الى متى المتــاجره بالبــدون ؟؟

O

othman

عضو
السـلام عليــكم ورحمــه الله وبــركــاته

اخــواني اخــواتي هــذا أول موضــوع اكــتبه بالشــبكه لانــي كثــير المتــابعه قلــيل المشــاركه...

أعتقــد الموضــوع واضــح من عنــوانه :)

ليــمتى النــاس توصــل للي تبــيه ع افــا البــدون ؟

جـم عضــو مجلــس امه نجــح بالانتــخابــات ع افا البــدون ؟

جم كــاتب ســياسي انشــهر وانــعرف ع افا البــدون ؟

جم مذيــع انشــهر وجــم برنــامج اوصلوا مشــاهدينه ع البــدون ؟؟

وبالاخــر صــار شــي ؟ اوصــلوا للحل ؟؟
عطــوني جــواب مقــنع !!

قضــيه صارلهــا 50 ســـنه ماتنــحل ليش ؟ السبب شنو ؟؟ مانــدري !

انا بوجــهه كــلامي حــق الي يقـــول البــدون قنــبله موقوتــه وتنفــجر !!!

البـــدون لو بينفجــرون جان انفجــرو لمن قصــو رخــص ســوق القيــاده اعتقـــد الكثــير يذكــر هالايام ولمــن ضغطو ع العسكــرين بالداخليه والدفــاع على أن يحــدد وضــعه ..وع ايــام لمن امنــعو عنهم بــيت الزكــاه ... الــخ
هالايــام هــذي يمكن ع كلامكم تنــفجر.. بس صدقــوني وانا بقــسم وبتــحاسب عليه بيــوم الديــن أقســــم بالله اقــــسم بالله اقســـم بالله ان البــدون يحــبون هالديــره ومالــهم الا هالديــره ولائهم لها مو للغيرها ولا يرضــون بالمضــره لها ....

بس ماقــول غيــر حســبي الله والنعم الوكيــل من كــان الســبب وراء هالقضــيه

والسمـــوحه ع الاطــاله اخــواني اخــواتي :)
 
ش

شجاع

عضو ذهبي
للاسف ..

لأنه لايخافون الله فيهم .. ويرونهم وسيله لشهره والوصول والضغط على اطراف الحكومه

والحكومه هبلت فيهم اكثر من 50 سنه .. ماتجنس المستحق بقدر اللي هي تبيه لو انه جاي قبل الغزو بسنه !
بل الحكومه استقلت قانون الالفين للبدون بتجنيس اشخاص يملكون جناسي اخرى وليسوا بدون !

وبالمقابل بعض البدون خدعوا فيهم .. ويمكن الصريح اللي يصارحهم بحل واقعي لقضايهم البعض من البدون مايبيه ولايبي واقعه .. للاسف في نوعيه منهم اختطفوا قضية البدون من البدون الحقيقي ولذلك تجده يطالب بتجنيس الكل وهذا لايقبل فيه المجتمع الكويتي نفسه ..


اعتقد انها ستستمر فتره طويله جدا .. الى ان ترى الحكومه انه للبدون مصلحه بتجنيسهم ..

اما بهالفتره الحاليه صعبه .. الكويتي البدوي ملاحق .. وللامانه كشوا الكثيرين من موضوع الازدواجيه ويرون خطئ تجنيس اي شخص مزدوج .. ويخشون تكرار بنظرهم بمشكله البدون ..
يعني بعد احداث الجويهل والبدو الكويتيين .. وللاسف لاينكر انه بعض الحضر الكويتيين انجر وراء الجويهل وكره بدو الكويت .. فما بالك البدون ... فلذلك اشوف انه القضيه بتأخر عقود زيادة بعد ماتقدمت للامام تقدم بسيط


كذلك .. الحكومه مقبله على زيادات ومنح والخ وكلها بتكلف الميزانيه بقوه .. تتوقع انه تفكر بالبدون ! لايمكن هحكومه عنصريه مثل الحاليه تفكر هالتفكير ..


