قاطعوا .. قاطعوا .. قاطعوا .. الى متى ؟

[بصام]

اخواننا الله يهديهم بالصاعدة والنازلة يقولون قاطعوا طيب اذا قاطعنا شلون نعيش ؟
مثلا طلعت شركة فاستلكو بكره لمحمود حيدر او للخرافي او لعلي الخليفه شسوي ؟
على فكره شركات النت بالكويت كلها ماتخلى من هالتجار اللي ماتحبونهم
شرايكم نقاطعهم ؟ ومانشبك ؟ وماندش الشبكة الوطنيه ؟
قول لي قاطع حليب كي دي دي بقاطعه واشرب حليب المراعي لان فيه منتج نفس الجوده
يعني الواحد ينصح ويقول قاطعوا ويجيب بديل يبيض الوجه ويفي بالغرض
بس كذا يعني قاطع وبس ؟ مايصحش

ويجب ان تكون للمقاطعه خطة كخطة رمي صناديق الوطن في الزبالة
وتكون منظمه يعني الحين انا خطي زين وودي احذفه بس شسوي ؟ الكل يعرفه من 8 سنين ؟
المفروض بهالنقطه نطالب الحكومة في تطبيق نقل الرقم من شركة لأخرى
اولا لتكسير راس زين ولتتسابق شركات الاتصالات الى
الافضل
والاجمل
والاكمل

 

[العيون الساهيه]

المساله يبيلها تضحيه

لم نحدد المقاطعه الا بسبب عدم وجود وسيله اخرى

 

[بصام]

ما اقول لا تقاطعون .. قاطعوا
وانا اول من يقاطع .. لكن ماهو البديل ؟
وكيف نقاطع اساساً ؟

 

[أبي محمد العيباني]

من ترك شيئا لله عوضه الله خير منه

بارك الله فيك اخوي

 

[ولد عطا]

أذكر يوم مقاطعت الطمام كان واحد من الربع من الي أزعجونا في المقاطع لقيته في الكوت شاري طمام ويليت 1 لا 4 كراتين فلين كبير قلت ليش أنت مومع المقاطعه قال ياعمي كلام نت شدعوه مصدق خخخخخخخ