البنك الوطني وجشع مابعده جشع

[مـطيري حـر]

السلام عليكم ورحمة الله وبركاته
صبحكم الله بالخير
يا اخوان وصلني هالمسج على الواتس اب وصراحه صدمني
يقول المسج :
قرر مجلس ادارة بنك الكويت الوطني فرض رسوم قيمتها 10 دنانير مقابل خدمة ارسال الرسائل النصيه ( السحب والايداع ) اعتبارا من 1\3\2011
للعلم بان تم الاتصال على البنك والتاكد من الاخبر واتضح ان هذا الخبر اكيد
واللي مو متاكد يتصل على البنك ورقمه 1801801 ويستفسر​

تعليق​

يا اخوان انشروا الموضوع على الناس حتى يطلعوا على جشع وطمع هذا البنك وحتى يتم الاتصال من كل عميل على خدمة العملاء لالغاء هذه الخدمه تحت شعار حملة ( كنسلوها ) وللعلم ماهمتنا عشر دنانير بس لايقاف جشع هذا البنك
وليعرف البنك وغيره من الشركات باننا لسنا مغفلين !!! لعملاء الوطني حتى يكونوا عبره لبنوك اخرى تفكر تستقل الناس​

 

[الموقر]

اذا بدا هالنظام في البنك الوطني راح يطبق في جميع البنوك

 

[كفايه حسد]

بفضل الله راح انقل معاشي للتمويل هالشهر هذا وخل هالبنك يستريح

 

[Q8 1]

للحين انتو فى هلبنك الدايخ انا افتكيت منه من زمان ورحت بوبيان احمدالله واشكره الى اعانى علي الخلاص منه

 

[عـــــبدالمــــــلك]

التمويل وارتاااااااااااااااح

لاوطني ولا غيره

 

[عبدالله العبدلي2]

ليش الطمع عشان المنحه بيت التمويل ياخذ دينارين بالسنه مقابل رسائل السحب والايداع

 

[مـطيري حـر]

اذا بدا هالنظام في البنك الوطني راح يطبق في جميع البنوك

ولهذا نريد اطلاق حملة تحت مسمى كنسلوها
يا اخوان كل اللي عنده حساب بالوطني يتصل ويطالب ان تتكنسل هالرسوم

 

[الـظـفـيـريـ]

ودي أطلع بس علي 45 الف كيشوه لي وابشروا بسبقكم للتمويل ​

 

[كفايه حسد]

ودي أطلع بس علي 45 الف كيشوه لي وابشروا بسبقكم للتمويل ​

انا اقول كثر زيت مقري مطول معاهم مالك الا ان تضبط علاقتك وياهم

 

[ولد اليرموك]

أنـا بـنـكـي الـوطـنـي . . . وبـعـون الـلـه بـطـلـع مـنـه الـشـهـر . . .​

 

[الفارسي]

سلام عليكم

اتمني علي الكل تحويل حسابه بيت التمويل الكويتي

 

[فدوه يا وطن]

اكل الشعب هالبنك
عندي شباب 2 بالدوانيه اخذو قروضهم مع بعض واحد بالتمويل والثاني بالوطني

اللي بالتمويل خلص واللي بالوطني باقي عليه اصل الدين نص المبلغ

حسبي الله علي الوطني يارب يفلس وينشال من الكويت​

 

[أبو سديم]

وشجع مابعده شجع

جشع وليس شجع

 

[مـطيري حـر]

جشع وليس شجع

خليت الموضوع كله وركززت على البدليه

 

[sager]

للحين انتو فى هلبنك الدايخ انا افتكيت منه من زمان ورحت بوبيان احمدالله واشكره الى اعانى علي الخلاص منه

بوبيان منو يملكه و يديره مو الوطنى ولا انا غلطان ؟
خلاص يبا صار بوبيان فرع الوطنى الاسلامى

 

[&ابوعبدالله&]

تم الاتصال على البنك وبالفعل تم رفع رسوم الخدمه الى 10 دنانير

وطلبت قطع الخدمه نهائيا
​

 

[alkuw85]

حياك الله اخوي مطيري حر
بالنسبة الى للبنوك انا بنكي بيت التمويل والصراحه خدامتهم حلوه والمسجات بدينارين بالسنه
غير التحويل عالحسابات بالنت ابلاش ومرتاح جدا من خداماتهم
وتغيرت خدمة العملاء صاروا يردون عليك اما قبل دق على خدمة العملاء وروح تسبح او صلي او بدل دهن السياره وعلى ماتوصل البيت الا وهم رادين عليك

 

[المتيم]

أن شاء الله هذا الشهر طالع من هذا البنك الوثني
نسأل الله العلي القدير بأن يغفر لنا
وهذا الأمور ليست غريبه علي هذا البنك مادام دبدوب فيها
شكثر يحب الفلوس ويعرف شلون يخلق طريقة وطريقة علي جمع الفلوس من المواطنين بل الحلال أو الحرام
أهم شي الفلوس .


​

 

[ولد عطا]

الخليج من سنتين مطبقهاا اذا مو أكثر اول سنه مجاني والباقي 10 كل سنه

 

[السـيف]

اتصلت واكدولى هالخبر من 1-3 تخصم منك عشرة بدون الرجوع للعميل

الاذا الغيتها قبل االتاريخ - صج نصب واحتيال مابلغونا عبر الsms