معاناة أهل الحلال من البل والغنم في الكويت

[مـطيري حـر]

الانسان مو ماخذ حقه بالبلد وانت تجي تطالب حق التيوس ...
مشكور على المقال

الانسان مو ماخذ حقه من اختياركم لنواب اللي طايح حظهم
واحنا نطالب مثل ما اهل الغوص والبحر يطالبون
واظن هذا حق من حقوقنا
وماطالبنا الا بحقوقنا

 

[اسد السنة ( محمد بن هايف)]

يا اخوان سبب ارتفاع الاضاحي هالقرارات التعسفية من قبل المسؤولين ، بعد وضع المحميات في كل مكان في الكويت ، ومنع المخيمات بعد شهر اربعه ، ووارتفاع اسعار الاعلاف ، وهجرة اهل الحلال الى السعودية بسبب ذلك ، ارتفعت سعر الاضاحي قبل الضحيه 40 - 50 دينار ، وصلت قبل وقت عيد الاضحى 110 دينار واكثر من ذلك ، اتقوا الله في الناس ذوي الدخل المحدود ، بعد 5 سنوات راح توصل 500 دينار ، راح تشتري الضحيه بالاقساط ، هذا والله اعلم بذلك ، ونسأل الله العفو والسلامة ............

 

[مـطيري حـر]

بالعربي القياده ماتبي ثروه حيوانيه ​

تدري ليه ؟​

عشان ربعهم أهل شركات المواشي يسترزقون​

هذا بلى أبوك ياعقاب
أه بس

 

[بــوفهــد]

للاسف حكومة تلعب سياسة لوي ذراع بــ قوت المواطـــــــن بلغ السيل الزبا يا ناصر المحمد

بسم الله الرحمن الرحيم
يا اخوان فيه ناس تحسب طلب دعم الشعير .. مافيه فايدة وانه للبهايم ومن هالامور


الموضوع طويل وكبير .. واخاف تملون بس الشكوة لله مظطر اتكلم وافصل

اللي صاير يا جماعة .. ان غلاء الشعير له هدفين

الاول سرقه للمال العـــــآم مستمرة من زمان ومحد منتبه لها .. والسبب اللي يتعاملون معاها اهل حلال (غنــم - وابــل )... وللاسف ان اغلبيتهم كبار بالسن ..والاغلبيه اميون وعندهم ان الحكومة .. ماتغلط ..ومافيها حراميه...



والهدف الثاني مساومات سياسية وضغوط على نواب القبايل .. وبالاخص ان اللي معورين راس الحكومه منهم ..

ومافيه الا هالطريقة لتحريــك شيبان هالقبايل على النواب.

=-=-=-=-=-=-=-=-=-=-=--=---


الســــــرقــه : ولها عدت طرق

اولا :سرقات كبيرة من روس كبار .. من الشركة (اللي هي شركة مملوكة للشعب بالكامل ..يعني حكومية).


سعر طن الشعير بالبورصه العالميه لشهر مارس 3 = 200 دولار تقريبا 60 دينار يعني الكيس زنة 50 كيلو 2 دينارين تقريبا.

اذا قيمة الدعم 1 دينار يجب ان يكون سعر الكيس للمربي 1 دينار واحد فقط

اذا افترضنا قيمة النقل والتغليف والتسليم 500 فلس نقول سعره النهائي 1500 دينار ونص


اللي تسويه الشركة تقول ان سعره الكيس واصل جاهز للتسليم5,390 خمس دنانير وثلاث ميه وتسعين فلس.

ودينار دعم تبيعه لاصحاب الكروت والمربين 4.390 فلس .

3,890 ثلاث دنانير وثمانمئة وتسعين فلس ... بوق سرقة حرمنة من جيوب المواطنين.

فيه ناس تقول شنو يستفيدون دام الشركة مملوكة للدولة بالكامل ؟؟؟

الجواب .. يكمن بالبونص اللي ياخذونه مجلس الادارة والموظفين الكبار

اللي يتعدى مئات الالوف كل ما زادت الارباح كل مازاد البونص.. اذا رئيس الشركة يوصل بونصه 250,000 الف دينار بالسنه!!!!!!!!!


وسرقات متوسطة من شركات خاصة لها دعم من هيئة الزراعه (طبعا ما يستحقون دعم لانها بالواسطات تحصل على كميات اعلاف مدعومة)

الشركات هذي الاغلبية طبعا .. توجه هالاعلاف للسوق السودة .. طبعا تبيعه على المربين بارخص من سعر شركة المطاحن وهذا اللي يخلي المربين يقبلون عليها .

وتدخل شهريا من 2 الى 3 مليون دينار .. طبعا هالمبلغ طالع من الدعم اللي اساسا موجه للمربين لدعم الثروة الحيوانيه.. وغير محسوب من الميزانية السنويه للشركات يعني ارباح مهوله .




