خل حزنك يسولف .. واذكر الله .. ونام

[عاقل ومجنون]

توّك اللحين تدري فالهوى .. والهيام ؟!
يوم جفّت - من طعونك - .. دموع الجفون !!

جاي تشكي لي همومك وقلّ المنام
تحسب إنّك إلين اللحين .. خل .. وتمون ؟!

جاي (بأصدق بدايه) .. وأنته .. (أكذب ختام)
تحسب إن الخيانه .. من تعدي .. تهون ؟!

من سهر يا (سهيري) .. لا يخاف الظلام
ومن طعن يا (غريمي) .. لا يهاب الطعون

من متى و(الجريح) يطيب عقب (الكلام) ؟!
من متى و(العيون) تحبّ (دمع العيون) ؟!

كفّ دمعك ؟! ترا توّي بديت الملام ..
يا خي بدري على الدمعات .. توهم يجون !!

لا تسولف .. ترا الفرقا تهد العظام
لا تسولف تراني صدق .. صدق امغبون

خل حزنك يسولف .. واذكر الله .. ونام
وحطّ راسك على صدر (الفراق الحنون)

وان صدفت (الهوى) قلّه : (عليك السلام)
وان صدفت (الحزن) قلّه : (عساها تهون)

انت ضيعتني عقب الجفا .. والخصام
وانت علمتني كيف الخيانه .. تكون

منت قد المسامح .. والوفا .. والغرام
أنت واجد عليك .. (تحب .. يوم .. وتخون) !!
​

لشاعر صلاح العرجانى .

 

[رُبـّـمــا]

الله على هذا التأنيب اللذيذ ..








إنه قدْر كُل كذاب مُدّعي للحب !​

 

[عاقل ومجنون]

ربما


الف شكر على المرور الكريم .