أنكشاف الأخوان هل هو بداية السقوط !!؟؟ ( سابقة خطيرة بانتخابات التطبيقي )

[حندس]

اخوي هذي قائمة المستقبل المطراني كل مطيري يجب ان يربط نفسه بالمستقبل الطلابي((الاخوان

المسلمين))

حتى يمكن يزعلون عليه جماعته لما ينظم الى قائمة اخرى

بالسابق هذه القبيلة ابنائها احرار باختيار القائمة اللي تناسبهم ويصوتون لها بعكس الحين

لا تستغرب ان يكون اغلب الداعمين من اعضاء مطير حيث نفسهم الاعضاء واقعين تحت ضغط الاقصائيين

من الاخوان المسلمين المطران << الي ما فيه خير لربعه ما فيه خير للناس



اما قصة انه اعضاء المستقبل فضحوا نفسهم بانتسابهم الى الاخوان فهذا من سنة جدي و الناس عارفين هذا

لكن الاخوان المسلمين و قدوتهم (( غوبلز )) اكذب و اكذب الى ان يصدقك الناس

من 1979 و الائتلافية تنجح بالجامعه و الى الحين يقولون ما لنا اي علاقة بالاخوان المسلمين........!!!!

حتى على المستقبل الطلابي ينطبق الامر....,,


تحيتي

ماشاء الله عليك فطين وذكي
انا ودي اتكلم وياك بكل شفافية المطران بالتطبيقي كان كل واحد يتبع فكر معين ويتجة للقائمة الي يبيها اما السنة هذي قلبت الانتخابات الى قبلية بحتة لدرجة ان صارت انتخابات فرعية حق بعض القبايل بالتطبيقي لكن المطران حسموها بالتزكية وصفو صف واحد.
والحمدالله اجتعوا بقائمة اسلامية
بعدين شلون تبيهم يخلون المستقبل الطلابي هي القائمة المتصدرة على القوائم
ومعطينهم حقهم من مناصب قيادات بالقائمة
و مطير ماتنقاد من احد واذا مشكك حاول تسأل عن مطران التطبيقي .
وتحياتي....
على فكرة نكك غلط :لان kh تنطق خ فيصير نكك خييلان مو كحيلان وشكرا

 

[الدائرة الخامسة]

الاخ / القدســـــــــــــــــــاوي
كلامك أن الاخوان من زمان ساقطين بس الشعب الكويتي ما فيه وعــي

بصراحة قوية بحق الشعب الكويتي
يعني لازم الشعب الكويتي يمشي على امزجتنا علشان نقول أنه واعي

اتمنى انك تسحب كلمتك
فالشعب الكويتي واعي وفاهم ومقدر الامور وله حريته الكاملة في اختيار اللي يشوفه مناسب

وكون الطلبة أختاروا قائمة المستقبل الطلابي ... فمن باب الادب على الاقل انا نحترم رغبتهم مو نهاجمهم

 

[Marine Engineer]

بالنسبه لمجلس الأداره ماراح أقولك كل تشكيلته موت قهر
في شخص مهم تعرفه
رئيس الجناح العسكري -الأخوان المسلمين -فرع الكويت
محمود الرحماني الكندري -سكان بيان
وبما أنك أخونجي
أسأل عنه

أول مرة أسمع إن الإخوان (فرع الكويت) على قولتك
عندهم جناح عسكري وله رئيس خاااااص للجناح
بس مادري ياترى وين مكان هذا الجناح,,,, آنا أتوقع إنه بصبحان لأن هناك كل المناطق العسكرية موجودة
وهم ودي أعرف هل رئيس الجناح العسكري بالكويت يمشي ووياه حماية شخصية,,, يعني إذا طلع بسيارته يمشي جامة وراه 4 يواكن سود مغيمين للحماية مثلا

احترم عقولنا شوي

 

[شامخ الكويت]

الاخوان ساقطين من سنة جدي

بس للاسف الشعب الكويتي ماكو وعي

الناس يختارونهم من باب أنهم أسلاميين أو محافظين

لكنهم بالأساس مستغلين للدين ومتخذينه جسر

والفتره القادمه ستشمل عدة نكسات لهم بأذن الله

شكر أخي القدساوي

 

[شامخ الكويت]

