سؤال وجواب شلون اقدر اجمع فلوس؟

[بومحمد33]

السلام عليكم

ادري ان السؤال صعب وبنفس الوقت سهل

شلون اقدر ادّخر ؟ الحمدالله معاشي راهي وابي اخش فلوس لليوم الاسود (الله لا يجيبه)

ابي طريقه فيها احترافيه اذا تسمحون

 

[مشعان المطيري]

ضع حساب خاص وحول شهري مبلغ وقدره للحساب

وبعد سنه شوف الفلوس

 

[ليله ويوم]

http://www.youtube.com/watch?v=qO8wbd4qtJw&feature=related














​

 

[مساعد الشويب]

شوف حبيبى اذا قدرت تمسك نفسك لمده شهر من دون ما تحوش راتب بهذى الطريقه تقدر تجمع

 

[adilalroh]

السلام عليكم

ادري ان السؤال صعب وبنفس الوقت سهل

شلون اقدر ادّخر ؟ الحمدالله معاشي راهي وابي اخش فلوس لليوم الاسود (الله لا يجيبه)

ابي طريقه فيها احترافيه اذا تسمحون

الامر بسيط
جيبهم اخشهم لك ههههههههههههههه


لا صج:إستحسان:
لنفترض ان راتبك تقريبا 1200 دينار .. ومصروفك الشهري 800
يعني عندك 400 دينار زايده

بنقول ان راتك ينزل علي بنك الخليج.
اول شيء تسويه تروح تفتح حساب علي سبيل المثال في بنك الاهلي
وتروح لبنك الخليج تحول 800 دينار للحساب في البنك الاهلي.
بعدها تقوم بتمزيق بطاقه بنك الخليج

والسلام عليكم ورحنه الله وبركاته

 

[ناصر المعروف]

ماكو غير إنك تروح الوطني وتشتري حصالة الجمل

وبومحمد إتحئئ حلمه وصار في عنده حساب
واللي حئئ له الحلم بنك الكويت الوطني

هلا هلا بومحمد بحساب التوفير
انشالله يصير عندك مال كتير كتير

------------------------------------------------

ما حددت المبلغ اللي مستعد إنك تقصه من راتبك؟

إفتح لك حساب توفير بالبنك غير حسابك الرئيسي, وكل شهر تحول له مبلغ, سواء يدويا او عن طريق اجهزة السحب, أو بإعطاء البنك تعليمات إنهم يحولون المبلغ شهريا وبتاريخ معين.

طبعا لازم تمنع نفسك من إنك تقرب لهالحساب .. حتى لو بتدش السجن!




الطريقة الثانية هي فتح حساب وديعة 6 أشهر أو سنة, وهذي أفضل لأنك ماراح تقدر تستخدم الكرت للسحب من هالحساب, وايضا لان الفايدة راح تكون أعلى من التوفير


وفي طريقة أخرى (بس بدائية) وهي إنك تدش مع مجموعة من ربعك او زملائك بالدوام بما يسمى بــ الجمعية, وتستلم فلوسك آخر واحد



ومن الممكن ايضا إنك تستثمر الفلوس بصناديق إستثمارية (مضمونة) وهذي البنك هو اللي يفيدك فيها, وميزتها إن العائدات لها عالية مقارنة مع الودائع الثابتة

لكن السؤال هو: كم المبلغ؟

 

[comrade]

حتى لو حطيت حسابات واستقطاع ماكو فايده ههههههه

يبلك تدخل دوره عند دكاترة الجعاصه اللي يحلبون النمله
ينفضون قلبك وتاخذ عندهم مادة البخل 3 شهور بس
هههههههههههههههههههههههههههه

 

[بومحمد33]

انا حاولت افتح حساب ثاني لكن الموضوع سهاله
بالنت تحول بين الحسابات وماكو فايده

تقريبا المبلغ 600 دينار شهريا

وبيني وبينكم ايدي تحكني

كل ما امر صوب الوكالات ملوت السيارات اطالعهم بنص عين

او كمبيوتر يديد

او خرابيط مالها داعي

شلون اقدر اخش فلوسي وأوفّر

 

[المتفائل]

أول شي اكثر من الاستغفار والدليل اقرأ سورة نوح

ثاني شي الكلام الي قالوه الاخوان صحيح افتح لك احساب ثاني وثلاث وسوي بكل احساب استقطاع طبعا راح يكون لك الحساب الثاني خط رجعه انك تسحب منه بس راح تنسي انه عندك احساب ثالث وبالطريقة راح اجمع واذا كنت متزوج وعندك اعيال افتح لهم احسابات وستقطع لهم وبرمج نفسك علي مبلغ بسيط يكفيك بالشهر

 

[الحر_189]

لا تصرف الا عالاساسيات ( اكل - شرب - بنزين - انترنت ) وراح تلاقي نفسك اتجمع وايد وايد

اما من ادش بموضووع سفر وشاليه ومخيم وما ادري شنو راح تلاقي فلوسك كلها اتطشرت

 

[مطمئن]

جمع بس لاتحرم نفسك!!

