وزير النفط أيام ماكان برميل النفط سعرة 10 دولار قال لنقابة البترول عندنا خير

[بدوي واقعي]

بسم الله الرحمن الرحيم


يذكر الإخوة أيام التسعينات وبدايتها كان سعر البرميل الواحد تقريباً عشرة دولار

ووقتها قامت نقابة البترول برفع مطالب للعاملين فيها وحصل لقاء مع وزير النفط في تلك الفترة

وقال لهم أبشروا باللي تبونه

الكويت فيها خير كثير وعائدات النفط فوووق المنتاز


طيب الحين برميل النفط قال للمئة دولار باي باي

؟؟؟

وصل الآن ل 115


تتوقعون أحمد العبدالله

شنو بيقول عن عائدات النفط


من 10 إلى مئة وخمسة عشر

ماني متصور شنو بيقول



الله يحفظ كويتنا

ويحفظ عودنا أبوناصر

ويرزقه البطانة الصالحة

ويديم علينا نعمة الأمن والأمان

​

 

[الشكوي-لله]

الله يزيد دخل ديرتنا انشاء الله ​

هذا يا جماعه كله لنا وللاجيال القادمه وحق الكويت​

وترا ما يحسد المال الا اهله قولو ماشاء الله ولا تحسدون نفسكم​

انشاء الله يوصل البرميل الف دولار المفروض نقول اللهم زيد وبارك ونفرح ​

والوزير شكو زاد ولا نقص بالعكس الريال ما قال شي وهذا كله لصالحنا ولله الحمد​

الله يديم النعمه يارب اللهم امين​

وعلي فكره انا موظف بالقطاع النفطي الخاص لا وبحفر ابار البترول ( يعني احنا الي نطلع البترول ) واحنا اكثر ناس مهضوم حقنا وماكلين .... حشاك والله لو اقولك ماراح تصدق اقل ما فيها معاشاتنا نقعد بال اربع تشهر يالله نسلتم معاش واحد وحاليا معاش شهر 11 الي طاف لي يومك مو مستلمين ولا فلس واشياء يشيب منها شعر الراس وهم فوق هذا ما نقدر نقول البرميل وصل وصار مانقول غير الحمد لله والكويت وشعبها يستاهلون​

وشكرا ​

 

[لا تعليق]

متفائـل خير

وتفـائلوا خير

وراح تلقونه بأذن الله تعالى

 

[عبدالله المركوز]

اليووووووووووووووووووووووووووووووووووووووووووووووووم الساعه 8 يبين كل شي

 

[Aragon]

نبيهم يركزون على البنية التحتية

نبي مستشفيات جديدة, شوارع و جسور، مولدات كهربا جديدة

جامعة جديدة, مشروعات استثمارية جديدة

الله يديم الكويت

 

[احمد لكويت]

الله يزيد ويبارك

والحمدلله على النعمة والعافية

 

[مصرقع]

يعني اذا كل الخير توزع بالعدل التجار شنو ياخذون وخفافيش الضلام من وين يبوقون

 

[بدوي واقعي]

للعلم فقط

على الحسبة الحالية سيكون كل عشرة أيام بل أقل من ذلك ميزانية الدولة لسنة قدام بكل مافيها

اللهم بارك

والله يزيد ويبارك على كويتنا الغالية



أنا اتمنى أن تكون فعلاً بنية تحتية صحيحة

نبي مستشفيات طبية سياحية على مستوى المرضى يحتاجون للعلاج الطبي والنفسي

نبي بيوت على مستوى ومساحة يرتاح فيها المواطن


نبي يبنون مناطق على الحدود يقلعون فيها الأجانب العزابية ويريحونا منهم

نبي شوارع مثل العالم ومواكبة للعالم نبي قطارات مثل أوروبا


نبي جامعات على مستوى عالمي في الكويت وجلب أهل الأختصاص حتى ما تمر سنوات إلا والكويتي هو الذي يمسك الجامعات والمستشفيات


نبي ونبي ونبي



الكويت تستاهل ونحن نستاهل

والحكومة ما راح تقصر

وأبونا أبو ناصر الله يحفظه قالها

بخلي كل إنسان يتمنى أن يكون مواطناً كويتياً


يالله إنك تديم علينا نعمة الأمن والأمان

وتحفظ لنا كويتنا وتحفظ لنا أميرنا

​