سؤال للي زار سويسرا

[ابو عبدالرحمن العازمي]

مشكور اخوي احمداني خوش تقرير الحمدلله على السلامة

 

[صوتك يناديني]

وهقتني هههههههه ماعرف للكود لاني ولا مرة زرت اوروبا وماعرف طريقة الحجز بس ان شاءالله بشوف ربعي يعرفون بخليهم يحجزون لي مشكور اخوي على الافادة ويعطيك العافيه 

يا اخي حتى انا ماعرف شي كلش ادخل جوجل واحط اسم الشركه وافتح موقعها واتبع التعليمات واحجز الامر سهل

يعني تعبث

والكلمه الي ماتفهمها عندك جوجل يترجم مافي شي صعب

 

[البــــــــــارون]

اذا انت اول مره تروح اوروبا صعبه تسوق بالسياره .. مع العلم اني افضل انك تؤجر السياره من المطار وتطلع فيها على طول وتحجزها عن طريق الموقع مثل ماوضحولك الاخوان وانا انصحك بموقع يورب كار متوسط الاسعار مع التامين يتراوح مابين 15 دينار الى 20 باليوم

بالنسبه لمسار رحلتك

اذا سفرتك 10 ايام انا انصحك بالاتي وهذا خوش برنامج ..

انك تنزل من مطار جنيف وتسكن بجنيف اربع ليالي وتشوفلك فندق زين قريب من البحيره متوسط الاسعار تقريبا 50 دينار تزيد او تقل 10

اول يوم اتمشى في جنيف وتستكشفها وبالصيف عندهم مهرجانات حلوه

وترتب انطلاقاتك من جنيف عندك رحلات عن طريق الباخره موجوده في بحيره جنيف تروح وتجي بنفس اليوم تطلع مبجر الساعه الصبح الساعه 9 وتجي المغرب

مثلا ثاني يوم تروح من جنيف الى منطقه مونترو تقع على بحيره جنيف وتعتبر سحر الريفيرا السويسريه هاذي محطه مهمه واعتقد تعجبك فيها مطعم ايراني على البحيره عجيب ماراح تنسى اكله اذا تغديت فيه وترجع بنفس اليوم على الباخره ترجعك الى جنيف ساعه وربع تقريبا

وثالث يوم تروح الى لوزان هم بعد على البحيره وتقدر تروح بالقطار من جنيف ساعه وبالباخره ساعه ونص

ورابع يوم تروح الى منطقه اسمها انانسي بفرنسا على الحدود وتبعد عن جنيف ساعه بالسياره و40 دقيقه بالقطار من اجمل المناطق اللي زرتها وتعتبر مشابها الى منطقه زلمسي النمساويه وترجع بنفس اليوم

وبعدها تشد الرحال الى انترلاكن عاصمه سويسرا السياجيه وتسكن فيها اربع ليالي الفنادق شكثرها وحلوه اهم شي تحجز الفندق مع وجبه الافطار

انترلاكن تعتبر بالوسط ومنها تقدر تزور مناطق جلوه مثل بازل ولوغانو وتقدر تروح الى زيورخ توزع الايام على راحتك والشرح فيها يطول

انترلاكن راح تعجبك كلها بحيرات ومناظر طبيعيه خلابه وفيها رحلات وطلعات للجبال حلوه

واذا لغتك الانكليزيه حلوه تقدر تسأل الكونسيرج وهذا موجود بكل فندق تسكنه يرتبلك رحلات حلوه ويقولك عن اهم المعالم حسب ماتبي

بالنسبه الى ميزانيتك 2000 دينار غير التذاكر مخصومه منها 500 دينار سكن بالفنادق يصفالك 1500 دينار مصروف يعني 150 دينار باليوم اعتقد تكفيك وتزيد .. اصرف يورو وتعامل باليورو اللحين سعره نازل وحلو

واي استفسار حاضر

 

[ابو عبدالرحمن العازمي]

جزاك الله خير واشكرك على الرد المثري وتنظيمك للرحلات واضح عليه انه تنظيم جيد بس تصدق اني ترددت الغي سويسرا واروح باريس لاني الصراحة شفت تقارير كثيرة عن باريس وخصوصا بمنتدى العرب المسافرون والحين حدي متوهق ومحتااار ومتردد مادري وين اروح والمشكله اني بحجز التذاكر ب الايام هذي يعني لازم اتخذ قرار سريع تقدرون تفيدوني وراح اكون شاكر لكم

 

[ابو عبدالرحمن العازمي]

هههههه ادري بعضكم زعل وقال بعد هالاسئله كلها وتعبتنا وياك اخر شي بتغير الوجهه بس ما عليه اخواني سامحوني والله ترددت بين سويسرا وباريس

 

[البــــــــــارون]

هلا بوعبدالرحمن

عادي غير مسار الرحله وتصير الذهاب من الكويت الى باريس ... والعوده من جنيف الى الكويت

واقعد في باريس خمس ليالي يومين تمشي بالشانزليزيه مع التسوق

وثالث يوم تروح الديزني لاند روعه لازم تمرها ويبيلها يوم كامل

ورابع يوم تروح السفاري بارك او تزور قصر فرساي فيه خوش حديقه

وتقدر تطلع من باريس بالقطار الى جنيف بس بعيد تقريبا 6 ساعات طير بالطياره من باريس الى جنيف افضلك

وعندك احلى حق 5 ايام برنامج ثلاث ايام في جنيف ويومين في انترلاكن هالمنطقتين جنب بعض بينهم ساعتين بالسياره

وسلامتك اذا ماعجبك خط السير اعطيك حل ثاني

 

[ابو عبدالرحمن العازمي]

والله اخوي البارون ودي اروح باريس اربع ايام واروح انترلاكن اربع ايام او العكس وارجع الكويت لاني ما اتوقع. تكفيني الفين دينار تكفيني واذا باجر سيارة جم كيلو تقريبا من باريس الى انترلاكن

 

[صوتك يناديني]

والله اخوي البارون ودي اروح باريس اربع ايام واروح انترلاكن اربع ايام او العكس وارجع الكويت لاني ما اتوقع. تكفيني الفين دينار تكفيني واذا باجر سيارة جم كيلو تقريبا من باريس الى انترلاكن

اذا بتاجر سيارة احسب حسابك بياخذون منك ضريبه التسليم بدوله اخرى

دش النت وحط بالموقع انك يتسلم وين وبتسلم وين ويطلع لك السعر واحسن لك خذ توماتيك وديزل

 

[ابو عبدالرحمن العازمي]

زين لو الغي سويسرا واروح باريس عشر ايام وارجع مو جنها احسن ؟؟ محتاج رايكم

 

[البــــــــــارون]

والله اخوي البارون ودي اروح باريس اربع ايام واروح انترلاكن اربع ايام او العكس وارجع الكويت لاني ما اتوقع. تكفيني الفين دينار تكفيني واذا باجر سيارة جم كيلو تقريبا من باريس الى انترلاكن

اذا سفرتك 8 ايام فلوسك تكفيك وتزيد ... لا وبعد تشتري هدايا

يعني باليوم تصرف 220 دينار انت والمدام .. يعني 500 يورو تسويلك اللي تبي

وبعدين مايحتاج تسوق سياره الا في انترلاكن ... باريس مايحتاج تاجر سياره لانها زحمه والسواقه فيها صعبه وكل شي متوفر عندك تقدر مشي وبالتكاسي وقطارات (اندرقراوند )

واذا بتسافر من باريس الى انترلاكن سهله جدا تطلع من مطار شارلي ديغول الفرنسي

وتنزل في مطار زيورخ بسويسرا يبعد عن انترلاكن ساعه تقريبا تطلع عليك التذكره 40 دينار تقريبا ومده الرحله ساعه بالطياره اذا مو اقل

هاذي الرحله تقص تذكرتها اون لاين على النت على طيران الخاص باوربا الداخلي نفس طيران الايزي جت .. واير برلين والام بي اي وفي شركات طيران واجد والرحلات يوميه ماراح اتضايق

اذا وصلت زيورخ اجر لك سياره اربع ايام ورتب عودتك للكويت من زيورخ او من جنيف

وسلامتك

 

[البــــــــــارون]

زين لو الغي سويسرا واروح باريس عشر ايام وارجع مو جنها احسن ؟؟ محتاج رايكم

باريس واجد عليها 10 ايام ... 5 ايام تكفي وممكن تملها وعلى حسب روتينك

انصحك تقسم رحلتك وتغير روح ليون او كان او نيس

 

[ابو عبدالرحمن العازمي]

الله يجزاك خير اخوي البارون بس اذا فرنسا فيها اماكن طبيعه وبحيرات ومناظر طبيعيه حلوه يعني ما يحتاج اروح لسويسرا اقعد بفرنسا وافتر كل يوم بمكان يعني اذا في مناطق قريبه تبعد ساعه اواكثر او اقل بقليل اشوف احسن من سويسرا والله اعلم لاني مازرت اوروبا ولا مرة ...سفراتي كلها لبلدان عربية وشرق اسيا ..
بحاول اسوي بحث بالمنتديات عن فرنسا والله يعين ...واذا تقدر تفيدني عن فرنسا والاماكن السياحيه فيها وتكاليفها راح اكون شاكرلك ...




اسف اذا تعبتك وياي

:وردة:

 

[أحمداني]

من باريس إلي إنسي,شامونيه..إفيان وحتي جنيف 6 ساعات بسياره هذه أفضل قرى يوجد بها طبيعه في فرنسا

نصيحتي لك..إنترلاكن ثلاث أيام..لوقانو يومين..ميلان يومين ومن ثم جنيف أربع أيام ويتم فيها زيارة الريف الفرنسي

باريس ثلاث أيام تكفي لها..ولو أني ما أشجعك على زيارتها

 

[ابو عبدالرحمن العازمي]

من باريس إلي إنسي,شامونيه..إفيان وحتي جنيف 6 ساعات بسياره هذه أفضل قرى يوجد بها طبيعه في فرنسا

نصيحتي لك..إنترلاكن ثلاث أيام..لوقانو يومين..ميلان يومين ومن ثم جنيف أربع أيام ويتم فيها زيارة الريف الفرنسي

باريس ثلاث أيام تكفي لها..ولو أني ما أشجعك على زيارتها

افاااا ليش ما تشجعني على زيارتها توني افتريت بالمنتديات وخصوصا منتدى العرب المسافرون وفادني حيييل عن باريس طلعت حلوه وودي اقعد فيها ع الاقل اسبوع او 8 ايام

 

[ابو عبدالرحمن العازمي]

شباب توني قعدت مع رفيجي وشافلي الاسعار كلها يعني 8 ايام بباريس تكلف تقريبا الفندق 600 دينار وايجار السياره مع البنزين والتامين كله 300 دينار يعني تتوقعون 1100 دينار تكفيني 8 ايام مع تسوق بسيط جدا جدا انا حسبت الالف ومئة دينار يساوي باليورو تقريبا 3 الاف يورو تقريبا لو اقسمها على 8 ايام يطلع مصروفي اليومي تقريبا 375 يورو تتوقعون كافي ؟

ساعدوني .

 

[بوراس]

بوعبدالرحمن
سفرتك اختربت بسبب تشتت الافكار
ركز على دوله واحده
باريس انا رحت لها مدينه كبيره وماتصلح السياقه فيها بسبب الزحمه وعدم وجود المواقف
اذا كنت تحب الطبيعه فباريس ماتنفعك خاصه بالصيف

 

[ابو عبدالرحمن العازمي]

هلا اخوي بو راس انا خلاص قررت اني بروح باريس 8 ايام وبرجع واذا مصروفي باليوم 350 يورو تتوقع زين

 

[عبدالله .]

بوعبدالرجمن نصيحة
مدتك قصيرة فلاتشتت عمرك وتجهد نفسك
ويكون الهدف الكم مو الكيف
ركز على مكان واحد بالكثير اثنين واذا استقريت في باريس لاتأجر سيارة
ونصيحتي لك لو بخاطرك تزيد مدينة على باريس
انك تروح بالقطار لستراسبورغ وهي مدينة فرنسية على الحدود الالمانية ماتدشها السيارات
ومنها تروح ليوربارك في المانيا والمسافه بينهم ٣٠ دقيقة تقريبا

 

[ابو عبدالرحمن العازمي]

هلا اخوي عبدالله مثل ما قلت انا ان شاءالله بقعد بباريس 8 ايام وطبعا بفتر بالمناطق المجاورة بس السؤال الاهم واللي محد جاوبني عليه هل 350 يورو. كمصروف يومي كافي ؟؟ طبعا غير السكن

 

[BoYoOsF]

اخوى ابو عبدالرحمن اذا تبي نصيحه اخ بحط لك برنامج حلو اذا عشر ايام
عشر ايام قاعد انصحك بدوله لوكسمبورغ دوله صغيرة وحلوة للتمشي يكفيها يوم بس
تبعد عن باريس تقريبا اربع ساعات سياره جربها وشوف
وانا انصحك تستاجر سياره من الكويت من شركه يورب كار اتوقع بهونداي مكتبهم وبالنسبه لباريس لاتسوق فيها السياره طرقها معقده والسائقين ما يراعون المرور بالسياقه وترى باريس مو على سمعتها الشانز وبرج ايفيل ومتحفهم الباقي مافيه شئ يستاهل
لكن انصحك بلوكسمبورغ وبلجيكا حلوة بعد
وتروح وترد بالسلامه