كذلك قبايل اللي يكثر فيها البدون .. اعلم انه ياكثر الغير مستحق فيهم وتجنس .. لكنهم فاشلين سياسه يقدرون يجنسون ربعهم ويضغطون .. بس ميتيين ! ولاكانهم عيال عم ..
حتى لو مايستحق انت بصام وانبطاحي ماتقدر تجنس الغير مستحق ! وله تمشي بالقانون انت وجهك !


انا متأكد لو قضية البدون .. قضية مطير وله رشايدة وله عوازم وله عجمان .. بالخصوص جان حلت من زمان مع شديد الاحترام للقبائل الاخرى اللي بها نسبه كبيره من البدون ..

مع العلم انه تلك القبائل الاربع به بدون باعداد بسيطه " واغلبهم ماظلموا انهم كانو بالكويت قبل 1959 " بل بعدها لكنهم يبونه مثلهم مثل الغير مستحق واخذ ! .. ويبون العيشه بالكويت .. واعرف عدد منهم من جماعتي اعرف انهم ماله بالكويت ولا باديته مكان سابقا ..

مع ذلك حنا بدو وتاخذنا الحميه والعاطفه .. ونتسائل حينها يتجنس الغريب على شبه الجزيره ويتجنس ابن القبيله الاخرى ولايجنسون ابن عمي .. فالدعوه سياسي واسطات قبل القانون ..
 
T

TH!NK

عضو فعال
بسيطه بسيطه

خلوا ثقتكم بالله قويه

وأكثروا من الدعاء وإن شاء الله سمو الأمير صباح الأحمد ماراح ايخليكم
 
K

king

عضو ذهبي
كلمة بدون قنبلة موقوته نسمعها كثير ولكن لم نرا شئ من شضاياها ،، لان بكل بساطه ناس بسطاء ينتظرون الحل من الحكومة ولكن انا من رايي الشخصي ان تتم مناشده مباشره لسمو الامير الشيخ صباح الاحمد حفظه الله ورعاه ، ويتم تثبيتها هنا من قبل المشرفين ، لان قلب ابو ناصر كبير و يتحمل كل مشاكل الديره ، وبعدها يتم اسكات كل بوق يتكسب من هذه القضيه
 
ر

رجل وطني

عضو مميز
لحين قيام الثورة البدونية المرتقبة التي قام الناشطين البدون بتاجيلة الى ما بعد شهر فبراير احتراما لضيوف سمو الامير حفظه الله
واحتراما للاحتفالات الوطنية
 
ب

بنت شهيد بدون

عضو مميز
ربعنا مايتحركون الا لي صارت مشكله كبيره تشوفهم يركضون كل واحد يقول اقتراح حالهم حال سالفه البنغال
بس لان البدون ساكتين ومايبون يخربون ديرتهم ويشوهون سمعتها تشوفهم حاقرينا ومورادين علينا وطبعا هالشي من ضدهم 50 سنه واهما ماسوى شي يجنسون موريتا وكومار وفادي ومهدي وفيفي على بند خدمات جليله
 
O

othman

عضو
تســلمــون ع الاراء الطيــــبه ...
انشـــاء الله يحــلها بونـــاصر ويفـــرح اعيـــاله بتجنــــسيهم ماهـــي غـــريـــبه عليه
 
ط

طالبك يا رب الستر

عضو فعال
حطوا عينكم بعين الله
ما يخليكم الله سبحانه وتعالي
اصلا لو كل واحد مؤمن بالله يفكر شويه بينه وبين نفسه
ويقول شلون عاشوا البدون طول هالمده والحكومه وبعض الناس شانين عليهم حرب
في ارزاقهم وفي اعراضهم وفي انتماآتهم وفي اجناسهم وفي عوايلهم وفي قبايلهم
وفي حياتهم الشخصيه وفي كل شي تتوقعونه شلون هاااا شلون
ما نقدر نقول الا الله سبحانه وتعالي ساتر عليهم بستره ومصبرهم علي بلواهم وكافل عيشتهم وعيشة عيالهم
 
د

دايخ ذيب بنيدر

عضو
اخي العزيز مع الاحترام لما يسمى بدون فهؤلاء يملكون جناسي عراقيه وسوريه ويملكون ارصده في البنوك اكثر مني ومنك فليعودو الى بلدهم ويتركو الكويت ​
 
C

c00l

عضو جديد
دايخ ذيب بنيدر قال:
اخي العزيز مع الاحترام لما يسمى بدون فهؤلاء يملكون جناسي عراقيه وسوريه ويملكون ارصده في البنوك اكثر مني ومنك فليعودو الى بلدهم ويتركو الكويت ​
أنقر للتوسيع...


اخوي انتا كاسكو تردد هالحجي وين ماتروح ..؟
موناقص تقول بعد انه ارصدتهم اكثر من رصيد الوليد ويمكن جيتس ..؟؟
اسمع ياللي اسمك دايخ
البدون ناس غلابه ماعندهم شي ولو فيه منهم حد غني ينعدون على الاصابع والحكومه لو صايده على اللي بقى من البدون اثباتات دول ثانيه جان من زمان فنقرتهم مثل ماهي قاعده اتفنقر بالكويتيين المزدوجين والفال لك انشالله


 
ي

يعقوب الشمري

عضو بلاتيني
دايخ ذيب بنيدر قال:
اخي العزيز مع الاحترام لما يسمى بدون فهؤلاء يملكون جناسي عراقيه وسوريه ويملكون ارصده في البنوك اكثر مني ومنك فليعودو الى بلدهم ويتركو الكويت ​
أنقر للتوسيع...


وليش الحسد

اذا انت فقير غيرك افقر واذا انت غني غيرك اغني
قول الحمدلله ربي ساتر علي
غيرك ياكل من الزباله

وليش ما تذكر جناسي سعوديه بعد ليش تقتصر البدون بالعراق وسوريا

الان عرفت انه منطقك اعوج
 
C

c00l

عضو جديد
يعقوب الشمري قال:
وليش الحسد
أنقر للتوسيع...
يعقوب الشمري قال:
اذا انت فقير غيرك افقر واذا انت غني غيرك اغني
قول الحمدلله ربي ساتر علي
غيرك ياكل من الزباله

وليش ما تذكر جناسي سعوديه بعد ليش تقتصر البدون بالعراق وسوريا

الان عرفت انه منطقك اعوج
أنقر للتوسيع...

اخوي يعقوب بلاش جملة "غيرك ياكل من الزباله"
اولا لانها تسبب القرف
وثانيا لانك بهالطريقه تنزل من قدر البدون في سبيل ارضاء العنصريين وبالاخير ماراح يرضون وعساهم مارضوا ..

وبالنسبه لدايخ هذا
اعتقد انه والله اعلم كاتب ماجور دون ..
 
و

ورد حلو

عضو فعال
دايخ ذيب بنيدر قال:
اخي العزيز مع الاحترام لما يسمى بدون فهؤلاء يملكون جناسي عراقيه وسوريه ويملكون ارصده في البنوك اكثر مني ومنك فليعودو الى بلدهم ويتركو الكويت ​
أنقر للتوسيع...

يا أسم على مسمى
دام عارف أصولهم وجناسيهم (وليه) ما بلغت عنهم (المسعولين ). مُو هذي الديرة ديرتك وأللي يضرها يضرك ...وإلا عندك ديرة ثانية تلفي عليها وقت الأزمات .
(شف) وأنا أخوك (لاعينت)واحدن منهم (ولاقاك ولاقيته )لزوم تبلغ الشيخ بالسالفة.
 
O

othman

عضو
دايخ ذيب بنيدر قال:
اخي العزيز مع الاحترام لما يسمى بدون فهؤلاء يملكون جناسي عراقيه وسوريه ويملكون ارصده في البنوك اكثر مني ومنك فليعودو الى بلدهم ويتركو الكويت ​
أنقر للتوسيع...


جيــبلي بــدون واحــد عنده جنسيه وخــاشها وقاعد بكــويت ؟؟

اقســـم باللــه العظيـــم ان حصلت بــدون واحد وقــدام الاعضــاء عنده جنسيه وخاشها ويقــول انا بــدون من بـــاجر اروح اوقــع ع المستنـــدات كلــها اني عــراقي الجنسيه ؟

ونــاطر ردك
 
يجب تسجيل الدخول أو التسجيل كي تتمكن من الرد هنا.
أعلى