السلام عليكم
ياجماعة الخير تفاجأت إن علي منع سفر والجهة إسمها المنار القابضة
والمبلغ 103 دينار رحت اليوم أبي أشوف هذي الشركة اللي ماعرفها
ورحت للمنار شركة السيارات قلت أنتو رافعين قضية قالوا لا روح
للبورصة واسأل أكيد راح يدلونك على الشركة ورحت للبورصة
ومالها لاإسم ولارسم بعدين رحت لقصر العدل الديرة قالوا لي
ملفك بالأحمدي رحت للأحمدي تصوروا طلعت أنا بايع بطاقتي
المدنية ( مع العلم مابعت بطاقتي ) ورافع علي المحامي
الهيفي قضية قلت للموظف أنا راح أسدد المبلغ وأخلص قال
اتسدد وانت مابعت بطاقتك سو تظلم قلت له أبي حقي يوم
القيامة إن شاء الله أنفع لي من هالمبلغ التافه .
أنا الآن لاأثق بالقضاء والله يستر على الديرة صارت مخامط
يعني بطاقاتكم المدنية بكل وزارة وفيه ناس تصور وتبيع
وانتوا تاكلونها مع العلم إني سمعت فيه قرار بمنع بيع
البطاقة المدنية شلون هذولا يبيعون وربحون قضايا كيدية
أسأل الله العلي العظيم أن يديم علينا نعمة الأمن والأمان
وأن يحفظنا من هؤلاء الأشرار
يعني صار القوي ياكل الضعيف ( والحمد لله قوتنا موجودة )
بس هذولا ماخذين القوة بالقضاء .
للصبر حدود والله يدفع عنا البلاء لانبتلي بواحد من هالهوامير
ونتحمل مصيبة ومانخلص من عواقبها ...
والسلام عليكم