الله يهون عليك يا أختي
والله يرحمه هاذي حال الدنيا ، لا تعدين نفسج بروحج تعانين
صدقيني أغلب اللي حواليك عندهم مشاكل من فراق الأحبه
يمكن لأنك انتي حساسة وحنونه زياده عن اللزوم
علشان جذي قاعد يحصل معاج هالشئ
أختي الفاضلة : الرسول صلى الله عليه وآله وسلم ماتوا كل عياله في حياته
وهو الأب الحنون صاحب أطهر قلب ( القاسم - عبدالله - ابراهيم - زينب - ام كلثوم - رقية ) ما بقى له غير فاطمه رضي الله عنها وطلع على الدنيا وماشاف ابوه
وماتت امه في طريق السفر وهو صغير
وكثير من الأصحاب والآل صار فيهم هالشيء ، هذا ابتلاء وعلى قدر صبرك راح الله يثيبك
الحل :
- ياريت تبعدين كل صور المرحوم من امامك أدري صعب بس لازم من كل مكان ، الموبايل ، اذا معلقه له صوره ، صور البوم الخ ... ابعديهم أو وديهم مكان بعيد ..
وهذا الكلام حصل معاي شخصيا وسبحان الله كنت اتأثر لي ما اشوف الصور
الصور خلتني عايش في حزن
لكن بعد ما سمعت كلام أحد العلماء الأفاضل لي ما اسالوه عن الصور للذكرى
قال ان هذه الصور ماراح تجيب لكم إلا الحزن لأنكم راح تتذكرون اشخاص ولحضات مرت عليكم فنصيحتي لا تحتفضون فيها ..
والله فعلا كلامه صحيح وهذا بالتجربة ، ومو بس الصور .. أي شيء يذكرك فيه حاولي تبعدينه عنك
وانظري للمستقبل بتفائل وهاذي اقدار الله ما تدرين الصالح وين
وعسا ربي ان يفرج عليج وايسر أمورك