وسرقات اصغر من ضعاف النفوس مواطنين .. منهم من يسجل وياخذ كرت للعلف .. عشان يحصل على جاخور .. وطبعا لا يملك ولا راس غنم .. فيبيع الكرت لواحد اهوازي ولا بنغالي.


وهذي الطريقة عارفينها اهل الحلال والمربين ..واللي يبون جواخير ومافيه داعي اشرحها .


وطبعا فيه مافيات وطرق كثيره لسرقت هالدعم اللي يروح ما استفاد منه اهل الحلال المربين.

ولطول الموضوع اكتفي باللي ذكرت عن السرقات.



=-=-=-=-=----===--==

نجي للظغط على النواب .....

مايخفا عليكم ان اغلب الشيبان ماهم يم السياسة

ويصوتون بالانتخابات ...وهذا وجه الضيف...

لكن لما يروح مصروف عيالهم وقوتهم ومعاشاتهم ...على الاعلاف .. ويحسون بالغلاا اكل رواتبهم

على طول يشرشحون النائب ويطالبونه بالتدخل ... ويعاتبونه على مواقفه اللي معاديه لمواقف الحكومة ..ماعليهم ان كان كلامه صحيح او لا ... لازم تصلح علاقتك مع الحكومة ..وتطلبها تزيد الدعم ..هذا والا ... نشيلك من الكرسي ... ونحلف على عيالنا ما يصوتون لك ....

فيضطر النائب الهمام للطلب من الحكومة .. والحكومة ما تقصر تلبي طلبه مع دعايه له ..(طبعا للنائب البصام) وضمان كم كبير من الاصوات له..

=-=-=---=-=-=-=-=-=-=-

نجي للمربين اصحاب الحلال اخوانه واهلنا

المفروض مانلومهم لما يطالبون بالدعم والفزعه معاهم ...تخيلوا ياجماعه انه يضطر يصرف من راتب عياله ومصروفهم على الشعير .

لما يطالب بالدعم قاعد يطالب بالحفاظ على راتب عياله .....

واخيرا اسف على الاطاله

والله يكون بعونهم

وبأذن الله بجيب رابط لاسعار البورصه للمحاصيل الزراعيه والشعير لشهر مارس واحطه بالموضوع​

 

[مـطيري حـر]

أبشركم يا اخوان
أمير البلاد المفدي الشيخ صباح الاحمد الجابر الصباح اطال الله في عمره
دعم الاعلاف بـ 18 مليون قبل شوي على قناة الراي
لله درك
ياطويل العمر
تتلمس جراح ومصاعب ابنائك المواطنين وتعطف عليهم
اشهد بالله انك طيب قلب ورحوم على عيالك
الله يحفظك لنا

 

[واعمراه]

ارحل ياخي ارحل

رحم الله والديك ارحل

تعبنا وحنا نقول ارحل

تعبت الكويت وهي تقول ارحل

الكل يبيك ترحل

الا ايران واذنابها

 

[أهل الردات]

مكان الابل الصحيح هو الصحراء وبعيد عن المنشات المدنيه والعسكريه والنفطيه
والطرق والمصانع
اما انك تترك الابل مع البنغالي ويسرح فيهن وانت ما ادرى عنهن هذا مايصير
وانتم يا اهل الحلال سبب فى تصحر الكويت واختفاء انواع الاعشاب والنباتات واابلكم تأكل الخضر واليابس ! وانتم تجمعون العرفج والارطه وتشبونها لكم شبوب !!!!
شنو استفاد المجتمع منكم !!! لا حليب نياق نشرب منكم ولا لحم ابل تبيعون للسوق !
واذا بعتم شئ اكيد اسعاركم غاليه وما تغطي السوق
يعنى بالعربي انتم عاله على المجتمع وتسببون حوادث للمواطنين
والمشكله ان بعضكم حاط له كم بعير ويهايط فيهم عند ربعه ومسوى نفسه راعي حلال
اذا نت مو قد علف الابل شلك فيهم اترك الابل لصحابه وحط لك كم دجاجه وديك وعلفهم على قد حالك
حرام تحط لك أبل وتجوعهم بسبب ان ماعندك فلوس او ان العلف غالي

الدجاج عشان تعلف ( كلابك ) الله يكرم السامع ​

وأذا تبى حليب نياق أبشر بس أخاف عليك منه ​

 

[dr_chart]

شنو استفاد المواطن من المحميات ............ممنوع الدخول لها ............(وام ماجد الله يطول بعمرها) ماتدري عنها الا اول السنه ....تجهز المخيم في شهرين .... وتجيب لها كم غزال من الشيط مزرعة البابطين ... ...لا واكثرها ذكور ...........وكم ارنب ...وكم حية ام جنيب ....اللي يقول المحميه مافيها ديبان وعقارب .........على كم حبارى ....وطير .. يحسبون انها بتقعد لهم..بالمحميه ...وبتعيش فيها .......مايدرون ان العالم ناطرينهم ورا الشبط يصيدون حباريهم...............