قصائد متعب التركي

[العبدلي]

غموض وكأبه

ماهو خطاعشان ادور معـــــــــاذير ** ولاهوغلط عشـــان ادور صوابه

اليوم توه عود لوكره الطيـــــــــــــر ** واصبح يشوف العالم اكثر رحابه

مستغربين انه ملى قلبي الــــــــخير ** ليه الغرابة! وين وجه الغـرابة؟

تعبت ادور للخطاوي مشــــــــــاوير ** لين التعب زاد الليالي رتـــــــابـة

يبكي فرح من شاف بعض التبــاشير ** معذور لو دمعه يبلل ثيـــــــــــابة

من كنت بأول خامسة طفل صـــغير ** كنت امتلي حزن وغموض وكأبه

كنت أشعر اني غير والمدرسه غـير ** هيمان في جو النبي والصحـــــابة

كنت المح بوجه الليالي تعـــــابـــــير ** وأقراء همومي قبل أعرف الكتابة

والشعر غاااب وله محبة وتقديـــــــر ** اول غيابه شلت هم لـــــــــــغيابه

بالنفس كان لبعض هالأمر تـــــــأثير ** والليلة اهون من جناح الـــــذبابه

 

[العبدلي]

ياحادي الركب

مفتوح باب الرجى لو هب مليون ريـــــــح ** والريح ماتاخذ الغرسه من عروقهــــــــــا

القوس مكسور والرامي يقوم ويطيـــــــــح ** والسهم منعاج والايام خازوقهـــــــــــــــــا

لو لبسو ساقط الهرجه ثياب المديـــــــــــح ** قلنا سحابة وبلة يابس حلوقهــــــــــــــــــا

ياحادي الركب لا توده عليه وتصيـــــــــح ** ماعاد هي سالفة ليلى ومعشوقهــــــــــــــا

مديت شوفي وشفت الكون رحب وفسيــح ** والارض حدر المواطي والسماء فوقهــــــا

مادام عين الرضا ماها هماج وشحيـــــــح ** ابتبع الغيمة اللي رفة بروقهــــــــــــــــــــا

مدري عن المقبلة لكن عسى الله يبيـــــح ** اللي تهز القلوب وهزني شوقهـــــــــــــــــا

غنيت للحب ولسان المحبة فصيــــــــــح ** والبدو سبة غناها ضيقة خلوقهــــــــــــــــــا

باكر يروح الشتاء والثلج قصره يسيــــح ** مايفضح الثلج غير الشمس وشروقهـــــــــا ​

 

[العبدلي]

مقتطفات من متعب التركي
_________________________​

لك بقلبي غلا واعجاب ماهو بزايـل
لو عن الارض زال طويق والا سنام ​

كن دمع العيون اللي على الخد سايل
صافي الما وهو يسقى ورود الخـزام ​

راوي العود لاقاصر ولاهـو بطايـل
ينعرف زولها لو هي بوسط الزحـام ​

________________________​

ضحيت بالواقع على شـان الاحـلام
وضحيت بالغالي على شـان غالـي ​

حتى الغرام اللي كسر قلبـي العـام
ماني بحالـه كـان ماهـو بحالـي ​

ماينحسب عمـر البنـادم بالاعـوام
بعض السنين نعيـش فيهـا ليالـي ​

_____________________________​

متى ذكرتيني علـى شـان تنسيـن
خليـك مـره صادقـه وانصفينـي ​

في وقت واحـد تكرهيـن وتحبيـن
انـا تعبـت استحملـك واعذرينـي ​

حبٍ سرق من عمري ايـام وسنيـن
مثـل الهـوا مايمسكنـه يديـنـي ​

________________________​

احلى سنيـن العمـر راحـت هدايـا
لك يامجازي بالردى راعـي الطيـب ​

لي فـي حياتـك ذكريـات وخفايـا
تبقى ولو باكر غزا راسـك الشيـب ​

ولا الوفـا مالـه بقلـبـك بقـايـا
عند الذي مثلك اظـن الوفـا عيـب ​

____________________________​

ياليت مجروح الهوى جرحه يشـاف
لقول قرب مـن جروحـك وشفهـا ​

_______________________________​

اليا نشدوك العرب وش بينك وبينـي
قولي حياتي قصيده ..كان شاعرهـا ​

__________________________​

علمتني وشلـون اصيـر انعزالـي
واخذت مني راحـة النفـس والبـال ​

___________________________​

اتعب وغيري يجي ياخذ على الراحه
من حظ غيري وانا اللي زارع وساقي ​

_________________________​

البسي لك ثوب غيـر اللـي عليـك
من لبس ثوب الغـرور اكبـر غبـي ​

تحسبين النـاس خاتـم فـي يديـك
من متـى والعاطفـه توخـذ سبـي ​

فز لك قلبـي وانـا قمـت احتريـك
والكريـم يصيـر لضيوفـه صبـي
هذا الجزء اخذة من تناتيف شعره والقادم افضل بإذن الله​

 

[الفيلسوف>>]

يالعبدلي انا مهتم بالشاعر الكبير متعب التركي واغلب القصايد اللي حطيتها عندي بس بعض المعلومات عنه اعتقد انها موصحيحه وخصوصاً زواجه اعتقد انه مومن بنت عمه وان زواجه بسبب قصيده والتزامه من بعد زواجه مباشره لكن الاكيد ان الرجال كان يحب الله يثبته

 

[وسم*]

الموت هيـن والبـلا وش ورا المـوت عند الحسـاب .. يهـون سهـم المنايـا

باكر نموت و تصبـح قبورنـا بيـوت وعقـب القصـور بضيقـات الزوايـا

يالله ياحلو هالكلمات
بالفعل لو انسان يفكر بآخرته جان كل تصرفاته تغيرت للاحسن
لكن للاسف دائما الانسان يفكر بيومه وبس

 

[العبدلي]

تسلم فيلسوف على المشاركه وانا لم اتثبت في المعلومه التي نقلتها واخذتها من مصدر

قال وقيل


ولك جزيل الشكر على مشاركتك

 

[@Noura@]

من لبس ثوب الغـرور اكبـر غبـي


اليست جميلة ؟؟!!

