لاشوق منك ولا حنيت ياحنيّن.؟

[فيصل الهديب]

مرحباً




تسألني.. الشوق عندك ليه مابيّن.؟
يوم انها ميته بالشوق والذكرا
​

ياقاسي القلب.. قلي وأذكرك ليّن
وش جاك عقبي ياسيدي.؟ ليه هالنبرا.؟
​

لاشوق منك ولاحنيت ياحنيّن.؟
شككتني فيك. ولاّليلتي غبرا؟
​

أكابد الليل عقبك لين ما أعيّن
صوت الاذان وعلى سجادتي عبرا..
::
ياسيد الغيد..جرحك سهل وهويّن
تقرا هماليل.. ولا الحين ماتقرا.؟
​

أنت إتتشره وتطلب حق وتديّن
ماتدري أني صبرت ومل بي صبرا
​

أنت البلا الليل عندك تالي تزيّن
لوحات يومك تسلي خاطرك دبرا
​

ماتدري أني عجست وحظي مفيّن.؟
حتى الجروح القديمه ماتبي تبرا.!
​

خذوك جرح.. ورضاك الجرح ومشيّن
كل التعابير عندي مالها جبرا
​

الوقت قاسي ولاهو عندي بهيّن
كل حين تطري.. ونار ن داخلي كبرا
​

لو كان بيّن شعوري فيك مابيّن
أحرقت حالك ولا خليتها ثبرا





سلام​

 

[جمـوح الخيل]

صح لسانك..
وكما إعتدنا منك أخي الكريم فيصل الهديب لا تأتي إلا بالجزل الفريد...
قصيدة راقيه...
ماتدري أني عجست وحظي مفيّن.؟
حتى الجروح القديمه ماتبي تبرا.!​

هالكلمة قد اندثرت من قاموسي لكن رجعت هذه الليله بقصيدتك
الرائعه...
شكراً..​

 

[فيصل الهديب]

صح بدنج أختي
جميل أن نجد من يتابع وينتقي مما يتابعه الشيئ الجميل
فشكراً لمتابعتكِ وحضورك
وشكراً على هذا الاطراء

تحيتي​