احلف انها انحلت
قرارات حكوميه خدرو فيها البدون ولمن طلبو يقرونها كقانون الحكومه افشلت الجلسه
يعني تبيها قرارات لا اكثر يعني بالعربي حجي جرايد وماراح يكون اي شي علي ارض الواقع
والتجنيس موقف ولافي نيه صادقه لتجنيس المستحق
ياخي ملفات المستحقين عفنت باللجنه العليا للجنسيه من سنين واغلب اصحاب هالملفات توفو وماحصلو علي الجنسيه
وعلي المضاهرات والله انا ضدها بالاوضاع الحاليه اللي قاعد نشوفها " ولاكن معاها لمن تكون سلميه لانها نوع من انواع التعبير والحريه "لاكن هالشي بدا وماراح يوقف لان الناس كسرت حاجز الخوف وصار عندهم ثقافه التضاهر والنزول للشارع ولان اغلب اللي نزلو بالمضاهرات شباب لايملك اي من مقومات الحياة ومستقبلهم معدوم وماراح يخاف يخسر اي شي لانه خاسر كل شي من يوم انولد
والسبب الرئيسي ان ثقه البدون بالحكومه انعدمت وبالاخص الشخصيات اللي ماسكه قضيه البدون واللجنه المركزيه
خذها مني المضاهرات ماراح توقف الا لمن البدون يلمسون الحلول علي ارض الواقع ولمن يشوفون الخطوات الصادقه بحل قضيتهم
والصبر ماعاد مفتاح الفرج عند شباب البدون لان اهاليهم صبرو وماشافو شي
ان كنت تحب ديرتك ساهم في حل هالقضيه ولاتدعم ضلم البدون المساكين
اخوي الخير جاي بالطريق
http://www.alaan.cc/pagedetails.asp?nid=69850&cid=30
اذا فيه اجتماعات وترتيب هذا شيء حلو
اوكي انا معاك الحكومه غلطت بالتأخير وانت تشوف الحل بالمظاهرات وهذا غلط بعد
اخوي وزارة الداخليه سمحت لهم بالاعتصام وعطتهم ساعتين عبر بكل حريه
وانتهت المده وتعاملو معاهم برقي مايبون يروحون قالو رسالتكم وصلت
بس يعاندون وتقلبوها مظاهرات وتخريب وتكسير
تبي تعبر بأعتصام روح لساحة الاراده او ساحة الصفاة
اما التحذف والاحتماء بالبيوت مرفوض
اذا ماراح توقف هم الخسرانين