شجون الكويت
عضو مخضرم
عزيزي صحفي ... العدالة كلنا نحبها ونتمنى تحقق بس صعب يحققها اخوانك المديونيين تحقيق العدالة هذي عند الحكومة مو عند الناس التعبانه ... يعني الغرقان يبي يفك عمره بس وانت تبي منه حلول ! ما اعتقد يقدر يقدملك حلول ... انت قدمها دامك مرتاح ما عندك قرض .. بعدين وايد اسمع هالكلام والله محد طقك على إيدك تاخذ قرض .. وين مخك لمن أخذت القرض ... ترا تعبت الناس من الأسطوانه ..شماته هي ولا شنو ! في ناس عندها ظروف جدا قاسية وصعبه خذت قروض علشان تحل مشاكلها . انت اشلون بتعرف ولا الرجيمة تعم شفت ولا سمعت واحد أخذ قرض سافر فيه معناه كل المديونين سافرو ولا لعبوا فيها ! يا خوي ترا في ناس مايطلع لها العلاج بالخارج خذت قروض ويا كثرهم و... في ناس مايطلع لها بيت خذت قرض في ناس صار عندها قتل بالخطأ ولازم تدفع دية... في ناس تبي تشتري سيايير لعيالها لأن عيالها بدون ما يشتغلون يبون يعيشون يا صحفي يا طيب يا حنون خلك انساني شوي مع الناس و في ناس صارت لها مصايب انت اشدراك !!!