كنت احسبك
غير البشر
كنت الوفا ...
كان الزعل .. يا صاحبي
لو يوم صادفنا يمر
لحظات .. تملانا حنين
تترس ليالينا كدر
شـ اللي حصل
الدهشه حبلى بأسئله
شـ المشكله؟
شي بيننا .. طاح وانكسر!
منهو الوفي في هـ الزمن
منهو اللي فينا يحب؟
وابـ ليل المفارق ما يحن
منهو الذي .. فيني سكن
وكان الوطن
مو كنت لي في وحدتي
منفاي لي ضاق الصدر؟
معقوله كان اللي بيننا
بس ثرثره
أو بعثره
ولا سحابه عابره
ابـ صحرا الجفاف ..
ذابت مثل .. حبة مطر؟
كنت اعتقد .. إن انتا غير
كنت احسب الدنيا معك
جنه .. عصافير وشجر !!
بس للأسف
خابت ظنوني كلها !!