قرأتها في الساحات فأعجبتنـي ....نقلتها لكم يمكــن تكــون مرت عليكــم 
قانون الاصطفاف:
إذا صاف في طابور بطيء وقمت غيرته، الصف اللي غيرته فجأة يصير يمشي أسرع من اللي انت الحين فيه!!
قانون الموبايل:
عمرك ما تتصل على رقم غلط ويطلع مشغول!!
قانون التصليح:
بعد ما يديــنـك ينترسون من زيت الماكينة ، خشمك يبدأ يحك!!
قانون المعدات:
إذا طاح من يدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه!!
قانون الأعذار:
إذا تأخرت عن الدوام وقلت لرئيسك إن كان عندك بنشر في التاير، اليوم اللي بعده التايريبنشر!!
قانون المغطس:
بعد وضع جسمك في الماء، يبدأ الموبايل يرررررن وما يسكت!!
قانون الالكترونيات:
إذا أخذت جهاز عند مصلح تبي توريه انه ما يشتغل، حزتها يشتغل أحلى كلام!!
قانون السينما:
اللي حاجزين كراسي في النص لازم يجون آخر ناس ويدوسون على رجولك!!
قانون القهوة:
أول ماتجيب لك كاس قهوة ساخن، يجي رئيسك ويعطيك شغلة ما تخلص الا لما تبرد قهوتك!!
قانون المصادفات:
إذا كنت متبهدل وماتبي حد يشوفك معهم، فجأة كل اللي تعرفهم يطلعون من كل مكان!!
