السجال الذي حصل بين جوهر و القلاف بعد جلسة عدم التعاون ..!! ((كلاكيت ثاني مره))

[عافور شرق]

القلاف : انا قايلك يالحبيب ماراح يفيدونك هالمؤزمين بس ماسمعت كلامي

جوهر : موشغلك انت !

القلاف : صدقني بيشفطون على ويهك نمره 2 لما يخلصون منك ..!!

جوهر : موشغلك انت !!

القلاف : عموما انا نصحتك علشان تاريخك السياسي حرام يروح عالهبني

جوهر : ياخي قلت لك موشغلك اففف !!!

روايه صحيحه السند و الي يبي يصدق بكيفه

و الي مايبي هم بكيفه :وردة::وردة:

​

 

[Bu_Ahmad]

كلاكيت ثالث مره
الدكتور حسن جوهر وطني من معدن اصيل
والكلاكيت الاول كان رده مشرف
​

 

[ابوعامر]

انسان قال رايه وبكل حريه

الله يوفقه

 

[DRDOR]

هالكلاكيت على قولتك.... يبين سمو ورفعة اخلاق النائب حسن جوهر واخلاقه.. وبعد نضره .. عن القلاف...الى ماله صاحب ولا اخلاق.. سليط اللسان بكل مفردات والالفاض القذره...تخرج من لسانه كانهانفسه الذى يتنفس منه....

 

[بدر مشعل]

انا مومصدق كلامك مااتوقع هاالادب يطلع من القلاف

 

[بن خليفه]

شكراً حسن جوهر .. :وردة::وردة:

 

[عافور شرق]

يا اخوان ..

بغض النظر عن موقف حسن جوهر سواء مع او ضد ... الموضوع لما انا انقل كلام
فهالشي امانه و ربنا بيحاسب عليه فما بالك لوكان النقل بدون سند او دليل
او حتى شهود !! و المصيبه ان الكلاكيت الاول تفوح منه رية الطائفية وتمزيق وحدتنا
على الرغم من اخلاف وجهات نظرنا ..

نقل بدول سند او دليل ياهي من مصيبه كبرى. و هل المطلوب مني اني اصدق ؟!!
ما اتمنى تاخذنا العزه في انفسنا و نصدق و نهمش عقولنا الي ربي خلقها لنا وهي ميزان لنا ..


ويارب انك تسامحني اذا ظلمت احد .. انك انت الحليم الكريم ..

 

[elsha6er]

بسكم تأليف انا ذكرت شنو صار بالضبط بالموضوع الأول وهالكلام ما عاد يقدم او يأخر شي وفعلا القلاف تدخل فيما لا يعنيه ويقول ارهاب فكري الي يسوونه الناس بالنزول للشارع، هذا ايضا ارهاب فكري..

 

[عافور شرق]

بسكم تأليف انا ذكرت شنو صار بالضبط بالموضوع الأول وهالكلام ما عاد يقدم او يأخر شي وفعلا القلاف تدخل فيما لا يعنيه ويقول ارهاب فكري الي يسوونه الناس بالنزول للشارع، هذا ايضا ارهاب فكري..

الحين مادري من نصدق ؟!!!! ا !!