هل هذا الولد ( سب ) امه أم كان الأمر دعابه ؟

[ألب آرسلان]

عندما كنا اطفال كان تروى لنا قصص مابين
الحكمه والفطنه والذكاء والطرافه << وهذه عاده عند البدو ​

حكت لي والدتي ( الله يطول عمرها في طاعته ) عن ولد يعشق امه
ولا يفارقها إن كان وجوده بالبيت
وكان يجلس معها يؤنسها بكلامه ومداعبته
فـ مره قالت له أمه اخرج من ( الصاله ) سوف يأتون نساء يزورونا
قال لها ( مداعباً ) عادي خليهم يجون وانا بقعد معاكم
ردت امه عليه ببيت شعر وقالت ​

(( عز الله اني جبت وخبت ,, ياليتك من أحد البنات ))​

فرد الولد مداعباً امه ​

(( العزيمه شاي وحب ,, خبله وعزمة خبلات ))​

لكن السؤال للقراء هل يعتبر هذا من العقوق وعدم البر بوالدته
أم يحمل على محمل المداعبه والطرافه فقط ؟​

وانتظر ردودكم الكريمه​

 

[خجـل]

اشوف انه مايتعدى مداعبه الولد لامه يعنى مزوح تجى وتروح

قصه طريفه :وردة:

 

[ألب آرسلان]

اشوف انه مايتعدى مداعبه الولد لامه يعنى مزوح تجى وتروح

قصه طريفه :وردة:

يعجبني الشعب السعودي
الحياة كلها فله ومزوح هههه

وتسلمين على مرورك ( العقربي )

 

[سنـين التّيــــهـ..]

هههههاي

هذا حييييييييل مطيح الميانه..

لو ولدي جان وريته

​

 

[جمـوح الخيل]

لا يأخي الكريم هذا عقوق نسأل الله السلامه...

حتى وأن كان يمزح مع أمه المزح له حدود مع الناس فما بالك بالأم...


على فكره حتى مجرد أنك تدعي أمك باسمها"يعني مثلاً تقول يانورة وين غداءك" يعتبر عقوق....
ما في أحلى من تقول يايمه أو يابعدي....

حتى أن عرضت القصة على الوالده حفظه الله وقلت وشرايك يابعدي"قالت إلا والله سب وليه ما قام يوم
قالت له أمه قم"......

شكراً.........أخي الكريم ألب أرسلان​

 

[واحد من هالناس]

رؤيتك وتصورك للمشهد غير عن تصور الشخص نفسه للمشهد .. بعضهم تلقاه يمون على امه حيل وهي تمون عليه وبعضهم يحترم امه شديد الاحترام ويضع لها هيبة ووقار ... فالسامع للشيء غير المشاهد له

 

[المهذب جدا]

مهما تكون الميانه بين الولد و امه ما يصير ينزل الى هالمستوى حتى

لو كان من باب الضحك _ واللي يبي يضحك في سوالف كثيره تضحك بأدب

هذا من وجهة نظري والله اعلم شكرا لك و الله يمتعك من امك ويعطيكم الصحه

 

[ام الزهور]

لا الولد لازم يتربى كويس

 

[ريم المحياني]

حتى لوكانت مزحه المرأه حساسه بطبيعتها شلون لوكانت أمه الحين يقولها عادي جدامها بس باجر بيصير الوضع طبيعي يقولها جدام الناس هذا لو ولدي ادوس بطنه

 

[.. عصآمية *]

لا هو مو قاصد عقوق و لا شي أكيد ، يعنني أنكت ،

بس الولد وجهه بارد ،‘

 

[ريم المحياني]

لا هو مو قاصد عقوق و لا شي أكيد ، يعنني أنكت ،

بس الولد وجهه بارد ،‘

‏<‏<<دايم الصبيان وجيهم بارده تتحرش

 

[.. عصآمية *]

‏<‏<<دايم الصبيان وجيهم بارده تتحرش

لآحظتي هـ آلشي ؟ << فوقه

 

[ألب آرسلان]

هههههاي​

هذا حييييييييل مطيح الميانه..​

لو ولدي جان وريته​

اكيد ميانه وقويه

وهم الحمدلله ان هذا مو ولدج

اسعدني هبالك اقصد مرورك

 

[ألب آرسلان]

لا يأخي الكريم هذا عقوق نسأل الله السلامه...​

حتى وأن كان يمزح مع أمه المزح له حدود مع الناس فما بالك بالأم...​

على فكره حتى مجرد أنك تدعي أمك باسمها"يعني مثلاً تقول يانورة وين غداءك" يعتبر عقوق....
ما في أحلى من تقول يايمه أو يابعدي....​

