سؤال وجواب تلفون انسرق

[افهمك]

سـلأم عليكم


ياجماعة الخير

تلفون ولدي أنسرق

والتلفون كان موضوع في الدوانية وشاك بالخدم او السايق

ومأبي اظلم احد

فيه طريقة اقدر اطلع مكان التلفون ؟

ويعطيكم العافية :وردة:

 

[.. عصآمية *]

عندك علبة التلفون ؟

خذها و روح للمخفر و بلغ عن السرقة ،'

 

[افهمك]

اي نعم عندي

..

يقدرون يجيبونه ؟ يعني


ويعطيج ألعافية

 

[ليله ويوم]

احذرك​

احذر تظلم احد من الخدم وهو بريء​

ترى الظلم شييييييييييييييييين والمظلوم لو كان هندوسي ربك يوقف معاه​

الى ان ياخذ حقه منك ​

دور الجهاز على راحتك واكثر السؤال على الخدم عنه وقولهم يدورونه​

معاك​

والله يعين​

 

[وطني الكويت لاعدمناك]

مره صارت معاي وقلت للمستخدمه اذا لقيتي تلفووني لج 5 دنانير وكنت والله اردد من دعاء

( اللهم اجمعني مع ضالتي واكثر الاستغفار وخل الولد الله يحفظه يردد هالدعااء ) والله ماطولت لقيته على الرف اللي كل يوم نمسحه ومانحط عليه الا المفاتيح ؟؟؟؟

الله يجمعك مع ضالتك يارب

 

[افهمك]

يعطيكم العافية ع المرور

وانشاء الله مانظلم احد

جسيت نبض الهندي

وكان خايف ومبين مرتبك

وقلت بجيب المخفر يطلعون مكان التلفون

وقالي : نفر يشتغل داخل بيت مستحيل يسرق شي

محتار

 

[حمد-الراشد]

شنو نوع التلفون

 

[افهمك]

بلاك بيري
تورج

 

[عامر بن صعصعة]

قول راح اعطي فلوس حق الذي يلقي الجهاز + هديه

وانشاء الله واحد يلقي

 

[Q8 1]

اخوى ارسلت لك الحل على الخاص
تعفينى والاخوان ما اقدر اشرحها ممكن يستقلونها ضغاف النفوس
الامر سهل​

بتوفيق​