رصد غلاء الأسعار المفتعل (للمتابعة والمقاطعة)

ب

بسطويسي

عضو مخضرم
تابع : متابعه حمله الغلاء المصطنع

السلام عليكم
ادري فيه موضوع مثبت لكن بحاول افعل الموضوع ونعطيه الحق الكافي لما له من أهميه
فكرت وحصلت ان المفروض نحط جدول للمواد اللى رفعت اسعارها بحيث يتم تداوله بالمنتديات
والانترنت والايميلات والاجهزه النقاله بالواتس اب مثلا
والجدول طلع معاي كالتالي ويكون تحديثه له بشكل منتظم
​

لكن وبعد عصر مخ بسطويسي حبيت استشيركم ان لو يتم تكبير الجدول بحيث نظيف
مثلا اسم المنتج البديل مع السعر راح يكون افضل
بمثال بالجدول المقترح
أسم المنتج حليب كي دي دي
السعر قبل المنحه 100 فلس
السعر بعد المنحه 120 فلس
الفرق +20 فلس
المنتج البديل حليب مراعي
السعر الحالي 90 فلس
وعندي استعداد اعدل الجدول لكن المشكله بالأسعار ماتحضرني
فاللى يعرف الاسعار بالظبط للمنتجات اللى رفعت سعرها والمنتجات المقترحه مع سعرها
ياريت يفيدنا فيها وخلونا نبدأ بحمله خلونا نكسر ظهورهم :p
ملاحظه
اتمنى من رئيس الوزراء يحطني وزير للتجاره شهرين خلني اكسر ظهور هالحراميه​
 
ب

بسطويسي

عضو مخضرم
يسلمو حجي
نسيت انوه ان هالموضوع تابع لموضوع مثبت بأعلى الصفحه للأخ كويتاوي
وهالموضوع فقط للجدول اللى اقترح نسويه لأهم السلع
مو واحد يجي ويقولي تذكره بانكوك على القطريه صارت بـ220
والسنقا بتايلند صارت ب90 بات
والثاني يقولي ليله بفندق الهيلتون ارتفعت والفيش صارت الفيشه اللى بـ100 دولار بـ110
ويدش الورع ويقولي المحلي صار بطل الروضتين من خمس دنانير صار ثمانيه
نبي أهم السلع​
 
ب

بسطويسي

عضو مخضرم
المليجي: تأكد من حجم بطل الدقوس مو معقول الزياده فوق الدبل لان الدقوس احجام
90 فلس اعتقد اصغر حجم
وياريت ذاكر لنا اسم بديل للدقوس بالرغم انه مو شي مهم او عليه سحب
كالألبان والدجاج والعيوش والأجبان الخ
__________
فواز : اعتقد بن العميد الكيلو بـ4 دنانير لان اذكر اخذ منهم الربع بدينار اذا كنت تقصد القهوه التركيه
عموما القهوه التركيه فيه كيلو يوصل 3 دنانير وجودته مثل العميد وعلى سبيل المثال
قهوه ابن العميد وفيه قهوه نسيت اسمها
 
A

ALMutairi

عضو ذهبي
ساااابليه

توني مريت اشتري بسبوسه من سابليه الي بجمعيه القرين
صدمني العامل قالي الاسعار تغيرت بعد المنحه البسبوسه كانت ٢.٧٥٠ دك صارت بعد المنحه ٣.٥٠٠دك
وصندوق حلويات مواليد كان ب ٢٠ صار ٢٤
 
A

ALMutairi

عضو ذهبي
البسبوسه كانت ٢.٧٥٠ صارت ٣.٥٠٠
صندوق حلا مواليد كان ٢٠ صار ٢٤
والعامل بنفسه قالي عشان المنحه

سابليه جمعيه القرين
 
ب

بسطويسي

عضو مخضرم
ALMutairi قال:
سابليه رافع ٣٠ بالميه
أنقر للتوسيع...


