مواطنات سعوديات يرفعن كتاب إلي الملك عبدالله لمعارضتهن لقيادة المراة السيارة

[شجون الكويت]

في صحاري السعودية المرأة لها دور كبير في قيادة التنكر واللوري والوانيت ويعتمد عليها زوجها في (الّشديد ) اي الترحال بينما نساء الرياض وجدة المثقفات يمنعن من قيادة السيارة فاي تخلف هذا ؟؟؟[/QUOTE]


كلام واقعي مليون بالمية .. الكل يعرف هالشي ...شنو المشكلة في قيادة السياره ومن حرم قيادة السياره انسان متخلف وعقله مغلق بالشمع الحمر .. شكو السياره بالشرع اساسا .. المرأه تخرج للعمل وتخالط الرجال والسوق سبهلله واختلاط .. الرجال والنساء في كل مكان .. المرأه السعودية حالها متنقاض الدوله تسمح لها بالعمل والخروج والسياره لأ .. ماعندهم سالفه صج ..

 

[2030A]

المضحك في الأمر .. أن من يناقشن في قيادة السياره هن غير السعوديات !!!!!
الأخوات متحمسات وكأن رأيهن ذو أهمية بالنسبة لنا ....
عزيزتي انتي وهيه .. هل تتخيلين نفسك وانتي تحاولين إقناع جارتكي مثلا بلبس فستان معين وتستذبخين في إقناعها !!!!

السائق الذي يخدمني بمالي ... وليس من مال احد منكم فهونوا عللى أنفسكم
وانا كنت وسأظل ملكه متوجه لا أتكفل حتى عناء فتح باب السياره
لم يناقشكم احد في سياقة نسائكم للسياره .. ولا بجلوسها عند عجلات سيارتها المبنشره.. ولا لخدمتهاالمسكينه ليل نهار على ظهر سيارتها
اعتقد ان الحل الامثل لنا ولكم استقدام سائقات نساء من البلاد التي تسمح بقيادة المرأه للسياره بدلا من الباكستاني والبنقالي ..ونكون بذلك ارضيناكم ورضينا . ويابختً من نفع واستنفع
تحياتي لكل الفضوليين

 

 

[شجون الكويت]

كاندلا !!
يعني السايق عندج يفتحلج باب السياره !! ماشاءالله !! ما تبين تسوقين سياره !! خاف صج بس !! بس يسمحولك اول وحده بتسوقين او بتبجين علشان تسوقين ... بس إلي ما يطول العنب يقول حامض يا ملكه !! حتى السياره الممنوع تسوقينها من مالك مو من مال الناس .. ... لكن مجبر اخاك لا بطل .... رأينا ليس ذا اهمية لكن لا احد يمنعنا من ابداء الرأي .. شكو الفضول بالموضوع !! هذا منتدا مو بيت ... ولا مره بنشرت سيارتي وقعدت انطر عند عجلاتها بدقايق يتغير ويتعطر بعد.. الله يخلي الأخوان والبنجرجية تدقين يجونك بثواني ... السياره استقلاليه ومتعه بعد .. . اشعرفك فيها ...

 

[2030A]

فعلا اللي مايطول العنب حامض عنه يقول

 

[شجون الكويت]

فعلا اللي مايطول العنب حامض عنه يقول

علقم بعد

 

[خولة]

فعلا اللي مايطول العنب حامض عنه يقول

الحمد لله أولا واخيرا .. عندنا سائق .. ونحن نسوق .. وهذا كله من فضل ربي .. فعن أي عنب الذي لم نطله تتكلمين ؟!! .​

 

[.. عصآمية *]

المضحك في الأمر .. أن من يناقشن في قيادة السياره هن غير السعوديات !!!!!
الأخوات متحمسات وكأن رأيهن ذو أهمية بالنسبة لنا ....
عزيزتي انتي وهيه .. هل تتخيلين نفسك وانتي تحاولين إقناع جارتكي مثلا بلبس فستان معين وتستذبخين في إقناعها !!!!

والله مضحك ؟
ماشوف شي يضحك !
زين ندري راينا مو مهم و لا حتى رايج مهم و لا احنا و لا انتي تأثرين
هذا قرار دولة مو قراري و انا بعيدة و لا قرارج و انتي داخل !
،
بعدين الموضوع محطوط للنقاش مو مكتوب بس للسعوديات ،

و احنا هني نناقش اي موضوع نبي ، و انتي لج الحق تناقشين اي شي

خصوصاً طنازتج إللي تحت كلامي هذا !!

