غلطان اذا تعتقد انى ما احس بمعاناة الشعب
لكن لا تخلط الامور مو لانى ضد اسقاط القروض
هذا يعنى انى ما احس بالمعاناة؟
ومو كل الشعب مقترض
ولا كل الشعب مع اسقاط القروض
المفروض تحترمون وجهة نظر المعارضين لكم
وانا ضد اسقاط ديون العراق واى دوله ثانيه
ولو يحصل لى الاقتراض ما افكر فيه تدرى ليش؟
لان عندى قناعه تامه بأن اكيف نفسى ومعيشتى
على رصيدى فقط
واما سالفة منطق ماكو
رايك وانت حر
ولا يعنينى او يهمنى بالضروره
انا اقدر اقولك نفس الكلام
لكنى احب اترفع عن بعض المفردات
استريحي بس ونظرتج الدونية للناس وتتحجين رافعة خشمج وتتكلمين عن الاخلاق والذرابة وانتي ماعندج ذوق اصلا في الاحساس في معاناة الاخرين ومعارضتج المكشوفة هذي النفسية خليها مع ربعج المتنفذين اللي يملكونج وحنا موظفين وشعب هذا الوطن العاملين في الحكومة احرار لانقبل ترهات مالكينك وترديدك لما يقولون عند كل مشروع فيه خير لهذا الشعب الوفي لارضه وقيادته وعاشت الكويت حرة ابية رغم انف كل متنفذ
مممممممم
خلاص دام عندج قناعه ومكيفه معيشتج
بس لاتحطين ببالج ان هالناس كلها سافرت وبذرت بالفلوس
احنا مانقيس الموضوع بهالشغلات التافهه
بس ليش لان الناس شرت سيايير وسافرت قلتي لا وانتي معيشه ومكيفه نفسج وقلتي ابي مثلكم
من قالج تحكرين روحج هذا معناتها انج مومحتاجه للقرض
انتي مبينه عليج بس تنطرين لمن يصير القرض ببلاش بتاخذين
تفكير عجيب
ماتدري في ناس احتاجت وهم اللي خذوا تضررروا بالفوايد ومو1 ولا 1000 واحد عليه قروض
شوفي جم واحد عليه ضبط واحضار شوفي التلاعب اللي صار
مو على أولج
هذا سافر وهذا شرا سياره مايصير ابي مثله
شهالتفكير انتوا ؟
اول شي شوفي شنو مشاكل القروض ذيج الساعه بيني لنا رايج
سواء ضد ولا مع
القروض اذا ماطاحت لازم تنحل المشكلة بأي شكل من الاشكال
حطي ببالج
ان في يوم من الايام الشعب الكويتي كله يرتاح من القروض عندج اعتراض ؟
اترفع عن الرد عليك
بالعربى احشم نفسى