خذلتنا الوطنية للاتصالات

[طبشور]

منذ اسبوع احاول ضبط الاعدادت للوصول الى الاتصال بدون مشاكل ولكن لاجدوى اتصل على الدعم 121 ويجيبك الاخ ان المشكلة عندك في الداتا data كما فهمت ويقول لي عطني رقم الداتا وانا اضبط لك الاعدادت قلت له ووين اجد رقم الداتا قال لي موجده عندك قلت : والله مااعرف رقم الداتا قال تلقاها على الفاتوره الزرقاء حين ما اشتريت الخط وهنا حاولت ان ارجع بالذاكره اللي مافيها فكره عن الداتا نهائيا ولكن لاجدوى حتى ورقة زرقا لااذكر في يوم من الايام اني شفتها يعني اذا الشركة الوطنية ماتقدر تعرف رقم الداتا اللي بموجبها يمكن تضبيط الاعدادات الخاصة باشتراك يكلفني بالشهر اكثر من 30 دينارا لكي احصل على الانترنت بسرعة متواضعة استطيع ان اقرا بريدي واشيك الراتب واتصفح المنتدى وابحث في google فالدايل اب الشهر 5 دنانير ابرك ولاادري هل ال zain زين والا ماهو زين يعني مابي اقارن بين المربوط والمفتلت لان لساني لايطاوعني

 

[الفودري]

الله يسلمك طبشور

آنا مركب الوطنية نفسك

مالك شغل ب 121 لأنهم غشم ما يفتهمون ، دق كل فترة لما تشوف لك واحد يفهم

و لأن الشركة مو مهتمة بمتابعة خدمتها

الله يسلمك في ثلاثة أيام ما تقدر تستفيد من W-net بشكل جيد

و هي الخميس و اليمعة و السبت

و باقي الأسبوع تكون السرعة ممتازة و تريح البال

و ليست السرعة الخيالية التي يعلنون عنها بهتانا و زورا و تدليسا على الناس
و طبعا الجهاز لازم تريحه لأنه بسرعة يحتر

إذا عرفت أوقات السرعة تكيف عدل قدرت أحمل أكثر من20 غيغا خلال 10 أيام باستعمال خفيف

و بالنسبة حق e-go

فهي لا تختلف عن الوطنية و للأمانة جربتها لمدة أسبوع فقط

و لها مشاكل ( لا يغرك الرخص )

لأن التحميل له حد 5 غيغا و ما بعد هذا يأخذون على كل ميغا 3 فلوس

==============

اللي يعرف طريقة نزيد فيها سرعة الوطنية فلا يبخل علينا

 

[الفودري]

أبشرك

طبشور لقيتها لك

شوف دق على 121

رقم الداتا يقصدون فيه رقم الخط و تلقاه على الفاتورة و أيضا تلقاه على العلبة الحمره

عطهم إيها و عطهم الرقم السري تلقاه في ورقة صغيرة داخل العلبة الحمره

السرعة الخيالية اشتغلت عندي

و الداونلود ما يطيح عن 140

دقيت عليهم قبل صلاة العصر و كان بطيء السلحفة تسبقه

رجعت من المسيد و إذا السرعة غير طبيعية

الله يحفظها لنا و يارب ما تنزل

 

[اخ ياوطن]

اخوي طبشور
انا تقريبا سنه مع الوطنيه وصراحه خدمتهم بالنت متميزه جدا عن الاتصالات
خصوصا ً بمسئلة انه اشتراكهم مفتوح عكس الاتصالات تعطيك كيلو بايت محدد !

رقم الداتا ضروري طبعا ولازم تحفظه معاك على طول لانه حتى لو حبيت تسدد
او تدفع الاشتراك لازم تعطيهم هالررقم , اللي اهو رقم الداتا ( البطاقه + الشريحه + الخط )

ويمكن انته مشكلتك مو مطلع داتا ومسوي اشتراكك على خطك اللي معاك
اذا كنت مسويه على نفس الخط يلي تستخدمه وتتكلم فيه فـ قولهم جذي
وقولهم الخدمه انا مسويها على نفس هالخط اللي احاجيكم منه !
اما اذا عالداتا فـ ضروري تعطيهم الرقم والا الله يعينك تراجع الفرع ...

نصيحه / اذا كنت مسوي الخدمه على نفس الخط اللي تستخدمه
فـ طلع خط داتا وحول الخدمه عليه افضل , علشان لا يصير مغلق جهازك بالفترات
اللي تكون فيها شابك .. ويكون خط بروحه ومخصص بس للنت !

والسرعه على حسب قيمة الاشتراك طبعا ً


​

 

[العبدلي]

ايقووو وبس زين واجد زين
سريع لايفصل خدمه مميزه
اي عطل تدق عليهم يدقوون عليك الدعم الفني
ويجون الى بيتك حتى لو انك بلجهراء
خدمه مميزه 16 دينار بشهر وسرعته ثابته سريعه لاتغير

زــــــــــــــــــــين واجـــــــــــــــــــــــد زـــــــــــــــــــــــــــــين​

 

[::كويتي عتيج::]

انا واحد من الناس استخدمت الاي قو و الوطنيه

في بالبدايه انا خذيت الاي قو بأشتراك مفتوح عشرين دينار هذا خذيته اول ما نزل و طبعا كان مو ذاك الزود لين قالولي عن الوطنيه رحت حق الوطنيه طلع يمشي حاله لا باس فيه
و خليت الخط عند اخوي
المهم ان بعد فتره لوع جبدي الوطنيه بطيييئ حده ما يفتح صفحات و الداون لود حده يوصل 10 اذا كح و انا حاط اشتراك بو 28
قلت خل اشوف الاي قو مره ثانيه ترى على فكره انا خليته عند اخوي اربع شهور تقريبا
شغلته انصدمت شنو فشقه
ما يمديني اختار شي الا و يطلع ابسرعه
حتى اليو تيوب لمن اطقه العداد ينترس اب لمحه البصر جنك طاق على ملف عندك بالجهاز
الاي قو احسن من الوطنيه اب وايد

تحياتي

 

[بومحمد33]

انا كان اشتراكي الوطنيه وبصراحه مليت من خدمتهم البايخه والنت بطيئ

رحت حق زين وبصراحه كل شي غير

النت حده سريع ، تصفح وداون لود وكل شي واشتراكي 27 دينار بالشهر والوطنيه 28 دينار بس خرطي

 

[clashman82]

حيرتونا يا جماعة... ايقو ولا وطنية؟

قيم السيرفر على الآتي:

الثبات (الباندويث):
السعر:
التغطية:
خدمة العملاء:
الدعم الفني:
الاب لود و الداون لود:
الحجب (لعشاق البتورنت):

 

[زنجبيل]

انا قاعد استخدم الوطنية .. وذبحني مرة يصير سريع واستانس عليه ومرة يصير بطىء ويبط الجبد .. وبصراحة لاعت جبدي..ومستعد ادفع بس ابي خدمة زينة وثابته ما يصير جذي نتعذب!!

 

[العبدلي]

الأيقو أحسن اشتراك وأسرع

أشترك 27 دينار سرعته فوق العشره ميغا

أشتراك 17 دينار 3,6 ميغا

أشتراك مـتأكد من سعره سرعته 1 ميغا