سؤال وجواب سؤال بخصوص المساند

[ليله ويوم]

سلام يا محترمين


ابي اشتري مساند لغرفة الجلوس بالبيت


شنو تنصحوني فيه ؟

ملاحظه

ابي شغل رخيص وكويس




​

 

[غادة الكاميليا]

السلام عليكم:
بالنسبه للمساند الموجوده بالسوق حاليا والرخيصه مثل الموجوده بسوق الجمعه مو مريحه بالقعده بالمره صج رخيصه بالبدايه لكن المعاناة تظهر لاحقا والمريحه غاليه نوعا ما تلاقيهم عند البغلي والجريوي بس ما أنصحك للغلاء الفاحش لذلك نصيحه تروح للنداف الي يم بيتكم وتخليه يسوي لك أحلى قعده والسعر رمزي! واتعب على النداف الطيب ويا حبذا يكون من الجنسيه الايرانيه لانهم شاطرين بهالشغله ومبروك مقدما القعده
بعدين ملاحظه مهمه/ ماكو شي اسمه رخيص وكويس في شي اسمه الغالي سعره فيه بس الاحسن نقول الغالي بس بسعر معقول وكويس!
تحياتي​

 

[ليله ويوم]

السلام عليكم:


بالنسبه للمساند الموجوده بالسوق حاليا والرخيصه مثل الموجوده بسوق الجمعه مو مريحه بالقعده بالمره صج رخيصه بالبدايه لكن المعاناة تظهر لاحقا والمريحه غاليه نوعا ما تلاقيهم عند البغلي والجريوي بس ما أنصحك للغلاء الفاحش لذلك نصيحه تروح للنداف الي يم بيتكم وتخليه يسوي لك أحلى قعده والسعر رمزي! واتعب على النداف الطيب ويا حبذا يكون من الجنسيه الايرانيه لانهم شاطرين بهالشغله ومبروك مقدما القعده ​

يعني شنو نداف ؟​

 

[غادة الكاميليا]

يعني شنو نداف ؟​

لووول ما تعرف شنو نداف؟؟ تعرف مساند وما تعرف شنو نداف؟؟
اقترح تطرح سؤالك يسوا يكون موضوع جديد بالمنتدى و الاخوان يمكن يفيدونك!!​

 

[bye]

قويه
ههههههه

ندافة القطن
حرفة ندافة القطن
تستعمل لعمل الوسائط والآغطية والمساند والجلسات
وبعض الآغطية والمنتوجات التي تستخدم القطن فيها

 

[ليله ويوم]

قويه
ههههههه

ندافة القطن
حرفة ندافة القطن
تستعمل لعمل الوسائط والآغطية والمساند والجلسات
وبعض الآغطية والمنتوجات التي تستخدم القطن فيها

اهااااا

اي قولي المنجٌد

انا تفكيري راح بعيد

فكرت النداف اللي يغوص بحثا ً عن اللؤلؤ







لا نطلع من الموضوع

ساعدوني يا اخوان



​

 

[غادة الكاميليا]

قويه
ههههههه

ندافة القطن
حرفة ندافة القطن
تستعمل لعمل الوسائط والآغطية والمساند والجلسات
وبعض الآغطية والمنتوجات التي تستخدم القطن فيها

عزيزي bye:
بالنسبه لكلمتك (وسائط) ,تقصد رسائل وسائط مثلا"؟؟​

 

[بقيييط]

شغل حلو وقديم عليك في الخام المطرز القديم الابيض عرفته ؟دورة في الكويت واذا لقيته روح النداف سو مساند من قطن احسن من الاسفنج واذا مالقيت الخام القديم علمني اقوولك وين تحصله()

 

[عزيز وغالي]

هذا النداف

 

[ليله ويوم]

يا شباب ترى

قلبتوا الموضوع مسخره وبدليات وتعليقات خارج الموضوع



رجاءا ً اللي داش يتطنز يوفر على نفسه


ونرجوا من الاخوان اللي عندهم خبره يفيدونا جزاهم الله خير مقدما ً






​

 

[عزيز وغالي]

روح الضجيج بالسراديب عند الي يسوون جلسات
وقولهم الي تبي ارخص واحسن لان اغلب المعارض الي يبيعون بغالي يتعاملون معهم

واختار الي تبي نوع الاسفنج والخام والديكور الي تحبه

تقريبا نوفر ثلثين الملبغ الي تدفعه للمحلات الي فوق
وسلامتك

 

[bye]

عزيزي bye:
بالنسبه لكلمتك (وسائط) ,تقصد رسائل وسائط مثلا"؟؟​

بالضبط
بس يكون اقل من 300 ك.ب
عشان النداف يستقبلها
ضحكتيني

 

[ألب آرسلان]

يعني شنو نداف ؟
​

نداف = اللي يسطر القطن طراقات
وإذا استعصى الأمر عليه يستخدم البوكسات

إن شاء الله قدرت افيدك​

 

[ليله ويوم]

يا شباب السؤال وين اسوي مساند بسعر رخيص وجيده


النداف مالنا شغل فيه ان شاء الله يسوي نووي بالطقاق


السؤال عن المساند

فيدونا الله يرضى عليكم








​

 

[سالم الهاجري]

تقدر تروح الضجيج تفصل مساند من المحلات الي هناك ..
تقدر تروح النداف ( المنجد ) وتفصل هناك .
تقدر تشتري من سوق الجمعه .
تقتدر تسوي مساند عند الجريوي والبغلي
والاخيره زياره للمحل وتختار النوع الي يصلح لك والخام الي تبي تفصل عليه ..

 

[bye]

اخوي
في محل ايراني بالرقعي يفتح على الدائري الخامس
انا مسوي مساند عنده شغله فوق الممتاز
وعنده خام بعد بس انا شريت الخام من كاكولي بالضجيج
وسويت مساند قطن عنده

 

[بلوت]

روح سوق الجمعه شغل زقرت ورخيص من 100 وانت نازل

شغل زقرت انا شايفهم بنفسي رايح اتمشي ولقيت شغل مش هتقدر تغمض عينيك

 

[الح ـر]

مثل ما قالوا الأخوان اذا تبي شغل رخيص و كويس عليك بسوق الجمعة ..






​