العبدلي

لاخلا ولا عدم

 

[العبدلي]

 

[العبدلي]

&&&&&&&&&&&&&&&​

ما قلت لي شي وش خليت ماقلته
.......................اسكت وخل الكلام لجرحي الدامى​

لو غيرك اللي يسولف ما تحمّلته
.......................لكن على شان عينك هانت ألامى​

للحب مفهوم عمرك ماتخيلته
.......................ما أظن يستوعبه تفكيرك السامى​

هذا الفراق الطويل وهذي أسئلته
.......................هذا حصاد السنين وهذي أيامى​

ياما وياما عليك البال طولته
.......................والعمر عدى وأنا عايش على أوهامي​

حتى طريق الفراق اللي تساهلته
.......................لقيته أصعب على نفسي من أقدامى​

اصبر لي شوي لو دمي تثاقلته
.......................بحاول أستوعب اللي صار قدامي​

الحب ضحكة بعينك بس ماطلته
.......................عمرك بــ هالكون شفت أبسط من احلامي​

القلب لو ما خفق لك كان ما شلته
.......................ولو ما أنت ملهم قصيدي جفت أقلامي​

 

[أبو مالك]

التركــي
تركها
خلف ظهره
نسأل الله له الثبات
حتى الممـــات​

 

[العبدلي]

مع متعب التركي اتعب مشاعري ولابد من التمحيص والتدقيق في قصايده

ورااح ابحث عن جميع قصائده

ولكم جزيل الشكر

 

[العبدلي]

حبيت ارفع ماجمعته من قصائد الشاعر متعب التركي​

وادري في امتناع من البعض لأن الرجل تائب من الشعر​

لكن أنا اتحمل الذنب إذا كان هنالك ذنب​

لأن القصائد عفيف ولاتخدش الحياء وسهل فهمها وسهل الاندماج بها ​

هذا الشعر يسمى بالسهل الممتنع​

يسهل نطقها وقرئتها لكن تصعب كتابة قصائد مثلها​

تحياتي:وردة::وردة::وردة:​

 

[k7elan]

بعد ما ينفض الغبرة عن الموضوع اللي تم له سنة<<<<مسرع الايام تمر


متعب التركي من اصدق الشعراء اللي قرأت لهم , و ما اصدق من شعره عندي غير شعر المرأة

اسلوبه سهل و كلماته بسيطه لكن قصائده تدخل القلوب دون استئذان و تشعر بها و تتعايش مع المشاعر التي تحملها سواء كانت حزن , فرح, اكتئاب , او زهد

شاعر ما يتكرر ابدد

حفاظا للحقوق الفكرية

اذكر بدأ الجمع لقصائد متعب التركي في منتديات مطير القبلية بالأول في 2004 و منها انتقل الى بقية

المنتديات و تعرفوا عليه من هم من جيلي اللي ما عاصروا شعراء الثمانينات و منتصف التسعينات



تحياتي لك

 

[Goethe]

اللللله متعب التركي

لي عوده ..!!

 

[وطني الكويت لاعدمناك]

علمتني وشلـون اصيـر انعزالـي
واخذت مني راحـة النفـس والبـال ​

صح لسانه وعشتوااا جميعاااا

 

[أم فواز]

ياليتني لابغيت اكره قـدرت اكره
.......................... م اكان قلبي الليا جيت اكرهك عيّا
مادامك معيف رح لكن علي فكره
............................... ماقلتلى ليه دمعك سال منيّا

صح لسانك ملايين يا متعب التركي​

 

[جواهر*]

ياليتني لابغيت اكره قـدرت اكره
.......................... م اكان قلبي الليا جيت اكرهك عيّا
مادامك معيف رح لكن علي فكره
............................... ماقلتلى ليه دمعك سال منيّا​

صح لسانك ملايين يا متعب التركي ​

كلمات روعة اوختيار اروع يالفزاعة توني ادري انه الشاعر متعب اعتزل الشعر

ياليتني لابغيت اكره قـدرت اكره
.......................... م اكان قلبي الليا جيت اكرهك عيّا
مادامك معيف رح لكن علي فكره
............................... ماقلتلى ليه دمعك سال منيّا
:وردة:​

 

[ساهر الليل]

متعب التركي

وسعد الحريص

قصائدهم جميله

 

[التركى]

توديع الأحباب مثل الموت له سكره
.......................ادمى جروحي وشق الصدر منيّـا​

​

والقلب طير ضلوع الآدمي وكـره
.......................لأشاقـه الطلـع لاسلـم ولاحيّـا​

​

مصير الأحزان تنساني وتفتكـره
.......................ماكل الأيام بيض وسمحـة محيّـا​

​

قل غيرها ماأنت لامجبر ولامكره
.......................لاصار ماهي غلا ماأبي لك حميّـا​

​

لو في يدي شي ماقلت الوعد بكره
.......................حزمت حدب الضلوع وقلت لك هيّا​

​

لو كل غالي يجي دايم على ذكـره
.......................ماصرت اشوفك هناك وحبك هنيّا​

​

ياليتني لابغيت اكره قدرت اكـره
.......................ماكان قلبي ليا جيت اكرهك عيّـا​

​

مادامك معيف رح لكن على فكـره
.......................ماقلت لي ليه دمعـك سـال منيّـا

من اروع القصايد لمتعب وبجد شاعر رائع ​