السلام عليكم
فضلا وليس امرا ممكن احد من الاخوان يقوم بمساعدتي للمعرفة
البريد الاكتروني للمصحات في تبليسه
مصح القيصر- مصح بتهوفن- مصح دوبي
حتى اقوم بعملية ارسال التقارير الطبيه عبر الايميل للمصحات وحجز موعد
السلام عليكم وعلى الجميع
اناتوني راد من تبليسه..صارلي حادث وتضررت منه ولله الحمدالله نجاني...المهم صار عندي كسر بالعمود الفقري (طبعا هذي كانت اسهل اصابه بالحادث كله اللهم لك الحمد) ونصحوني الاطباء اني اسوي علاج طبيعي بالتشيك.
اختصر لك الموضوع ... قيصر وبيتهوفن نفس الشي انا عالجت في بيتهوفن..دوبي للحالات الاصعب واللي تاخذ وقت اطول...وطيعا في مصحات ثانيه بمناطق ثانيه للحالات الاصعب.
اذا تحب اعطيك رقم شاب لبناني كان معاي طوال السفر شاب محترم وشقردي وامين..دزله مسج اخذ من ايميله وابعث له التقارير واهو يفيدك وين علاجك بالظبط.
طبعا من شهر 6 ترتفع الاسعار (السكن-العلاج -اجار سياره الخ ).
عندك طريقتين...تسكن بالمصح وهذا يشمل سكن+علاج+3وجبات...اوتسكن بره.
اذا رحت بالايام هذي ..السكن راح تحصله 60 يورو شقه اوبيت صغير...العلاج بيكلفك 100 يورو او اكثر بشوي يوميا.
انصحك تروح مع زوجتك وعايلتك لانك راح تشعر بملل قوي...او اذا مومتزوج روح ويه واحد شقردي عشان الرحلات بالويك اند تستانسون.اوبروحك اذا تتحمل فتره ظويله وعلاج
العلاج عندهم ممتاز والديسك بالنسبه لهم شي بسيط
الله يشافيك وموفق واي سؤال انا حاظر