أول مرة أسمع إن الإخوان (فرع الكويت) على قولتك
عندهم جناح عسكري وله رئيس خاااااص للجناح
بس مادري ياترى وين مكان هذا الجناح,,,, آنا أتوقع إنه بصبحان لأن هناك كل المناطق العسكرية موجودة
وهم ودي أعرف هل رئيس الجناح العسكري بالكويت يمشي ووياه حماية شخصية,,, يعني إذا طلع بسيارته يمشي جامة وراه 4 يواكن سود مغيمين للحماية مثلا

احترم عقولنا شوي

الأسم معروف
وأتوقع أنك أخ (منتسب لهم )
أسأل عن الشخص عند أي قيادي من الأخوان المسلمين -فرع الكويت

وأتمنى أن تخبرنا كيف تكون ردة الفعل

وللعلم أنا أحترم العقول بدون توصيه من أحد
تحياتي

 

[الفيلسوف>>]

تـــــصريـــــح خطير

بسم الله الرحمن الرحيم

انقطعت لمده طويله وجلست متفرج وعدت الان الان الموضوع هذا يخصني بالذات...

انا احد القياديين بهذه القائمه لفتره طويله وسابقه وابتعدت عنها وانا في اوج نشاطي النقابي وظهرت بالقائمه بوجه مغاير لم يستطع احد الثبات عليه وهو الابتعاد عن الفكر الاسلامي البحت والتقرب الى الوسطيه والاعتماد على الوطنيه والموازنه بين القبليه والحزبيه وحتى الطائفيه اذ كان انذاك عاملين بالمستقبل الطلابي من الشيعه المعتدلين واستطيع ان اذكرهم بالاسم،،،

الشاهد...انا لايهمني سقوط ... اخوان... اي شي يمكن ان يحدث جائز اذ هناك جيل يعمل دون هدف او دون خطه او دون منهجيه تعتمد على فكر او رساله وااااحده...

قبل الانخابات الاخيره حدثت بعض المشاكل بين القائمه وبعض القبائل...طلب مني اكون كوسيط فيما بينهم فقمت بذلك واتصلت بأحد القيادات وقتها ويدير القائمه بشكل مباشر وهو من المطران وكنت احدثه عن وضع القائمه قبل لا أدخل كوسيط فقال بالحرف الواحد:
ان اذا كان الاخوان يمثلون جناح للقائمه فأن المطران هم الجناح الثاني واذا كانت الحركه الدستوريه لها مكتب سياسي اوطلابي فأن قبيلة مطير لديها كهذه المكاتب وتستطيع ان تدير اجيال بهذه البلد...

قدمت له شكري على هذه المعلومه وهـــــونت من وظيفة الوسيط!!!!

 

[k7elan]

ماشاء الله عليك فطين وذكي
انا ودي اتكلم وياك بكل شفافية المطران بالتطبيقي كان كل واحد يتبع فكر معين ويتجة للقائمة الي يبيها اما السنة هذي قلبت الانتخابات الى قبلية بحتة لدرجة ان صارت انتخابات فرعية حق بعض القبايل بالتطبيقي لكن المطران حسموها بالتزكية وصفو صف واحد.
والحمدالله اجتعوا بقائمة اسلامية
بعدين شلون تبيهم يخلون المستقبل الطلابي هي القائمة المتصدرة على القوائم
ومعطينهم حقهم من مناصب قيادات بالقائمة
و مطير ماتنقاد من احد واذا مشكك حاول تسأل عن مطران التطبيقي .
وتحياتي....
على فكرة نكك غلط :لان kh تنطق خ فيصير نكك خييلان مو كحيلان وشكرا

اخوي الشقاوي...,

مو السنة هذي بس حتى السنة اللي طافت قبل لا تتجمع القبايل وتسوي احتفالات دعم

للتطبيقي عيني عينك....,

اصلا حتى المطران اللي ما يصوتون للمستقبل بدأو يتضايقون من هذه السياسة

الحين اي واحد بالتطبيقي يفكر على طول ان كل مطيري هو تابع للمتسقبل الطلابي بلا ادنى

شك


اما النك فأدري انه خطأ سجلت فيه و تورطت لكن مع الوقت عرفوا الشباب الاسم البدلية..!!

واشكرك على النصيحة......!!!


تقبل تحيتي