حتى أن عرضت القصة على الوالده حفظه الله وقلت وشرايك يابعدي"قالت إلا والله سب وليه ما قام يوم
قالت له أمه قم"......​

شكراً.........أخي الكريم ألب أرسلان​

الفاضله اختي ( ياصغير ماكبرني لقب )

الوالده حفظها الله قالتها لي ولم اقلها انا

اما انها عقوق هذا رأيك كـ قارئه واحترمه كما احترم شخصك

وغيرك يختلف معك بهذه النظره

ولا يقطع الشك باليقين هنا إلا ( أهل العلم والإفتاء )

وبارك الله بمرورك الطيب

 

[وطني الكويت لاعدمناك]

انا اجيب لك العلم وانا اختك

(( عز الله اني جبت وخبت ,, ياليتك من أحد البنات ))​

فرد الولد مداعباً امه ​

(( العزيمه شاي وحب ,, خبله وعزمة خبلات ))​

القصه طال عمرك صحيحه يمكن ولاهو عاق امبلا سب امه--- امه خابرته والدليل تقول جبت وخبت هالضعيفه فعارفه ان ولدها مدوج ويحوس والدليل على ذلك رده لها بالخبله شكله مومركز بانها امه

بس لو هي قديمه في حب قبل عندهم ؟؟؟؟

الوكاد انك اضحكتنا بهالسالفه ربي يونسك بالعافيه << عجوووووووز وتغلي علوم الاولين

 

[جمـوح الخيل]

الفاضله اختي ( ياصغير ماكبرني لقب )

الوالده حفظها الله قالتها لي ولم اقلها انا

أعلم بذلك لكن أنت من طرحت السؤال...

اما انها عقوق هذا رأيك كـ قارئه واحترمه كما احترم شخصك

وغيرك يختلف معك بهذه النظره

ولا يقطع الشك باليقين هنا إلا ( أهل العلم والإفتاء )

صدقت لكن أيضاً لدينا عقول تستنكر مثل هذه الاقوال
للوالدين حتى لو كانت من باب المزاح..
قال خالد بن صفوان: كان يقال: لكل شيء بذر، وبذر العداوة المزاح.
وقال الحسين بن عبد الرحمن: كان يقال: المزاح مسلبة للبهاء، مقطعة للصداقة.

وبارك الله بمرورك الطيب

شكراً لك ..أتمنى اتسع صدرك لتعقيبي..
لان البعض يرمي الكلمات التى
ظاهرها المزح وباطنها السب على الوالدين
من باب المزح...
​

 

[مزاجية]

لو قايل جم عمر الولد لعرفنا هل هو مزح أو سب ؟​

 

[ألب آرسلان]

رؤيتك وتصورك للمشهد غير عن تصور الشخص نفسه للمشهد .. بعضهم تلقاه يمون على امه حيل وهي تمون عليه وبعضهم يحترم امه شديد الاحترام ويضع لها هيبة ووقار ... فالسامع للشيء غير المشاهد له

والله انا بخير الله يسلمك

..

لكن صحيح اتفق مع ماتفضلت به
وشاكر لـ المرور والصحه والشؤون

 

[ألب آرسلان]

مهما تكون الميانه بين الولد و امه ما يصير ينزل الى هالمستوى حتى

لو كان من باب الضحك _ واللي يبي يضحك في سوالف كثيره تضحك بأدب

هذا من وجهة نظري والله اعلم شكرا لك و الله يمتعك من امك ويعطيكم الصحه

عساك انت ومن جابك ( بالجنه ) على دعوتك بآخر ردك << حده تشقق يحب هالدعوه

ووجهة نظرك صحيحه لكن هالولد فله وامه اكيد فله

قواك الله يا العزيز وتسلم وبارك الله فيك

 

[ألب آرسلان]

حتى لوكانت مزحه المرأه حساسه بطبيعتها شلون لوكانت أمه الحين يقولها عادي جدامها بس باجر بيصير الوضع طبيعي يقولها جدام الناس هذا لو ولدي ادوس بطنه

اوووه عاد وصلنا للعضوه الظريفه
وعادل إمام الشبكه (ريم المحياني )

بعدين تدوسين ببطنه

وين الأم مدرسه وهالحركات
انا اتوقع صف إبتدائي ماتصلحين

وحياج الله يا النكته