أشم رائحه حل لمجلس الامه والله العالم

[ركازي]

اول شي يا اخوان ملينا من مواضيع اخوانا البدون ومظاهراتهم​

انا معاهم يعلم الله​

ومتعاطف وياهم الى ابعد حدود​

وكنت أأيدهم في بداية المظاهره على انها سلميه ابو ساعه وتنتهي​

لكن عقب الاحداث اللي صارت كان من الممكن ان تشدد العقوبه وزارة الداخليه​

لأن المسألة تخص أمن بلد وخاصه ونحن في ايام تفرح بها الكويت بأعيادها الوطنيه​

الشاهد​

اصبحت الشبكه مليئه بالمواضيع اللي تخص المظاهرات والاحداث الاليمه​

خلونا نغير ونرجع الى مجلس الامه والحكومه ونعيش أجواء التهدئه​

والله توترنا في المواضيع اللي على الساحه​

المهم​

اشم رائحه حل لمجلس الامه​

عسكر العنزي اعتقد والله العالم انه اول سؤال برلماني يوجهه الى وزير بالحكومه
وجهه سؤال الى الساير امس بخصوص بناء مستشفى جديد بالجهراء​

ماني عارف وينه طول الفتره​

خلونا نعذره ونقول يمكن كان سهران بيوم الانتخابات وكان نايم طول الفتره من التعب وامس قعد ​

الخنفور يطالب بزيادة الرواتب​

دليهي شغال تصريحات ازعجني بالمسجات الاخباريه كل دقيقه يجيني مسج​

بس المشكله ان المسج يشكر فيه الحكومه​

لكن اذا قصرت الحكومه في اي قضيه ما يدز مسج ضدها​

بس اذا سوت شي حلو للشعب يشكرها​

وهذا شي اعتدنا عليه​

المهم
الخرينج يطالب برحيل الحكومه​

الحريتي يطالب الحكومه بمواجهة الفساد​

انا اعتقد ان الحل بعد الاعياد وخاصه ايضا ان الاوضاع متوتره ما بين الحكومه والمجلس​

 

[.. عصآمية *]

اي والله صح صح انا بعد فكرت نفس الشي

عاد ان انحل المجلس هذا انا اقول لـ نواب الانبطاح و اولهم عسكر

والله ما تاخذون الصوت

و حتى امثالهم بالشبكه اللي سجلو باساميهم و سلكو طريق بداية الانبطاحيين و هم عارفين نفسهم

لم لن و لا

انسو الصوت

و لا اتعبون عمركم و تصرفون فلوسكم

بانت مواريكم

و شكراً

 

 

[عامر بن صعصعة]

صدق قاعد اقرأ قمت اضحك اقول صج توه يمكن قعد من النوم

ما اعتقد يتم حل مجلس الامه لسبب واحد ليش ينحل وهو مجلس حكومي

 

[الاعلام الفاسد]

على قولة اخوانا المصريين ( من بؤّك لـ باب السماء )

الله يسمع منك يا ركازي .. رغم اني مقتنع و متآكد بآن هذآ المجلس سوف يكمل الاربع سنوات بـ نسبه 99.9%

 

[كويتي قديم جداّ]

حل !!! .. ما فيه حل للمجلس ..

وخلهم يصرحون .. لي باجر

فالعمل البرلماني هو تصريحات كثيرة على الفاضي​

 

[المطيري احمد]

هذا المجلس اتفق الكويتين على حله يخرب بيتهم حكومين اكثر من الحكومة

 

[المشعان2]

صعبه حل هالمجلس الحلو المزيون الي فيه عدنان المطوع ورولا والراشد وعسكر وزنيفر !!

 

[ملسون1]

بصراحه هذول رموز المعارضه ولو ينزلون للشارع الله يستر

 

[سلامات]

تكفى ركازي

ماشميت اي ريحة للقروض

 

[عزوز الاقرع]

لا غلطان
تدري ليش!!!!
لان امس بروان ملقي خطبه بالمجلس و يحيي الديمقراطيه الكويتيه الفريدة بنوعيتها بالشرق الاوسط.
و هذا وسام بصدر الكويت ان رئييس ورزاء بريطانيا يمدح الديمقراطيه (ولو اني ما احب احد بالمجلس).
و السالفه تطول لو اقعد معاك من اليوم الى باجر ما راح نتفق ليش ما راح ينحل المجلس!!!!

 

[منظمة الشمغ الحمراء]

وأنا أشم رائحة كباب ...

 

[R@k@n]

الله يسمع منك لكن مستحيل ينحل المجلس

والحكومة مسيطرة على هالمجلس تقريباً 70 %

وما عليك من تصريحات الانبطاحيين امثال عسكر ومن على شاكلته

والمجلس راح يكمل 4 سنوات

 

[mo7sen]

الكلام ببلاش​

 

[ركازي]

وأنا أشم رائحة كباب ...

اخلاقج جدا راقيه

اهنيك

 

[Q8lion]

هذا المجلس يعتبر ذهبى لا يمكن للحكومه الاستغناء عنه

 

[shQrDi]

مايطهرهم ماي زمزم
ومواقفهم معروفه
مايحتاج احد يذكر فيهااا
ولو كان هنااااك حل لمجلس الامة
فهم بره المجلس الجاي بأذن الله ​

 

[حق اليقين]

معقولة مجلس فيه الناطق الرسمي باسم الحكومة القلاف و ودليهي وعسكر وباقي الشلة هم الأغلبية وتبيهم يحلونه

 

[مســـلم]

اخوي الغالي اختلف معاك

المجلس هذا هديه لن تتكرار الحكومه

وسوف ترا عجب العجاب في محاوله الاكمال دوره البرلمانيه له

 

[LegaL]

هم وصلني خبر بان المجلس سوف ينحل بس ما اعرف السبب ؟؟

أعضاء بصامين 100% وينحل المجلس .... هذه الحسبه مو راضيه تدخل بعقلي

 

[أهل الردات]

نتمنى ينحل قبل لا الشعب ينسى الأحداث الأخيره ويحاسبون أعضائهم ​

لأن لو يكمل الأربع سنوات بيردون نفس الأشكال وأزود ​

ندعى جميعا أن الشعب لا ينسى ما حدث هذا أذا ما نساهم الألف ​