 

[comrade]

اخوي لقيتلك حل

صوم ست شهور منها حافظ فلوسك ومنها بتاخذ اجر بصيامك
يعني ربحان من الصوبين هاااا وشرايك

 

[خلك طبيعي]

اخشى عليك من حراسة الاموال
خلك وسط لاتبذر ولاتبخل على نفسك
الدنيا اخرتها متر في متر

 

[رُبـّـمــا]

إذا كنت يا اخي المحترم تريد ان تدخر ادخار حقيقي يفيدك ..​

انصحك بالآتي :​

1 / شهر اشتر مؤونة طعام وضعها عند أكثر من بيت تثق بحاجتهم ثم اختفي .​

2 / الشهر الذي يليه ابني ماء سبيل في منطقة يكثر فيها العمال والمارّة .​

3 / الشهر اللي بعده اصرف مبلغ معين لأنصاص دنانير وخذ جولة في شوارع الكويت .. كل عامل نظافة تراه اعطه نصف دينار .​

4 / الشهر اللي بعده اشتر مصاحف مع ارففها ووزعها على مساجد تحتاج لهم وعليها كثافة . أو عطّر المساجد ووزع علب الكلينكس .. افعل شيئاً لبيوت الله ..​

5 / الشهر الذي يليه .. زر دار المسنين وفرّح قلب آبائنا وأمهاتنا هناك بهدايا يحبونها .​

6 / بعض البيوت لأخوتنا الكويتيين البدون ليس فيها ثلاجة كبيرة أو اشياء اساسية تنقصهم .. فاجئهم بهدية عند باب بيتهم واكتب على الكرت فاعل خير .​

7 / ابحث عن شخص يتمنى أن يحج وتكفل انت بحجته للعام المقبل . .. أو عُمرة ..​

8 / اكفل يتيم عند لجنة تثق بها .. أو ارعى ايتام تعرفهم ويحتاجون للمادة .​

9 / اطبع كتيبات تحتوي على الاحاديث الضعيفة المتداولة بين عامة الناس أو ادعية للورد اليومي وفق الكتاب والسنة .​

10 / اشتر من المشاتل شتلات كاربس الـ 14 حبة صغيرة بدينار وازرعهم عند بعض المساجد ليستظل بها الخلق ويأكل منها الطير .. ولو تمر عليهم بعد اربعة اشهر ستفرح بكبر حجمهم .​

كل شهر اخي الكريم افعل شيء ليجعلك غنياً في قبرك ..​

الفلوس تروح وتجي .. العمر واحد والقبر موحش ..​

وليمتا تبي تخش واتيمع ؟​

لما يأتي غيرك وياخذهم ؟​

هذا هو الادخار الحقيقي صدقني ..​

استمتع بمالك بالمعقول وانفق بالمعقول واحسب حساباتك كما يحسب اهل العقول ..​

والله يوفقك يارب ..​

 

[bujassim]

انا الحين قمت اسويها وماسك نفسي الله يستر


وبالاخير بقول

منو ايمع بالكويت

 

[بومحمد33]

اشكر تفاعلكم بصراحه

يا اخوان : بالنسبه لعمل الخير انشالله احنا مو مقصرين وماني قايل عشان مايروح الاجر

بس هم الواحد لازم يعمل حق بعدين ، دام الواحد الحين عنده وفره ماليه ، ليش مانستغلها ونوفر حق يوم نحتاج الفلوس فيها

المشكله بالكويت التوفير صعب لأن الوسط اللي نعيش فيه مبذّر بالدرجه الاولى
سيارات ، ساعات، موبايلات،، خام دشاديش، وامور غيرها وغيرها

انا بصراحه تعبت من الصرف على الامور التافهه

ابي امسك نفسي ( ما اصير حنظله) ولا ابي يخلص الشهر وانا بحسابي 40 دينار

انا درست برى وشفت الناس عندهم الادخار شي مهم ، وبصراحه ودي اتغير

بس بالكويت الوضع صعب

ولا انتو شرايكم؟

 

[وليد العتيبي]

الصدقه

تجيب الرزق

 

[درع الجزيرة]

اشتر حصالة
​

 

[بدرالمطيور]

هناك طريقة رائعه

أخذ قرض مبلغ يقدر عشرة آلاف مثلا

و ضعهم كوديعه في بنك

ثم البنك يستقطع من راتبك لسداد القرض

بدلا من تجميع هذا المبلغ كل شهر و إدخاره

أنت تأخذهم مسبقا كقرض و يتم أستقطاعهم من راتبك

و تبدأ تكيف نفسك مع ما تبقى لك من المعاش

 

[Chartist]

اذا بالحلال (( صعبه ))