|
|
|

​

السائق الذي يخدمني بمالي ... وليس من مال احد منكم فهونوا عللى أنفسكم
وانا كنت وسأظل ملكه متوجه لا أتكفل حتى عناء فتح باب السياره
لم يناقشكم احد في سياقة نسائكم للسياره .. ولا بجلوسها عند عجلات سيارتها المبنشره.. ولا لخدمتهاالمسكينه ليل نهار على ظهر سيارتها
اعتقد ان الحل الامثل لنا ولكم استقدام سائقات نساء من البلاد التي تسمح بقيادة المرأه للسياره بدلا من الباكستاني والبنقالي ..ونكون بذلك ارضيناكم ورضينا . ويابختً من نفع واستنفع
تحياتي لكل الفضوليين

والله اذا قعدت ( بنت ) عند عجلة سيارتها المبنجره تبي تصلحها

فهذا من قلة الحيلة ، و الا تهقين لو عندها عزوة جان قعدت عن تاير سيارة

و هذي مو مشكلة السواقة و لا مشكلة السيارة و لا مشكلة البنت !!

هذي حياتها و هذي ظروفها تتقبلها !

و تتعايش معاها !!

و لا تطنزين ! لا الله يبليج ،‘

مو كل الناس انتي و لا كل الناس بظروفج !

،

مادري شلون هالعالم ماتقدر ظروف غيرها و لا تحترمها شي غريب !!

اوكي لا تقدرين ظروف بنت تقعد عند تاير ، لكن ما يحق لج تتكلمين بطنازة !

/

بعدين لما تقولين

اعتقد ان الحل الامثل لنا ولكم استقدام سائقات نساء من البلاد التي تسمح بقيادة المرأه للسياره بدلا من الباكستاني والبنقالي ..ونكون بذلك ارضيناكم ورضينا . ويابختً من نفع واستنفع

منو البلاد اللي تسمح بقيادة المرأة للسيارة

أقدر اسيء الظن فيج لكن ما راح اناقشج بـ هالسالفة يكفي فهمج ، و احتراماً لغيرج اللي لولاهم لقيتي رد يرضيج

/

بعدين ما عرفنا لج

القيادة حرام للمرأة و الا غير مقبولة عرفاً

اذا حرام شرعاً ، فما يحق لج تقولين استقدام سائقات نساء لانه حرام !

و اذا غير مقبول عرفاً ، فـ بلاش التحجج بالحلال و الحرام !

هذا والله أعلى و أعلم ،

احترامي للي يستاهل الاحترام :وردة:

 

[شجون الكويت]

المضحك في الأمر .. أن من يناقشن في قيادة السياره هن غير السعوديات !!!!!
(اقتباس .. كاندلا ..)

مافي شي يضحك انا اشوف ... المضحك انك تضحكين في منتدا كويتي 100% ... وإذا مو عاجبك في منتديات سعوديه كثير .. اشجابك عندنا !! وياغريب كون اديب .. ليش تحسستي حيل من هالموضوع ترا حكومتكم الي منعت القياده مو احنا !! ومادري مشاركة المواضيع تقتصر على جنسية معينه ولا فئة معينه .. !! موضوع اثير في منتدانا ونحن اعضاء فيه ... نشارك ما نشارك شي يخصنا ... في كثير من الأعضاء خليجيين ويشاركون في الرأي شي عادي طبيعي ومرحب فيهم بعد .. بس لمن تقولين من المضحك لمن نشارك موضوع خاص بالسعوديات هذا موشغلك عاد .. يعني احداث البحرين ما حد يشارك في الموضوع بس البحارنه !! غريب هالتخلف !! فعلا السياره ما تصلحلج خلك عالسايق احسن

 

[فريمان]

"كلن يرى النآس بعين طبعه"

انا طبعي متطبع ب (الحرية ) وافكاري تتوافق مع معرفي (فريمان الرجل الحر ) لكن
الغريب ان معرفك هو (الحر العديم ) اي حر واي بطيخ !!!

من الافضل ان تغيره الى (عديم الحرية ) !!! لكي يتطابق مع افكارك .

 

[الحر العديم]

انا طبعي متطبع ب (الحرية ) وافكاري تتوافق مع معرفي (فريمان الرجل الحر ) لكن
الغريب ان معرفك هو (الحر العديم ) اي حر واي بطيخ !!!

من الافضل ان تغيره الى (عديم الحرية ) !!! لكي يتطابق مع افكارك .

خلاص يابابا ولاتزعل تطبع على كيفك

ومعرفي محد أخذ رايك عشان تقول لي الأفضل شنو

"إذا خاطبك الجاهلون فقل سلاما"


​

 

[شامخ الكويت]

مغلق:
1. يمنع توجيه الإهانات أو الشتائم أو السخرية بإطلاق الأوصاف أو التشبيهات الغير لائقة والتي تمس (الاسم أو الخلقة أو الجنسية أو الأصل ) من أي مشترك ضد أي شخص آخر سواء كان أحد المشتركين أو أي شخصية عامة أخرى ويجب أن يكون النقد موجها لأفعاله أو وجهة نظره وكتاباته بدون تعدي على شخصه.