السلام عليكم
العضو sankara
اولا هدوئك وثقتك بارايك جعلتني اتابعك جميع ردودك بهذا الموضوع وتاكدت انك تفوقت على العضو بشاركو والدليل انه في اخر المحادثات بدأ بالسب والهجوم عليك شخصيا وهذا بدراسه علميه يعني انه يعترف لك انه لايستطيع الرد عليك لانك كشفته فيحاول التظليل بالسب سواء هوسات او غيرها من الكلام الفارغ,,
انا بتكلم من رايي الشخصي الي يمثلني انا فقط .. عن الطرفين الحضر والبدو
بالنسبه لموضوعك عن البدو والحضر السنه كلام منتهي يعني يقولك هذولا اهل الكويت الاوليين ذولا اهل البحر ونشوف ونتعجب ان البدو اهم اساس الكويت وبعض العائلات الحضريه بل اجزم ان اغلب العوائل الحضريه الي يتكلمون عنها بدو ولاكن تحضرو مع التمدن وتقدم الحضارات,, وصارت الشماته صب قهوه وقوم ياولد اخدم عمك العود وخشمك وعلبالهم طنازه ولاكن هذي عادات وتقاليد وعلى قولت المثل الي ماله اول ماله تالي وكل هاذي عادات بدويه اصيله ليس للحضر فيها اي طرف,, انا لا اكره الحضر بل فيهم اخوتي بالدين واصدقائي ولاكن الحق يقال,, لم اكن اريد التعليق على ردودكم لاكن بعد ماشفت الاخ يتهجم عليك بالسب قلت نقول راينا حتى يعرف ان البدو تعلمو ان يذهبو الى الجامعات الاجنبيه المرتزقه ويشترون الشهاده العلميه بعد ماسبقوهم الحضر باميه سنه ومن هذا المنطلق تعلمو كثيرا ان ولد بطنها وولدنا ليس الا نتاج خاسر لايزيد عليهم جهلا ويزيدهم مكرا,,
الحين بتقولي البدو والبدو ,, اي نعم البدو فيهم غالبيه انا وولد عمي على الغريب يعني مصطلح جدا رخيص
لانك تتعب وتشقا وتلقى الاخ البدوي ياتي بابن عمومته الي يربطه النسب فقط بالاسم الاخير او بالفخذ ويسلب حقك عن طريق الواسطه واذا تكلمت قالك جيب واسطه هذا رجال عروقه بالماي,, عروقه بالماي وحقي وين اخذ حقي اروح حق العضو الي نفس قبيلتي واحب خشمه وانخاه يعني اترجاه بس بطريقه الفزعه عشان يرد لي حقي ولا ياخذ حق شخص اقل مني واسطه ويسلبه منه ,, وكثير من اصدقائي الحضر يقولون لي ليش انتو البدو جذي اقولهم لانك انتم اقوى مننا بالدوله واغلب المدراء حضر او بدو متحضرين يعني شغلك ماشي بس البدوي يحتاج واسطة عضو ,, يالين قمنا نسمح بمصطلحات عضو خدمات وصرنا نتاخذ ارخص اسلوب سياسي واهوا انجاز المعاملات ودفع المخالفات والتدخل في تدوير المدراء في القطاعات من اجل التكسب المصلحجي,, تعبنا من البدو تعبنا من الحضر ,, وبالطرفين تلقى اساليب قذره ونتنه وبالطرفين لو ابي اتكلم بقول كلام يعور قلبي وقلبكم
ولاكن تدرون متى افرح وينشرح صدري .. اذا شفت عضو حضري وبدوي مجتمعين وياحبذا لويكون شيعي معاهم ولاكن من المستحيلات على دين الله وشريعته وتوحيد الصفوف على قول كلمة الحق ولاكن
مسميات ليبرالي وغيره وبعض اخواني الحضر الي يقولك بدوي مايعرف الدين واخواني البدو يقولون ابواللحيه يبي يعلمنا الدين
كثر الفسق والحق راح يظهر شئم ام ابيتم واتمنى الشريعه الاسلاميه هي الي تحكم بييننا لان ليس بعد حكم الله سبحانه حكم عادل ولابعد سنة نبينا الكريم صلى الله عليه وسلم سنة طاهرة
واخيرا اقول اللهم ارنا الحق حق وارزقنا اتباعه وارنا الباطل باطل وارزقنا اجتنابه
واقول لاخواني هذي وجهة نظر قد اصيب واخطأ ولاكن اتكلم من واقع تجربتي بالحياه ولا اهمش طرف على طرف بل من الطرفين اناس اعزاء علي واخواني بالدين واحبهم بالله .. احبنا الله جميعا
والله يهدينا جميعا للحق وعلى نصر دينه وسنة نبيه المصطفى عليه الصلاه والسلام
والسلام مسك الختام
وينا ووين التركيز