سؤال وجواب ابي اشتكي على جيراننا

ه

هدى الكويت

عضو بلاتيني
السلام عليكم
جارنه ماخذ 8 مواقــف وهـادم الـدوار شايل الزرع الي فيـه مخرب الواجهه الجماليـه للـدوار
غلطان شرايه ياخذ 10 مواقف بعـد !! ولا شرايه يصفط عند بيتنا !!
ابي اعرف والي يخليكم اشلون اذا نبي نشتكي عليه بلبلديه اي صوب نروح وشنو الاجراءات ؟
علما اننا من سكان محافـظـة الفروانيـه :)
 
ترتيب حسب التاريخ ترتيب حسب الأصوات
م

ميدان

عضو فعال
والله انا جاري ماذيني ماغير يصفط عندنا ويسكر علي خليته مع مرور الوقت تغير الرجال

مادريت الا وجيراننا مكلمينه وقايلين عيب عليك يافلان تسكر علي جارك كل نهار نشوف يحاول يطلع سيارته بسبت سيارتك

خليه علي راحته يمكن يجون جيرانكم ويكلمونه ويفهمونه بطريقه حضاريه

خلي القانون علي صوب

ترا هي عادات وتقاليد

كلمي بناته ​
 
تأييد 0 تصويت سلبي
ب

بوعزوز2000

عضو فعال
انا عندي الحل .... ( بطريقة غير مباشرة )

هو صحيح مكلف بس مو وااايد ... بس عشان العلاقات ما تخترب بينكم

روحي المشاتل واشتريلج كم شجره ... ووزعيهم حولين الدوار .. ماراح يكلف شي

هني مو معقولة راح يشيلون الشجر بعد !!

شراااايج :)
 
تأييد 0 تصويت سلبي
و

وطني الكويت لاعدمناك

عضو بلاتيني
تدرين هدى والله تعرفت على وحده والسبب الموقف ؟؟

جيت بيتنا والا القى سياره على باب بيتنا وعلى بالي من رواد ديوانيه جيرانا لانها عادتن لهم وعندهم ولد ربي يحفظه من يشوفني ياخذ سويتشات اللي بالديوانيه ويشيلهم عن سياره اي واحد في بيتنا المهم انا صفطت بعيد عن بيتناا وادخل بيتنا وكل شوي اروح الدريشه انطر راعي هالسياره يمكن يجي ويروح وارجع لبيتنا المهم والا تشتغل هالجيب واجي طايره والا حرمه ؟؟ وارفتح الباب وبروح اضبط سيارتي والا تفتح دريشتها واتعذر لي قلت ياعله من فداياج ولاتهتمين وتقعد تدعي لي طلعت معزومه على عشا وشرفت بيتنا عز الله وتعالي شوفي اشكالنا بالشارع كل وحده اتعذر من الثانيه ياربي يوفقهاا وانا اقول لج يالغاليه اللسان اللين غدا بالحق البين -- خلي احد من عايلتكم باسلوب يكلمه والله النتيجه راح تكون طيبه ان شاء الله وربي يهونهاا وعلى فكره ياهدى الحياه ماشيه وان شاء الله مافي مشكله يمكن احنا الحريم نكبرها شوي
 
تأييد 0 تصويت سلبي
رُبـّـمــا

رُبـّـمــا

عضو مخضرم
الجار اقرب لنا من الاهل في الجوار والسكن ..

ديروا بالكم على جيرانكم ..

الرسول صلى الله عليه وسلم وصلى على سابع جار ..

اصبروا واحتسبوا الاجر ان عجز التفاهم معاه ..​
 
تأييد 0 تصويت سلبي
R

rightword

المعرف السابق: شموخ بدويه
حبيبتى ماتووووصل
للشكوى مهما كان
الامر؟؟؟
اعرف ناس اصبروا على جارهم واهوو سكير
لين الله اخذ امانته وتوفى
الرسول صلى الله وسلم وصى على سابع جار
اتناجر مع جيرانى على مصافط شدعوه
اوك التمس لهم العذر
ما اصفطو على الدوار
الا انهم عندهم
ضيوووف
:)

الجار قبل الدار​
 
تأييد 0 تصويت سلبي
M

Meridian

عضو ذهبي
واضح أن هناك أخلاقيات متفق عليها لا يمكن تجاوزها، فنصيحتي لصاحبة السؤال أن تبحث عن موقع آخر لطرح
هذا السؤال عل وعسى تجد إجابة له، الكل مقتنع هنا بضرورة بالإحسان للجار إلا صاحبة السؤال.


​
 
تأييد 0 تصويت سلبي
ك

كاسك يا وطن

عضو بلاتيني
هدى الكويت قال:
السلام عليكم
جارنه ماخذ 8 مواقــف وهـادم الـدوار شايل الزرع الي فيـه مخرب الواجهه الجماليـه للـدوار
غلطان شرايه ياخذ 10 مواقف بعـد !! ولا شرايه يصفط عند بيتنا !!
ابي اعرف والي يخليكم اشلون اذا نبي نشتكي عليه بلبلديه اي صوب نروح وشنو الاجراءات ؟
علما اننا من سكان محافـظـة الفروانيـه :)
أنقر للتوسيع...


البلديه .. والاسكان ..:وردة:​
 
تأييد 0 تصويت سلبي
ا

المختصر المفيد

عضو بلاتيني
ذات مرة تقهوى في ديوانينتا جار لنا من حرب الطوفة بالطوفة طبعا الموضوع حتى الآن مألوف و في لحظة همس سمع جارنا صوت "المرحاض" أجلكم الله فاحمر وجهه خجلا لأن الصوت خرج من منزله أما نحن فالوضع طبيعي فعاتبنا عتاب المحب و أنبنا على سكوتنا الذي استمر عقودا و أفدناه أن الجار يمون على رقابنا و سارع من ثاني يوم إلى تغيير موقع "دورة المياه" أجلكم الله .

عندما كنا نبني منزلنا أقسم علينا جارنا أن يوصل التيار الكهربائي من منزله متحملا كافة التكاليف حتى يجهز .

عند نزولنا منزلنا توقفنا عن شراء الذبايح و مستلزمات الطعام فترة طويلة و السبب جيراننا .

عندما أجد مواقفنا امتلأت بالسيارات لا أتردد بركن سيارتي عند جيراننا و جيراننا كذلك

ذات مرة في مناسبة سعيدة فتح جارنا فناء منزله و أصر على ضيوفنا أن يركنوا سياراتهم فيه


يا هالجيرة و الا بلا

ترى الخوي و الضيف و الثالث الجار
مثل الصلاة ما بين فرض و سنة
 
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى