمد محد ماخذهم !! ​

 

[Org]

بصراحه مو وقته كلش

كل شي يبيله تفكير وتخطيط عشان يكون ناااجح

مثل هالازمه مرت عالكويت وراجعو التاريخ

وتم بيوم واحد تقديم 7 أستجوابات

وهذا تكتيك سياسي ومن ضمن الدستور

مثل مو الحكومه لها تكتيك وتغيب 3 جلسات وتغيب البصامه وتحضر وزير واحد

تخيلي أختي العزيزه بيوم واحد من هالجلسات فقد المجلس 160 قانون

 

[السياسي 28]

ماينفع المجلس اغلبه انبطاحيين

اي والله الضاهر يبون المجلس ينحل عشان يرد مجلس قوي اذونه الأنبطاحين

 

[بنت رجال]

بالعكس انا اشوف الاستجوابات بداية الصفحه الجديده لما قال سمو ناصر المحمد . هذي الديموقراطيه وهذا

شغل البرلمان . اخاف مصدقين ان الجلسه اليوم معناها النواب يقعدون ببيوتهم !

 

[بنت رجال]

واضح مخططهم لتخريب الديمقراطية والبلد لإغراضهم الشخصية

وخدمة لمعازيبهم الي مشغلينهم حطب دامة لمشاريع خراب البلد

أستحوا شرعوا قوانين تفيد الناس والوطن بدل استهبالكم السياسي

مع شلة الغوغاء المرتزقة الي تلحقكم ......

ولا عزاء للأمعات العميان ....:إستنكار:

من تقصد بشلة الغوغاء المرتزقه الي تلحقكم ؟؟؟؟؟؟؟؟؟


تقصد الدكتور النيباري ولا الخطيب ولا دكاترة القانون ولا الجامعيين الطلبه ؟؟؟؟ جاوب

 

[حامض حلو]

تصريح صلاح عاشور !!

واستقالة القلاف !!!




اعتقد السالفة مقدمات لشي راح يصير والله يستر !!​

.

 

[معاند بحر]

والله شكل هالحكومة ماتمشي الا بالاستجوابات

وهذي قالها النائب خالد الطاحوس على لسان احد الوزراء "يقوله انتقدني عشان الامور تتلحلح شوي"

 

[اليعربي]

الحين تكتيك الحكومه بعد حضور الجلسات مو حق دستوري لها

الاستجواب حق دستوري ايضا

حكوومه تبي تقعد غصب

خلها تحمل

هذا الصح

 

[O^ALLaH]

من حقهم يستجوبون شفيهم يتبادلون الادوار الاعضاء

الحين العدوة والحويله وسعدون مع الاستجواب
والمويزري وحسين مزيد ضد الاستجواب