موظفين الصحه ونقابة النوم بالعسل؟؟؟

[الهارون]

السلام عليكم
سؤال موجه إلي كل موظف اداري في وزارة الصحه إلي متى ونقابه نايمه بالعسل لاتهش ولاتنش ولاتحس ولاتنتخي ولاتستحي
صارنا قروووون ماعندنا ولا كادر ولا بدل معدا بدل شاشه صارلها سنتين فقط؟؟؟؟ هل يعقل ؟؟؟ موظف حاله حال الدكتور وحال حال الصيدلي الجميع لهم بدلات معدا الموظف الاداري من هذا المكان اطالب جميع موظفين الصحه الادلاء في ارائهم وخاصه ضد هذه النقابه التعيسه اللي تمشي مع كيف الوكيل والوزير وتمشي شغلها بس والباقي بالطقاق نقابه لاطالب في اي بدل للموظفين فقط تعمل رحلاات حق رئيس النقابه وتدوير بينهم يسون قرعه وكل سنه نفس المجموع يوزعون المناصب وننتظر ردووود الموظفين ......

 

[الحارث بن عباد]

كلامك صحيح اخوي....ولكن اتمني عدم الاتكال علي النقابة فقط ....لانها مثل

ماقلت نايمة في العسل مع انها تعتبر من اقدم النقابات مو بالكويت بس يمكن

في الخليج ....لانها معترف فيها من الستينات....اتمني التحرك يكون من

الموظفين نفسهم ...ياجماعة حنا اكثر عدد موظفين في جميع وزاراة الكويت

علي ماا اعتقد ومعا هذا مهضومه حقوقنا...يجب الضغط علي الديوان لتعديل

رواتبنا....انا موظف صارلي 15 سنة وماعندي غير بدل الشاشة إلي اقروه من

سنتين تقريبا.
​

 

[النوفي]

ما فيه احد ينافسهم ويسجل

ربعنا ما يبون الدوام مالهم خلق

80 بالميه من موظفين الصحه مالهم خلق دوام

جمع الموظفين كلهم ونسجل كلنا بيوم واحد بالنقابه ونقلب عليهم


انت عارفهم من هم اللي بالنقابه اكيد واحد واحد

صارلي سنه تكفون سجلوا بالنقابه
يالله يالله ولا فيه فايده


​

 

[كلمة في فم الوطن]

فعلا نقابه تعيسه ومالها أي دور !!!!

موظفي الصحه الذين يتعاملون مباشرة مع المراجعين معرضين للعدوى بالأمراض
لماذا لا يكون هناك بدل عدوى ؟؟

 

[شـاعري]

والله لو انا منكم لا اسوي اعتصام يوم كامل

بس مع احترامي للبعض منكم جباااان تدرون ليش ؟؟

لان البنغاليين سووا اعتصام بالصحة وانتوا ما قدرتوا تسوون

ولا انا غلطان

مره دخلت مستوصف ولا ماكو بنغاليين واسأل قالوا مسويين اعتصام

خلوكم على قلب واحد ولو مطقه وحدة تسوي اعتصام صدقوني يوصل صوتكم

اول شي التنبيه للمنطقة الصحية بأننا بتلبية مطالبنا او سنقوم في يوم محدد بالاعتصام لمدة ساعتين وقت العمل ,,

بعد ذلك ان لم ينفع التهديد بالاعتصام يوم كامل عن العمل

​

 

[الهارون]

النقابه حاطه قوانين بكيفهم يقول لازم عندك دورة نقابيه وتكون عن طريقة نقابة الصحه واظاهرلازم بمصر تكون شوف النصب شلون صار اتمنى جمع طواقيع الموظفين وقلب الطاوله علي النقابه ومن فيها لئنها متواطئه مع الوزاره .... ويكون فيه اعتصام لكي يدرون الوزاره والنقابه ان الاعتماد لاعلي النقابه ويكون تعطيل لجميع المراجعين لئن الموظف الاداري هو عصب العمل في المستشفيات والمراكز الصحيه علي الاقل اعتصام ساعه وشوفو شلون يتوقف العمل وتصير حوسه بالوزاره ومشاكل من المراجعين لكي يعرفون شلون الموظف يستقبل المشاكل من المراجعين ويدرون ماهو دور الموظف في عمله مو بس فالحين يشيكون علي البصمه شغاله او مو شغاله

 

[كويتي وأحب السعوديه]

عط زياده وشوف الدوام ياحبيبى

 

[mohammed_ab]

جمعية الاداريين العاملين بوزارة الصحه

السلام عليكم ورحمت اللة وبركاته

اخواني ،،،، انا اظم صوتي معاكم علي انه هذي النقابه ميته من فتره طويله والدليل علي هذل الشي عدم التحرك باي مطلب للموظفين الاداريين بالوزاره.

حاولت انا شخصيا الذهاب الي مقر النقابه ومحاوله فهم طبيعة الانضمام الي النقابه بس انصدمت من الشروط التعجيزيه اللي حاطينها وطلعت وما عجبني الكلام مع رئيس النقابه اللي في ميدان حولي،، وتوجهت الي السكرتير لاخذ ورقه الشروط للانضمام تفاجئة برئيس النقابه يتوجه الي السكرتير ويعنفه بكل قوة علي شان ما اخذ اي ورقه منهم.

اخواني،،،، انا صارلي اكثر من جم شهر اسوي حملة توقيعات من الموظفين الاداريين لانشاء جمعيه الاداريين العاملين بوزارة الصحه مو بس الوزارة بل كافة المناطق الصحيه بالكويت وعلي ان تكون الحامي الحقيقي للموظفين الاداريين وان تكون بالانتخاب وهذا هو المطلوب. ولي يحب المساعدة ارجوا يحط مقر عمله وانا ازوره وافهمه عمل الجمعية

اخواني،،،،، رئيس النقابه كل سنه عنده سفرات لكل انحاء العالم مع اعضاء النقابه من اموال النقابه وهي بالاصل من استقطاعات الموظفين الشهريه اما الموفظفين فلهم السفر الي مكة واداء فريضة العمرة فقط واللي مو مصدق يذهب الي مقر النقابه ويشوف الصور الشخصيه لرئيس النقابه وهو علي سور الصين.

اسمحولي طولت عليكم بس انا حبيت افهمكم الوضع الحالي للنقابه اللي ما تهش ولا تنش باي شي

 

[ملسون1]

نقابه ولدة ميته منذ اكثر من 20 سنه لم اسمع لها صوت و مجلس ادارتها ليسو نقابيين وابعد ما يكونون عن العمل النقابي

 

[الهارون]

نقابة الحراميه :>

 

[مجرد انسان]

اللي يبي يسمع كلمتة لوزارة الصحة لازم يجمع تواقيع تواقيع جميع الاداريين
فيه اكثر من 8000 اداري بالصحة لو اي شخص يقوم ويتطوع ويجمع 3000 توقيع بيقلب على النقابة ولا راح يرد عليهم ويروح لاي من الاعضاء ويسوي اعتصام واضراب عن العمل
شنو المشكلة لو كل اداري يقوم باخذ طبية او يوم عرضي اعتراضا على تعامل وزارة الصحة مع الموظفين الاداريين ​

 

[الهارون]

الموضوع لرفع