شحقه تروح سابليه
تعال حلويات جمعيه الفردوس او كلاريج
وبعدين اقدع تمر لازم حلو مع القهوه شهالفسق
عندك بوموزه خذ لك ربع كيلو واقدع فيه 3 ايام مسمار الركب واترك عنك الخرابيط
:D
 
ج

جراح الكويت

عضو بلاتيني
بسطويسي قال:
شحقه تروح سابليه
تعال حلويات جمعيه الفردوس او كلاريج
وبعدين اقدع تمر لازم حلو مع القهوه شهالفسق
عندك بوموزه خذ لك ربع كيلو واقدع فيه 3 ايام مسمار الركب واترك عنك الخرابيط
:D
أنقر للتوسيع...

حتى أبو موزه أرتفع كرتون فيه 6 كيلو (مقسم كيلوات) سعرة كان ثمانية إلا ربع الحين وصل لتسعه وربع !!

البديل الصقعي أو حفر الباطن
​
 
ب

بسطويسي

عضو مخضرم
جراح الكويت قال:
حتى أبو موزه أرتفع كرتون فيه 6 كيلو (مقسم كيلوات) سعرة كان ثمانية إلا ربع الحين وصل لتسعه وربع !!​




البديل الصقعي أو حفر الباطن​
أنقر للتوسيع...


خلاص يبونا نقزرهاويخلونا ناكل معسل تفاح الباكيت بربع ابو النخله حالي ويأدي الغرض
:confused:
 
س

سلامات

عضو ذهبي
بسطويسي وجبات المطاعم زادت لكن ماني عارف هل هذة الزيادة قبل المنحة او بعدها لأني غير متابع للوضع في المطاعم

ارجو ان يكون للمطاعم نصيب في هذا الموضوع

بعدين بسطويسي فيه موضوع ثاني ياليت احد يتطرق له وهو انعدام الجودة في البضائع والخدمات رغم الغلاء الفاحش
 
ج

جراح الكويت

عضو بلاتيني
سلامات قال:
بسطويسي وجبات المطاعم زادت لكن ماني عارف هل هذة الزيادة قبل المنحة او بعدها لأني غير متابع للوضع في المطاعم

ارجو ان يكون للمطاعم نصيب في هذا الموضوع

بعدين بسطويسي فيه موضوع ثاني ياليت احد يتطرق له وهو انعدام الجودة في البضائع والخدمات رغم الغلاء الفاحش
أنقر للتوسيع...

وجبة ستيك كانت ب850 بمطعم الحين دينار وخمسين فلس !! شكو الخمسين فلس يعني عندهم ضمير مثلا ودقيقين بالحسبه :D​

ماعون تكه أو كباب كان ب 850 عند مطعم سهران الحين بدينار إذا مع السيرفس والمقصود بالسيرفس الطرشي !!! اللي أعرفه الطرشي مجاني:p​
 
ف

فيصل.م

عضو بلاتيني


معقولة يا جماعة وين وزارة التجارة وين حماية المستهلك :إستنكار:

أو أنهم يبون الواطن يهلك !

لا حول و لا قوة إلا بالله


:وردة:​
 
ك

كويتاوي

عضو بلاتيني
أناشد الزملاء الكرام

بعد سحب الموضوع إلى موضوع حواري أو شات

فالموضوع يحصر ويجمع اكبر قدر ممكن من المعلومات

حول المنتجات التي زادت بشكل فاحش بعد المكرمة الأميرية

ولكي لاتصعب المهمة على المهتمين في جمع المعلومات

من هذا الموضوع

مع كامل شكري وتقديري لجهودكم المتواصلة والتفاعل الدائم


تحياتي​
 
غ

غادة الكاميليا

عضو فعال
السلام عليكم:
فعلا بعد اقرار المنحة الاميريه وقبل صرفها زادت الاسعار بشكل كبير وبتعمد ملموس اليوم ذهبت لتبديل زيت سيارتي بالوكاله فرق علي السعر بقيمة (4 دنانير) عن السابق لما استفسرت من الموظف عن ذلك قال المالك اهو الي زاد واحنا موظفين مالنا شغل والزياده ما راح تدخل جيوبنا!!!​
 
يجب تسجيل الدخول أو التسجيل كي تتمكن من الرد هنا.
أعلى