سؤال وجواب سؤال بخصوص شركة زين

[م س ل م]

بسم الله الرحمن الرحيم
السلام عليكم ورحمة الله وبركاته

اخواني سؤالي صغير ولاهل الخبرة ......... هل عملية بيع شركة زين الللي قاعدين نسمع عنها كل يوم بالاخبار مرة تمت مرة فشلت مرة تم ومرة فشلت .


السؤال الاول ... ابي اعرف شنو الشي اللي من صالح صغار المساهمين بشركة زين من صالحهم ان الصفقة تتم ولا تفشل ؟؟؟؟؟؟؟

والسؤال الثاني ... ليش علي الخليفة ما يبيها تمم وناصر الخرافي يبيها تتم ؟

 

[سعد12]

لان البيعه راح يوفر كاش للشركه وبالتالي ارباح لان البيعه راح تكون اغلى من سعر التكلفه ..ولما تربح الشركه راح توزع ارباح ممتازه او افضل من العام الماضي...الخرافي عليه ديون ويبي يسددها وعلى الخليفه ما عليه ديون ولا يرغب بيبع اصل من اصول الشركه زين لانه يدر عليها ارباح سنويه وممكن يرتفع سهم زين في السعوديه مع الوقت وتوسيع القاعده المشتركيين هناك ............

 

[م س ل م]

شكرا اخوي سعد

بس بالنسبة لناصر الخرافي عليه ديون ؟؟؟؟؟؟؟ اي ديون اي بطيخ الرجل فلوسه بالمليارات وانت تقول ديون .... انا وانت الي علينا ديون سيارة مطلوبة للتمويل وقرض استهلاكي ونطالب باسقاط الفوائد هههههههههههههههههههههه

 

[the blind side]

شكرا اخوي سعد

بس بالنسبة لناصر الخرافي عليه ديون ؟؟؟؟؟؟؟ اي ديون اي بطيخ الرجل فلوسه بالمليارات وانت تقول ديون .... انا وانت الي علينا ديون سيارة مطلوبة للتمويل وقرض استهلاكي ونطالب باسقاط الفوائد هههههههههههههههههههههه

لايغرك
الرجال مطلوب بعد فشل مشروعه (بورت غالب)

 

[م س ل م]

الرجل ثروته اكثر من ثمانية مليار دولار والله يرزقه اكثر واكثر بالحلال طبعا شلون مديون ؟؟؟؟؟؟ا

ثمانية مليار = 8000 مليون دولار

خلونا بموضوعنا الرئيسي بيع شركة زين من صالح صغار المساهمين ولا لا ؟؟؟؟؟؟

 

[كاسك يا وطن]

الديون على شركة زين ، وليست على ناصر الخرافي ..
فـ شركة زين .. في سنة 2007 ( او 2008 ، ماني متذكر ) ..
سوت اكبر اكتتاب .. في الكويت .. واسحبت السيوله ..
عشان تدخلها في مصر وفي افريقيا ..
وخاصه انها تعاني من ديون كثيره ..

ناصر الخرافي المتمثل في شركة الخير .. يملكون اعلى نسبه ( بعد الهيئة العامه للاستثمار ) ..
ونسيبه .. أسعد البنوان .. يعتبر رئيس مجلس ادارة زين ..
وهناك خلاف ما بين اسعد البنوان، ( نسيب الخرافي ) .. و .. ( خليفه الخليفه - احد اعضاء مجلس الاداره ) ..

وكل واحد .. يبي يمشي رآيه .. على الثاني ..


بخصوص بيع الاسهم من صالح صغار المستثمرين ام لأ ..

فـ اهم بكل مره يطلعون لنا بوسائل الاعلام .. وايقولون ان :

أي بيعه راح تتم .. راح يعطون الاولويه حق الاقل اسهم .. ثم الاعلى .. ثم الاعلى ..

وما يندرى اذا كانت في اتفاقيات تحت الطاوله ام لأ .. مع ان هذا المتوقع ..


تحياتي ..
كاسك يا وطن ​

 

[م س ل م]

شكرا لكم جميعاااااااااااااااااااااااااااا وخاصة لمشرفنا العزيز كاسك يا وطن متميز كالعادة